لعبة الروليت [تسبقها مذاق العناق]

البارت ١

على بعد الاف الأميال من الماستر وأعضاء النادي، كان عنف يمارس عادته اللي صار يمارسها يوميا، انه ينتقل من العالم الحقيقي الى العالم الجديد اللي باقي روح جوج تايهه بهالعالم بدون جسد، كانت تتجسد لعنف بهيئات مختلفة كل مرة عشان تقدر تكلمه وتحاول تطلعه من الحالة اللي هو فيها، حالة عميقة من الحزن الواضح على ملامحه، وبكل مره يزورها يتكلمون بدون صوت يتكلمون بلغة اشبه ماتكون بالتخاطب الفكري، كانت تحثه انه يرجع لطبيعته مع الناس ويكون علاقات، ولكن حزن عنف كان اكبر من انه يتجاوب ويرجع يلاقي نفسه بسريره ينتحب على فقد جوج.
.
.
تحركت لعبة الرول بشكل دائري وكل شخص يترقب حركتها اثناء دورانها وكأنها استمرت دهر وهي تدور بدون توقف لين استقرت باتجاه الماستر نفسه، وبدأ يتكلم بصوت اقرب للهمس والجميع منصت:
هذه اللعبه يفترض انها تدور وتختار شخص بشكل عشوائي زي ما الكل عارف، ولكني عن قصد خليتها تشير باتجاهي او باتجاه اي شخص فيكم في المرات القادمة، الكل يعرفني باسم الماستر وهذا اكثر شي يهمكم عني حاليا، بكلمكم عن قصة شخص فريد جدا ومهم بالنسبة لي ولكل شخص فيكم، عشان نتعلم من تجربته واخطاءه، كل شخص فيكم قدامه اوراق فيها معلومات بسيطه عن هالشخص المعروف باسم عنف، كان اكثر شخص عنده موهبة انه يتعلم بسرعة وعاملته معاملة عائلة اخ وصديق واكثر زي ما اتمنى عالاقل يتميز شخص او شخصين منكم، ولكن عنف اضاع الطريق وقت استخدم مواهبه بطريقة نقدر نقول انها غبية ومشى بطريق الشهوة الين ضيع نفسه، كلكم على علم بالتعليمات الرئيسية لوجودكم معنا بهالنادي، واهم هالتعليمات ممنوع الدخول بعلاقة مع اي شخص يملك موهبة سواء كان زميل حاضر هنا او شخص من الخارج، الا في حالة وحيدة يكون هالشي بطلب مباشر مني شخصيا، هدفكم الرئيسي هو اكتشاف انفسكم من الداخل وبعمق وأي شخص مايجتاز الاختبارات المفاجئة بيكون عرصة للخروج من المجموعة ومايحتاج اقلكم ان كل شي بيننا يكون أهم وأكبر سر بحياتك.
.
.
التفت الماستر لوجوه الحاضرين وكأنه يتأكد من فهمهم لكلامه، ولقى اغلبهم حاسس بضياع ويحتاج اللي ياخذ بيده عشان يفهم نفسه قبل كل شي، وادار الروليت من جديد وتحركت الروليت دائريا من جديد والجميع يترقب بتوقف على مين هالمرة وهم متأكدين انه اختيار الماستر قبل لا يكون اختيار عشوائي، وتوقفت الروليت باتجاه ايلا وتحولت الانظار باتجاهها ، بمجرد نظرات الجميع اتجاهها حست بالارتباك لانها النظرات بالنسبة لها شي مربك ويخالف شخصيتها اللي خلت من نفسها شخصية محاطة بالكثير من الحواجز وهي بهاللحظة امام اكبر مخاوفها: النظرات وكشفها لنفسها ومشاعرها.
.
.
اسمي ايلا، ادرس تخصص الادب الانجليزي واحب الروايات والشعر الكلاسيكي والموسيقى الكلاسيكيه، عمري ٢٢ طولي 168 ووزني 44.1 عندي اربعة  اصحاب فقط، مره قريبين مني وما أحب الناس وما اجلس مع أحد كثير حتى أهلي أصحابي يجوني كل مره يقدرو يجوني، ابتسمت بارتباك وكملت كلامها: ما أحب أحد يطالعني لوقت مره يوترني هالشي زي ماتسوون هاللحظة ، انقذها الماستر وقال: لحد يطالعها. ابتسمت وكانها تشكره وغمضت عيونها تتجنب الاحراج، ورجعت تكمل كلامها: انا سنقل لي ثلاث اشهر و11يوم واعد الايام يوم يوم لاني على الرغم من ابعد الناس عني الا ان شعور الوحده يغلبني، نجمي كشاف بمعنى أقرب اني اقدر اشوف الشي المخفي عن البشر وقت يظهرون لي بالتحديد، يعني في بعض الاشياء من العالم الأخر تظهر لي أو حتى يجو بنومي ويصحوني ما اعرف هم اشباح او شيء مختلف ولكني بهاللحظة عندي القدرة اكشف مشاعر كل شخص فيكم.
الماستر: كلمينا عن علاقاتك سيدة ايلا؟
ايلا: تحت امرك سيد ماستر، لي علاقتين سابقه كلمتكم عن آخرهم،  كان اسمها ساد جلسنا مع بعض سنتين اصحاب ونص سنه تيكن بعدها صارت تفضل كثير اصحابها، كانت تقريبا كل يومي كله اقضيه معاها نلعب أو تجيني البيت عشان نطلع نروح البارتيات مع بعض دايم، بعدين صرت مره أحبها وم أحب تقرب لأحد وهي صارت تستفزني الين اعترفت لها اني أحبها وهي بادلتني المشاعر لكن اعتقد ان حب التملك يسيطر على مشاعري وهالشي فيه ناس ما تتقبله وبالاخير يرجع الوجع بقلبي وحدي.
.
.
مع دموع ايلا قرر الماستر ان الجلسة تنتهي لهاليوم وكل شخص يروح لغرفته، وكانت نظرات الجميع لايلا تحولت لحزن، ولكن الماستر فيه شي شده كثير بشخصية ايلا، والاكيد انه بينمي هالشي فيها.
.
.
.
مطلوب التفاعل عشان نكمل
#تومبوي #تومبوي_ليدي #لزلزِ #لعبة_الروليت