#الاخوات
للكاتبة ام مصطفى
البارت الخامس عشر
بعد مرور خمس سنوات
منسة
-تعبت داليا من دكتورة لدكتورة متصير جارة صار خمس سنوات على هالحالة
اريد طفل اكولة روح سوي تحاليل ميقبل مااعرف ليش
-اخاف يعرف منه السبب وما يروح يسوي
-مااعرف كرهت البيت كلما نكعد نتعارك
احر ماعندي ابرد مااعندة اكولة اريد طفل
يكلي شنسوي بي شوكت ميصير هلة بي
بارد كلش
- حبيبتي اذا هو ميريد انت ليش قاهرة روحج ياعيني
-اني اريد
-شوكت ميجي هلة بيه ع كولت ايمن
خل اكوم اسوي غدة هسه يجون من المدارس
شيرين وين راحت
تلكيها مكابلة التركيات وكاعدة
اووف هالبت عايشة اللحظة وياهم
اكولج صدك صديق ايمن محاجيه
كايله زوجتك مو عدها اخوات
مينطوهن
-اي يا الله خل نطيه شيرين مدام تركت المدرسة عاد تبقى سلمى تدرس
-وانت داليا لشوكت تبقين بلة زواج
- اني ماازوج ازوجكم والله كريم
-لا داليا اذا جاج شخص مناسب ازوجي انتي اشفتي من حياتج
-الله كريم هسه
ازوجهم والله كريم
-هسة كليلي شنو هذا الولد وشنو يشتغل وين بيتهم
-بيتهم بالبلديات عمرة ٢٥ سنه يدام شرطي بال اف بي
وامة متوفية وابوه مزوج
بس هو يكول اطلع ااجر ماازوج وي مرت ابوي
- شكو بيها والله خوش قسمة
-لعد داليا كولي لعمو وشيرين
حتى اني اروح اكولة لايمن يجيب الولد
-يله حبي توكلي كوليله اني اكلج هاي اختج تكيف تزوج
زين لعد كلي لعمو
من يجي عمو اكلة .....
ثاني يوم حاجيت شيرين كالت اشوفة يله اذا حلو اقبل واذا لا مااريدة
-اكلج بطلي هالسوالف مال المسلسلات
حلو شنو قابل بنية هو ولازم حلو الرجال باخلاقة بسمعته
-والله الجمال مطلوب اهم شي عندي الجمال حتى لو ماعندة اخلاق اريد مثل مهند لو مثل السلطان سليمان
-من امداج مو اكلج انت عايشة وي المسلسلات
خل اكولة لعمو مدامة كاعد
رحت لعمو كتله
جايين ناس ع شيرين من طرف ايمن
-ها هلة بيهم بس منين ذول
والله عمو اتصل بايمن وهو يكلك وشيرين ماعدها مانع خل تزوج عمو
-بكيفكم بس نشوف الولد خل اتصل بايمن واكلة
منسة
من رحت منا اكلت كلب ايمن بالأسئلة ع الولد
كال والقران خوش ولد ومؤدب فقير وحلو هم
-اي اهم شي حلو هاي شيرين اعرفها تحب الحلوين
-لا والله
-ههه والله عايشة الدور تريد يشبه مهند
دك الموبايل
كال هذا خالي محسن
اي اكيد علمود هالموضوع
جاوب
ها خالو شلونك شخبارك
الحمد الله زين
اكلك داليا حاجتتي علمود الولد صديقك
شنو هذا ووين تعرفة.
والله خالو كلش؟خوش ولد واخلاق وعندة راتب ويريد يطلع وحدة
يعني خوش قسمة
واني اضمنا صديق الطفولة من الصغر
-هاا
لعد خل يجي يجيب اهلة ويجي
هو عندة اخته مزوجة ومرت ابوه كال ادزهن
لعد خل يجون فدمرة يشوفون.
ع الجمعة كاعدين كلنا
ان شاءالله
مع سلامه
سدة
واني فرحانه حييل خل يتزوجن شنو كعدتهن يوم لداليا خطية اشافت من حياتها
-كتلة ها
كال هسه خل اتصل واكلة
عاد اتصل والولد كيف واتفقوا على يوم الجمعة
شيرين ...
من داليا كلتلي بدون تردد كتلها اي اقبل بس كون حلو
اهم شي عندي الرجال حلو ورومانسي ونعيش بحب وغرامات
بيوم الجمعة لبست احلى ماعندي
جنت حيل متوترة ومرتبكة
اريد اشوفة حلو لولا
اجت اخته ومرت ابوه وابوه وهو
شافني كالن لداليا ماشاء الله تخبل تستاهل حيدر
قدمت داليا شربت الهم واني كاعدة جنت مستحية ومرتبكة
اجة عمو كال البسي حجابج بابا وتعاي فوتي يشوفج الولد
حيل جنت مستحية خليت ع راسي وعمو واكف
فاتت اخته ومنسة وياي
اول مطبيت تفاجأت كلش حلو الولد صدك جنه تركي بس عيونه عادية
جان مؤدب باوعلي
عمو كلة هاي شيرين باوع عليها شوفها زين
باوعلي وهز راسة
بعدين طلعت
كال عمو بابا شيرين مقتنعة بيه
هزيت راسي بخجل
لعد هاي هي نتوكل باللة
وجان يطلعون عمو اتفق وياهم الاثنين الخطبة ....
وصارت الخطبة انخطبت لحيدر
واشترالي موبايل
جان كلش خوش ولد مؤدب واسبورتي
بس مجان عاطفي مثل مامتخيله يعني كلامة عادي ميعرف اي شي رومانسي رغم فترة خطبة بس كلامنا عادي شلونج محتاجة شي
اكثر رومانسية عندة هي مشتاقلج....
داليا
الحمد لله انخطبت شيرين والولد كلش خوش ولد واخلاق ان شاءالله يوم لسلمى واخلص
بهاي الفترة
اجة علي واحد مزوج ومرته ميصير عدها اطفال
عمو كلة اذا زوجته قابلة خل تجي وهي تخطبها
جنت حييل مترددة ومااريد ازوج اريد ابقى ع اخوتي
بس عمو ميقبل ماصدك اجة واحد علي
ورة اسبوع اجة وجايب زوجته
اول مطبت كالت دخيلج ودخيل الله
رجلي اغار علي ومااكدر اشوفة وي غيري فدوه لا توافقين
كتلها منا وروحي والله ابد
رفضته بوكتها وماصدكت اصلا
خل ازوج البنات والله كريم
من شيرين انخطبت كامت الناس تجي ع سلمى جانت كلش حلوه وضخمة عبالك اكبر من شيرين
بس هي متقبل تريد تكمل
قرروا حيدر وشيرين يزوجون بعد مااثثو البيت كلة
عمو كلهم بكيفكم
شيرين
فرشت البيت كلة واشتريت كل الغراض اني وياه وعلى ذوقي يومية يحل من الدوام يمر علي نشتري شغلات
لحد ماجهزنا البيت الي اجرة الي قريب على اهلي بنفس الدربونه
.
بديت اجهز بدلات العرس
كملت اني وياه اجرنا من شارع فلسطين ع ذوقة هو
وبيوم عرسي ناس شافو سلمى وجلبوا بيها
جانو طاكين كلش
بس داليا كالت الهم تريد تدرس
المرة كالتالها نخليها تكمل على راحتها
عاد سلمى يله قبلت
ورة عرس شيرين انخطبت سلمى
وللحكاية بقية ام مصطفى
