لعبة الروليت [تسبقها مذاق العناق]

بارت النهاية

اخلاء للمسؤولية هالرواية جنسية وممنوع دخول اي شخص اقل من 18
.
.
استمر اختفاء فداء عن الماستر أسبوع كامل، الكل يتساءل عن سر اختفاء فداء، انعزل الماستر عن باقي الأعضاء وبقيت ياسمين بينهم وخايفه من الماستر لو كشف خيانتها، ومتأكدة بنفس الوقت ان انعزال الماستر وراه شي عظيم بيصير، تأكدت اثناء هالفترة انها الطرف الأضعف مابين الماستر وعنف ، وسواء انحازت للماستر أو لعنف مارح تقدر تقاوم أي طرف ، وانها خلاص مجرد كرت خاسر بهاللعبة الكبيرة ، وحان وقت الاستغناء عنه، ولكن اكثر شي قاهرها هو اهتمام الماستر بفداء وغياب فداء الحالي والمفاجئ اكيد ان عنف وراه، زاد حقدها على فداء اكثر: ياترى ايش عاجبهم فيها هم الاثنين!!
.
طوال الاسبوع والماستر يفكر ويعيد ترتيب اوراقه، ويحاول يتوصل لسر اختفاء فداء المفاجئ، ومين ورا هالاختفاء، وايش سر القدرات الهائلة اللي ماخلته ينتبه لاختفاءها ، أو انه فعلا بدأ يخسر قدراته وظهر شخص بقدرات أكبر منه، جلس يفكر مين هالشخص وفباله شخص واحد، سيء الذكر لوسيفير، اما انه بنفسه رجع يكمل هالحرب، او انه اختار شخص عنده المقدرة على تطوير قدراته لدرجة يقدر يواجه فيها الماستر، ولو كان الاختيار الثاني صحيح مافيه غير شخص واحد عنده هالقدرات، لأنه بالأخير وراثة !!!
.
عاش عنف مع فداء لحظات رومنسية وجميلة طوال هالفترة على الرغم من اختلاءه بنفسه وهو يفكر بالاكتشاف المفاجئ اللي اكتشفه من بذرة الماستر ، وأحيان تجيه الرغبه بانكار كل هالافكار براسه ، الا انه احيان يبدو له كل شيء منطقي ويوضح كل شي عاشه بحياته مع الماستر ،كل شي فرضه عليه الماستر كل شي منعه منه ، كل شي علمه وخلاه يعتقد ان هالمواهب تكتسب بالتدريب، افكار متزاحمه براس عنف ولكنها اخيرا بدأت تبدو منطقية ، سر حب الماستر الشديد له، سر ظهور الماستر المفاجئ في كل مراحل حياته، وبالتفكير عن مراحل حياته ابتسم عنف وقت تذكر انه ماعمره يتذكر طفولته ، كل اللي يتذكره وجود الماستر دايم بحياته، تذكر جوج وفهم أخيرا سبب ان الماستر حاول بكل الطرق ان يمنعه منها، كل شيء يبدو منطقي الان ، ولكن الغير منطقي هو سيء الذكر لوسيفير ليش يبغى يدمر الماستر بكل هالقوة، وقرر عنف انه يواجه الماستر اخيرا.
.
.
.
من قال ان الجبال لا تتصادم، من قال ان الجبال لا تلتقي، منظر عنف أمام الماستر منظر مهيب وكأنهما جبلين يريدان أن يتعانقان أم يتعاركان، اختار عنف أن يفاجئ الماستر بزيارته وبرفقته ايم وفداء، ولكن الماستر لم يتفاجئ أو ان قدرته على اخفاء مشاعره تفوق أي خيال لاي شخص حتى لو كان عنف، نظرة عابرة من الماستر لفداء وكأنه يعاتبها ، وبعدها اشار لعنف بالدخول للقاعة المغلقة، فقط عنف والماستر في هذه القاعة الموحشة، صمت يطول وكل واحد فيهم يتفرس الاخر ويأمل أن يقرأ افكاره ، ميزة عنف الوحيدة أنه أتى بأفكار جاهزة على عكس الماستر ، لذلك بدأ الكلام:
- طوال سنين وانت تمثل لي لغز عملاق، أحاول أفهمك وابرر تصرفاتك معي، مرات كثير احس بحبك اتجاهي غير طبيعي، ومرات قسوتك تخليني احتار فيك، ومع موت جوج العالم كله ظلم بعيوني واتخذتك عدوي الأعظم بسبب حياة الاسرار اللي تحيط نفسك فيها ، وكانك عايش لنفسك فقط، ليش ماشاركتنا كل هالامور ليش؟
لاول مره من مئات السنين توضع على ملامح الماستر ردة فعل بالمفاجئة والألم، ردة فعل توحي إن أعظم الاسرار انكشف ومباشرة اخذه تفكيره لياسمين اللي حبسها قبل يوم واحد لانه توصل بافكاره لاحتمالية خيانتها والان تأكد من اللي صار وهمس بكلمة وحدة بغضب : ياسمين ... قاطعه عنف: ياسمين مالها ذنب، مجرد بشرية ( يا أبي ) ، الكلمة هزت الماستر سنين طويلة يتمنى يسمعها ورغم ذلك انتبه كذلك للكلمة اللي سبقتها ( مجرد بشرية) ياترى عنف فاهم هالشي، وكان عنف في وضع ذهني وقدرات أعلى من أبوه الماستر اللي وضح عليه الضعف.
- عرفت كل شيء من بذرتك سيدي والا ابي والا سيد ماستر معرف ايش اناديك، بس عرفت ايوا اننا غير بشريين ، واننا من سلالة لوسيفير، وان لوسيفير يطاردك لعصيانه طوال الآف السنين وانه منع سلالته من الانجاب وهذا السبب الاول لرغبته في القضاء عليك، وان هالنادي بكل من فيه هم من سلالتك اللي تحاول تخفيهم عن اللوسيفير بكل بقاع الارض وتشكل فيهم جيش بعد كذا لمواجهة لوسيفير، عرفت كل شي كل شي.
كان الماستر في ذهول، وكمل عنف الكلام:
- سلالة مهجنة نصفهم بشري ونصفهم الاخر غير بشري، يحكمهم لوسيفير بحكم انه الاب الاكبر، هروبك طول هالسنين مامنه فايده ياسيدي، لوسيفير باقي مابقيت الحياة، وانا وانت وكل سلالتك مارح نقدر نقاومه كل اللي نقدر عليه مواصلة الهروب، ولكن اتمنى قبل الهروب انك تتخذ قرار شجاع وتخبر كل سلالتك بالحقيقة أو تختفي انت بنفسك وتتركهم يعيشون حياة طبيعية بدون قدرات بدون انك تحكم عليهم بحرب خاسرة.
.
.
اختفى الماستر واتبع نصيحة عنف، عنف عاش حياة بشرية بدون اخبار فداء او اي احد باللي صار، ورجع بقية الاعضاء لحياتهم الطبيعية بعد ما مسح عنف من ذاكرتهم كل شيء عن النادي وعلاقاتهم وقدراتهم بما فيهم ياسمين وايم.
==============النهاية====================
اتمنى دعمكم الدايم لهالرواية واختها الكبرى ( مذاق العناق)
اتمنى دايم تعطوني تعليقات لطيفة زيكم
اتمنى تشاركوني افكاركم وتضيفوني بتويتر وانستا
حبي لكم جميعا
عنف ٤ مارس ٢٠٢١