فطامي بعد ما قالها ابوها راحت و صلت الاستخاره و استخارت و ارتحاحت طبعن قبل ما تصلي قعدت تفكر ف حمدان و فطامي تقول ف خاطرها صح اني انا احبه بس ما بسوي جي و بحبه
صلت ثلاث ايام
بعدين راحت و قالت حق ابوها
فطامي : ابويه
ابو عبدالله: امري
فطامي : فكرت ف الموضوع
بوعبدالله: شو قلتي
فطامي : الشور عندكم
بوعبدالله: يعنيي موافقه ؟
فطامي : هي ابوي
و كلهم عرفو انه فطامي موافقه و حمدان يوم سمع الخبر اغما عليه لدرجه انه من الصدمه يدعي ع عمره بالموت
عند اهل هزاع
هزاع يوم عرف انه فطامي موافقه فرح وايد من كثر الفرحه قام اييول ف الصاله
سلامه : تخبل الولد
هزاع : والله اني فرحان من خاطر
ام هزاع : عسى دوم انشاءالله بالبركه ي ولدي
هزاع : الله يبارك فيج
حمدان كان متضايق دخلت عليه عنود
عنود : حمدان
حمدان رفع راسه
عنود : حمدان كلحد و نصيبه و اذا فطامي من نصيبك بتييك
حمدان : عنود احس قلبي انكسر
عنود : حمدان كل حد و نصيبه
حمدان : انشاءالله
عاد تم هزاع كل يومين و ف بيت قوم بوعبدالله
ام هزاع : ي ولدي شفيك كل يومين عندهم
هزاع : امايه هناك الققلبب
ام هزاع : وابوي عليك انا شو القلب بعد
سلامه و هي نازله : امايه حبيبته هذي
ام هزاع : ابوي
هزاع و سلامه قعدو يضحكون
هزاع : امايه انزين سمعي لازم نحدد الملجه و العرس
ام هزاع : انشاءالله بقول حق ابوك
حددو موعد الملجه طبعن هزاع مستعيل ع الملجه
بعد مناقشات خلو الملجه بعد شهر و العرس بعده ب يومين
طبعن فطامي معصبه و قاعده ف الصاله
فطامي : انزين ما يصير ترا انا توني م بديت جامعه حتى
بوعبدالله: ريال قال بيخليج تدرسين عنده
فطامي : انزين ليش الريال مستعيل هالكثر
بوعبدالله: يبنتي كل شي خير
فطامي ابدا مب عايبنها انها بتعرس بعد شهر بس سكتت عشان خاطر ابوها و امها الي فرحانين حقها
تمت فطامي تجهز اغراض ملجتها و عرسها
قروو انهم يسوون حفله بسيطه حق العايله بس عشان الملجه و العرس بيكون حق كلحد
فطامي تجهز حق العرس و الملجه
حمدان حالته كل يوم تزيد
عنود : حمدان تراها مب حاله لا اكل ولا شرب
حمدان : عنود طلعي برع
عنود رمست ابوها و امها عن صحه حمدان
يوم الملجه هاليوم الي بنتكتب فطامي حق ههزاع
ههزاع مربووش و متوتر شوي و مستانس
فطامي متوتره واايد
فطامي ف خاطرها يا الوقت الي بكون فيه حق هزاع الي خلاص
عنود يت تبا تساعد فطامي ف ملابسها و جي
فطامي و قاعده تحط ميكيب : عنود عنود شوفي حلو
عنود : انا ما ادري ليش انتي تبين تحطين بروحج جان رحناا الصالون
فطامي : لا عشان يوم العرس يشوفوني غير
سلامي : هي بعد صح ع الاقل شعرج
فطامي : شو فيكم ترا انا اباه جي سيده و مفتوح عشان الفستان بيي ما فيه ايدين ف بيطلع حلو
سلامي : خلاص كيفج
فطامي : وين فستاني
عنود : الحين بييبه
نزلت عنود تييب فستان فطامي كان لونه عيناوي فاتح و فطامي خلت شعرها مفتوح و رفعت طرف شعرها ب ورده عيناويه
كان شكلها وايد حلو
حمدان ما راح ملجه فطامي حس انه مكسور ف قالهم انه تعبان و راح صوب البحر و قعد و تم يكتب ع الارض اسم فطامي
بعد ما وقعت فطامي بدت الاغاني و الفرح كان ف البيت كله
و هزاعع مستانس
نزلت فطامي و قعدت على الكوشه كانت الكوشه صغيره بس حلوه لانها حق ملجه قعدو البنات يرقصوون و بعدين قالو المعرس يبا يدخل ع عروسته
دخلو فطامي الميلس و دخلو هزاع عليها
فطامي تمت موخيه راسها و مستحيه
هزاع : شحالج
فطامي : الحمدلله بخير
هزاع : شو شعورج
فطامي : متوتره
هزاع و هو يضحك : والله حتى انا متوتر كنت بس الحين خلاص
فطامي : عسى دوم الضحكه
هزاع : وياج يروحي
فطامي : اييب لك ماي ؟
هزاع قام : لا انا بييب حق عمري
راح هزاع و ياب لها وياه ماي
عااد عبدالله قال لازم يخرب عليهم الرومنسيه و راح و دق الباب
هزاع كان ماسك ايد فطامي يوم سمع حد يدق الباب فج ايدها
عبدالله: خلص وقت الزياره
هزاع و هو يضحك : اقول برع
عبدالله يخلي عمره يشوف ساعته : بسرعه الساعه تسع تراها
هزاع : قاعد ويا حرمتي
عبدالله : عندك خمس دقايق
هزاع : برع برع
عبدالله طلع عنهم
هزاع : يلا فطام انا بترخص
فطامي : الله يحفظك
هزاع باسها ع راسها و خذ رقمها و طلع
