#الاخوات
للكاتبة ام مصطفى
البارت الحادي عشر
ضليت صافنة بوجهه شحجي شكول اكله امي وسامر دمروا حياتي وزوجوني زور واني حامل بزواج باطل ولعبة قدرة
-شو صفنتي
-هاا مو فاجئتني
-ليش مجنتي حاسة بية واني عيني عليج
-مهند اني حاليا لسة امي متوفية وارتباط ابد ماافكر بيه بكثر تفكيري بخوتي مااريد اتعبك وياي وإضافة انت هواي امور متعرفها بحياتي ولو تعرفها مستحيل تفكر ترتبط بية
-مثل شنو يعني
-هواي اشياء ويجي يوم تعرفها الله يوفقك بحياتك وي انسانه تستاهلك انت تستاهل كل خير
-بس اني رايدج انت مااريد غيرج حيل حبيتج ومجاي تروحين من بالي من اول يوم شفتج
-كتلك الله يوفقك
عفته ورحت سريع للغرفة صارت بوجهي عمة نور داخلة جنت خالة ايدي ع حلكي ودموعي نزلت
شبيج داليا شكو
هزيت راسي لا ماكو شي بس مهند بالاستقبال
مهند اخوي شو مكلي راح يجي شصاير ياستار شعجب اجة
والله ماادري
فتت اركض للغرفة بجيت من كل كلبي
راح ابقى طول عمري ارفض اي احد يتقدملي لان شكلة وشحجيله ومنو يصدك
صار اثنين بسبب امي طارت القسمة
شكول غير الله يرحمج ويغفرلج ع الي سويتي بيه
شلون شرف بالحمل هسة يربي
شوية وكمت كلت عيب اساعد عمة
شافتني
شبيج داليا خوما ضجتي من جيت مهند لو سمعج شي
-لا ليش اضوج هذا بيتج وتستقبلين اي احد هنا
بس نور مهند يريد يخطبني هو كلي
واني كتلة اني ماافكر بالزواج ابد هسة
لذالك بجيت وانقهرت كم شاب راح ارفضة بس حتى استر نفسي واخواتي...
عمة نور انصدمت صدك هو هيج كلج
-يي
لعد ليش مكلي رايحة اسئلة
راحت وبقيت اطبخ بالغدة
ورجعت
هاي شلون ورطة شصرف هسة اني
-شكوو
لج هذا يحبج وصار يترجاني اقنعج شكلة
كليله الحقيقة لا يسمع من امج واسماعيل وينصدم
شكلة
كوليله مزوجة والزواج طلع باطل ولعبة وهي طفلة ومتعرف شي احجيله كولشي والحق قبل بيه بوضعي قبل مقبل ع الاقل ريحته
ولج والحمل
ان شاءالله اوكعة هالاسبوعين الله يسامحني بس ماعندي غيرها
لخاطر اخوتي وسمعتهم .
الله يوفقج حبيبتي ويعوضج خير
راحت تحجيلة واني وكفت سمعت
كلامة يكلها شتحجين انت وليش مكلتيلي هالحجي
امي واسماعيل يعرفون بس هي مسكينه مالها ذنب جانت ضحية امها وزوج امها
فرك راسة وكام
وين رايح
راجع للعمارة هاي الشغلة متفيد
طلع سريع صار وجهي بوجهه جانت دموعي ع خدي
باوعلي وهز راسة وطلع سريع حتى غدة متغدة هذا عود يحبني يكول ونور حجتلة كلشي وماتقبلني لعد الغريب شلون يصدك
......
منسة
اجت حضنتني وتبجي شبيج منسة ماعيزه ضيم
وج خابرت رعد طلع يضحك علي يكلي من كل عقلج اخذ بت جنان ام رجولة اني العب لا اكثر واسد الخط بوجهي
-حييل بيج ماتسمعين الكلام ياما نصحتج وكتلج يلعب عليج بس ماسمعين كلامي
-اني غبية اني حمارة شلون صدكتة
لزمتها من ايدها حيل
ولج منسة خاف متقرب الج خاف صاير بينكم شي
-لا لا وروح ابوي بس سوالف ومرة باسني غفل
-الله لايوفقج اخواتج صغار هسه يشوفني ميتعلمن منج
مسة اني وياج هسة مسؤولين ع سلمى وشيرين وعبودي حبيبتي عوفج من هاي السوالف مال الحب والرومانسية
حبيبتي ان شاء ازوجج ع ايدي صدكي وتجيج احسن قسمة ان شاء الله بس انت اثكلي واصبري واذا تردين ترجعين للمدرسة ارجعي بس توعديني متسوين هاي السوالف..
والله وعد صدك ترجعيني .اي والله ليش لا ارجعي مدام بداية السنه روحي من باجر تاخذج عمة نور وروحي داومي
مسحت دموعها شكرا يا احلى اخت بالدنيا حبيبتي
ثاني يوم اخذتها عمتي ورجعتها احسن خل تلتهي بالدراسة احسن ماتروح لغير سوالف ...
من رجعت عمة كتلها مدام كلهم مدارس خل نروح لهاي الجده الكلتي عليها
-مااعرف بس خايفة عليج هاي كلش خطرة
-عمة اني ميتة ميته عمة فدوه ساعديني اني مظلومة وانت تعرفين ومنسة حجتلج كولشي شلون طلع بايعني سامر
عمة ساعديني فدوه هاي اخر فرصة الي تدرين اني فكرت انتحر البارحة بس اخوتي اجوي بعيوني عمة اخذيني فدوه الكاتبة الله يصير
امشي يله نروح ولو كلش خايفة بس لازم نسوي حل فعلا الطفل غلط يبقى ولازم ينزل
لبست واحس رايحة للموت والله امشي ووادع بالبيت حيل خايفة طفلة جنت بعمر ١٦ سنه واسوي عملية اجهاض اووف شكد انظلمت محد شاف الي شفته الله شاهد علي اصعب ايام مرت علي
طلعت من البيت واني اكول لنفسي هل ياترى اشوف البيت مرة ثانية
بعدين اكول اني قوية لازم اصير قوية وارجع لخوتي مالهم غيري
اخذنا تكسي للصدرية جانت اكو جدة معروفة هناك وصفوها النا
اول مادخلت الدربونه انقفص كلبي دربونه ضيكة وبيوتها بنائها قديم وبيبان البيوت ناصية
وصلنا بنص الدربونه وين ام عزام الجدة
دلونه عليها
دكينا الباب فتحت مرة جبيرة الباب شكلها عصبي وتخوف مرعب
شافتني رفعت تك حاجبها تفضلن
طبينا
كعدتنا بغرفة بيها سرير ودماية وابر وشاش تخوف
كالت عملية اجهاض تردن توكعن جاهل مو
-اي حجية حاجتها عمة نور
-اي بيا شهر الحلوه
بالثاني شهر ونص عليها
-ها خوش سهلة
تمددي عيوني افحصج
هاا
تمددي عيني متعرفين بس عرفتي تطين نفسج
-لا تفهمين غلط هي مزوجه بعقد
اي كلهن هيج يكولن
يله عدي شغل رفعي دشداشتج خل افحص
تمددت بخوف طفلة واول مره هيج تمر بشي
دخلت ايدها حيل اذتني صرخت
لزمتني غلط وفشار
يله بله عيارة كافي بس تسون مصايب
عيني اخذ ٥٠٠ الف
جايبات الفلوس
اي جايبين
خوش لعد ابدي
وبدت ضربتني ابرتين
خلتني اصرخ من وجع بطني واحس رحني راح ينفجر من الوجع وكل شوية تفحص
إلى كمت اصرخ موت والله موت
نزفت بعد
كالت هذا هو طاح
وكامت اطتني حبوب يوكع بعد وكالت روحي باجر للسونار شوفي نزل يحتاج كرتاج لو لا
اجرتلي عمتي تكسي ورجعت اصرخ من الوجع موت اويلي يابة ع الي شفته
وللحكاية بقية ام مصطفى
