مر عـ عرس فطامي شهرين
سلامه تقدم لها عبدالله و حددو الملجه و العرس
عنود تقدم لها واحد من صوب امها و وافقت عليه
حمدان امه تخطب له و هو اول شي يوافق بعدين يغير رايه كل يوم يخطبون له بنت
الخميس
فطامي قاعده ف قسمها دخل عليها هزاع
هزاع : قاعده بروحج ليش
فطامي : كنت قاعده ارمس عنود
هزاع : شو فيها
فطامي : بيتيمعون باجر ف حديقه و قالو كلحد بيكون هناك و عاد انا ف خاطري اروح
هزاع : فطامي كم مره قلتلج انا ما اباج تروحين هالاماكن
فطامي : هزاع شو يعني انا ابا اسير
تمت تحاول تقنعه ما اقتنع
فليل فطامي رمست عنود و قالت لها تييها و تمر عليها من بيت اهلها
اليوم الي عقبه
هزاع خطف فطامي بيت اهلها و هو راح عند ربعه العزبه
ع المغرب تلبست فطامي و راحت ويا عنود اول شي تمت خايفه بس عقب راحت
كان حمدان هو الي بيوصل فطامي و عنود
حمدان ف خاطره رديتي و روحي ردت لي بس الحين انتي حلال حق حد غيري مب حقي
وصلو الحديقه
قعدو لين المغرب بعدين هزاع دق حق فطامي
فطامي : الو
هزاع : وينج انتي
فطامي : ليش يلا عقب شوي بيي
هزاع : انا بيي اشلج وينج
فطامي توترت عقب قالت مافي مجال غير اني اقوله : ف الحديقه ويا ربيعاتي
هزاع : انا قلتلج لا تروحين ليش تروحين
فطامي : هزاع كان ف خاطري
هزاع : انتي اي حديقه بمر عليج
فطامي قالت له
راح هزاع و شل فطامي و يابها البيت
و بعد ما وصلها طلع من البيت و راح
بعد العشا فطامي قاعده تحاتي هزاع و هزاع للحين ما رجع
ف نفس الوقت عليا ( عليا هي بنت خال هزاع هي تحب هزاع بس هزاع ما يحبها و مب عاطنها ويه و هي قاصه ع كلحد و قالت انه هزاع يحبها حتى على اخته سلامه و قبل ما هزاع يخطب فطامي كانو خاطبينه حق عليا ف عليا الحين مقهوره من فطامي )
عليا دقت حق سلامي
عليا : الو هلا الغاليه
سلامي : هلا فديتج علايه
عليا : سلامي فديتج عندج رقم فطامي حرمت هزاع
سلامي : ثواني بطرش لج اياه
عليا : مشكوره فديتج ما تقصرين
سلامي : العفو
عليا دقت حق فطامي
عليا: الو
فطامي : الو منو معاي
عليا : انا عليا بنت خال هزاع
فطامي : امري فديتج شو بغيتي
عليا : بس بقولج انه انتي فرقتي بين اثنين كانو يحبون بعض وايد
عليا فهالوقت دخل عليها منصور اخوها
منصور : عليا
عليا : المهم فديتج يلا مع السلامه
فطامي م رمست طول ما عليا ترمس و يوم سمعت منصور تحسبته هزاع و تضايقت واايد
عند عليا بعد ما سكرت
علياا : خير شو تبا انته
منصور: تستهبلين انتي كيف جي تكلمين حرمت ولد خالج
عليا : شو انته سمعت انا شو قلت
منصور: هي سمعت و طلع عنها
منصور طلع و رمس هزاع و قاله بالي صار حق فطامي و عليا
فطامي بعد ما استوعبت دقت حق سلامي
فطامي: سلامي بسالجج سوال
سلامي : امريني فديتج
فطامي : هزاع و عليا كان بينهم علاقه من قبل ؟
سلامي : الصراحه انا الي اعرفه هي كانت بينهم علاقه و كانت عليا مخطوبه حق هزاع بس شنسوي نصيب
فطامي : خلاص تمام مشكوورهه
سلامي و هي مستغربة: العفو حبيبتي
هزاع يوم عرف انه فطامي وصلها هالخبر بسرعه رجع عندها
فطامي من الضيقه الي فيها رقدت
هزاع يوم يا حصلها راقده
هزاع ف خاطره والله فحياتي ما خليتج ترقدين و انتي متضايقه و هذي اول مره و اخر مره انشاءالله
هزاع انسدح عدال فطامي بس ما ياه الرقاد لين صلاه الفير
هزاع : فطامي حبيبتي قومي يلا اذن الفير
فطامي قامت و ما رمسته
هزاع : صباح الخير
فطامي ما ردت
هزاع : يعني بتمين جي ما ترمسيني
فطامي راحت عنه صلت و ردت ترقد
هزاع تضايق وايد و قعد يفكر كيف يقنعها فقرر يرمس سلامي
تلبس و راح دوامه و هو ف الدوام دق حق سلامي
هزاع : الو
سلامي : هلا والله
هزاع : من زمان عن هالصوت
سلامي ضحكت
قعد ياخذ علومها جي عشر دقايق
هزاع : سلامي اباج ف سالفه
و قالها السالفه كلها
سلامي: ترا عليا قالت لي انك تحبها
هزاع : شووو خخيرر احبها والله اني احب فطامي و ما اداني عليا
سلامي: ما اعرف هي جي قالت
هزاع : و انتي قلتي جي حق فطامي
سلامي: هي
هزاع عصب : باي باي
و فر التلفون ع الطاوله
