#الاخوات
للكاتبة ام مصطفى
البارت العاشر
سامر قتل امج
شنوو ماتت امي
اوييلي يبوووووي كلة بسببي
اني السبب
لا مو انتي ع كيفج وي نفسج حبيبتي امج هي الي جابت سامر وهي الي جنت على روحها
كمت اصرخ لتموا علي بالبيت
شكو شكوو
امها توفت لازم نروح لبغداد هسه منو ياخذني
مهند كال اني اخذكم اني اروح وياكم اسماعيل عندة دوام اكيد ميكدر ياخذكم
-ديلة لعد تحضر
اني جنت مستمرة بالبجي مجاي استوعب الي جاي يصير ابد امي ماتت قتل واكيد بسببي
طلع مهند جاب سيارة
صاح نور يله
جان يباوعلي واني شلون ابجي
تقرب مني
البقية بحياتج صح هي امج وغالية عليج بس ع كيفج وي نفسج
هزيتلة راسي لان مااكدر احجي موجوعة حييل رغم كل الي سوته امي بية تبقى امي وعزيزة علي
صاح على نور
يله ام محمد السايق واكف
اي اي اجيت
نزلت جنط هواية تجر بيهن
هاي شنو جنج رايحة مترجعين بعد
اي والله لعد منو يبقى يم بنات ابراهيم
لازم اني ابقى يمهن
يله كومي حبيبتي دلول
لبستني حجاب وعباية فوك ملابسي مال اللبيت وطلعنا
كلها سلمت علي وودعتتا
مهند صعد بالصدر
واحنه ليورة
وكل مااعرف راسي الكاه يباوعلي بالمراية
جنت اصفن واسكت شويه بعدها اذكر كل شي مر علينا وابجي
وعمة اطبطب علي كافي حبيبتي
للظهر وصلنا
طبيت اصرخ
شافتني منسة
واجت تركض داليا داليا
ولج وين رحتي وعفتينة سامر كتل امي وج بقينا لا اب ولا ام
حضنتني وتصرخ واني اصرخ كله مني كلة بسببي اني اني نهزمت وعفتها مفكرت بيكم
لا تكولين هيج انت احسن شي سويتي انهزمتي
اجن خواتي سلمى وشيرين وعبود يبوسون بيه
حضنتهم وكعدت بالكاع اصرخ ...........بعد ماخلصت الفاتحة خوالي تبروا من عدنا كالوا لا نعرفكم ولا تعرفونه بعد وطلعوا من البيت .
عمة احلام كالت عمة اني ابقى اجيكم كل كم يوم ونور تبقى يمكم بعد
لحد ما بلكت يطلع عمو محسن وبعد هو يتولى امركم
وانتم ان شاءالله كبار وفلوس محل ابوكم يجيكم وتعيشون بيه
واي شي تحتاجوه احنه منقصر وياكم
..........
وبعد شهر ونص من موتت امي عمتي نور بقت يمنا وبدينا نعيش حياتنا بهدوء بدون مشاكل بس هواي نفتقد لابوي وامي
بعد شهر ونص اجت المصيبة لا ع البال
قطعتني الدورة وانتبهت واصدكون مجنت اعرف اذا تكطعني يعني حامل حجيت بعفوية يم عمة نور جنة كاعدين
-همزين فاكة من الدورة مجايتني هذا الشهر
-عززةة صدك تحجين
-اي والله شبيج اخترعتي
-شلون مااحترع وج مصيبة
-ليش
يعني متعرفين اذا تكطعج الدورة يعني حامل
-حاامل شنو حامل شلون
ليش مو جامعج عزيز تكولين اكثر من مرة بنفس اليوم
-اي صح
لعد منها صار الحمل
-لا عمة عفية لا تكولين هيج شكل للناس اكلهم خدعني وزنا بيه
والطفل لو يجي من يجي ميلكة ابو بدون اب لا لا مستحيل
وج كومي اسويلج تحليل دم
كمت بس احس انتهيت بهالخبر كل وحدة تفرح بحملها خصوصا اول طفل
اني حيل انقهرت وخفت مصدكت خلصت من عزيز وسامر تجيني هجي مصيبة اني حياتي انتهت منو يصدك الي صار بيه لا عندي عقد زواج ولا عندي احد يشهد اني تزوجت ولا اني صدك طلعت مزوجة طلع ينصب علي الله لا يوفقه شخسران هسة لو عاقد علي حسبي الله ونعم الوكيل
لبست وطلعت وادعي كون مااحامل يربي انت تعرف بحالي اني بركبتي اربعة خواني هالنوب يزيدني هالطفل شكول للناس لكرايبي شلون بية ياربي ساعدني
دخلت للتحاليل
سويت تحليل دم وارجف كالت المحللة شبيج حبيبتي خايفة
لا ماكو شي شكد ويطلع التحليل
ربع ساعه ان شاء
اوكي انتضر
طلعت كعدت يم عمة نور ارجف والله رجف خايفة
ها شبيج
خايفة عمة خايفة
الله كريم سلمي امرج لله سبحانه وتعالى
والنعم بالله
مو ربع ساعة احس صارن شطولهن الدقايق
ضليت ع كعدتي
طلعت المحللة
مبروك حامل
راسا احس راد يغمى علي من الخبر كمت ارجف ودموعي نزلت مني
كمت وكفت اهز براسي
عمة شسوي كليلي شسوي فدوه راح اتخبل عمة
كولي يا الله كل مشكلة والها حل
-الة هاي المشكلة مالها حل غير اوكع الطفل
طلعت من المختبر
عمة اخذيني لدكتورة تنزلة
لج منو تورط نفسها بهيج شغلة
لعد شلون فهميني لازم انزلة مترهم يربي ساعدني
رجعت للبيت الدنيا طالعة من عيني لدرجة فكرة اخذ سم فار وانتحر واخلص بس عبودي صار بعيني
اجيت لكيت الافندية منسة ممصدكة نطلع وتصعد تحجي وي رعد
واصعد الها الكة طافر يمها
اول شي ارزلة وكتلة لوشفتك مرة ثاني ع سطحنا اصرخ والم الناس واكول طافر علينا واحنا بنات واشكيك بالمركز وثاني اسحل منسه من الدرج للكاع وشبع ضرب وهي تصرخ كافي تخبلتي شبيج عوفيني
ولج تردين يصير بيج مثل مصار وياي تردين ننفضح اكثر يحبج يجي يخطبج ماكو باجر اجيب ابو اللحيم يلحم السطح وباب الحوش متوصليه اكسر رجليج
عمة نور فرغتها مني كوه وهم رزلتها وضلت تصيح اني احبة وهو راح يخطبني
خوش خل بجي وازوجي وخلصينا...
بقيت لليل ابجي عمة فدوه ساعديني قبل لا يفوت الاون
يكولون حبوب براسيتول اذا شربتيهن يوكع الطفل
اه صدك شكد اشرب
طبقتين
اخاف اتسمم
ماادري سامعة من العجايز
خايفة كلش خايفة اموت واخوتي منو الهم
اسم الله عليج
اني راح اسئلج ع جده تنزلة انتظريني بس هالاسبوع
ضليت للصبح اتكلب
كعدت وارمة عيوني
الساعة عشرة
طب مهند من العمارة هاي اول مرة يجي ورة الفاتحة
فتحتلة الباب
سلم شلونج داليا مشتاقلج
من كال هيج حيل انقهرت
هو ميعرف اني مزوجه ع اساس بس امه واخوه اسماعيل
عبالة ممزوجة
الله يسلمك تفضل تفضل
دخل جانت عمة نور رايحة للسوك والولد بالمدرسة والبنات بالمدرسة
بس اني ومنسة
وطبعا منسة متعرفه
فدخلتة
فات للاستقبال
اجيته
متريك اسويلك ريوك
لا والله متريك لعد نور وين
هسه تجي والولد مدرسة
ها واني دخلت عبالي موجوده
لا عادي انت مو غريب
باوعلي لسة حزينه ع امج مبين تعبانة حيل
هزيت راسي اي
واني اجيت اشوفج تدرين مارحتي من بالي والله
-اشكرك
ع شنو
داليا اني قررت اخطبج واريد اخذ رايج تقبيلن بيه لولا حتى احجي وي اهلي ووي نور
وللحكاية بقية ام مصطفى
