#الاخوات
للكاتبة ام مصطفى
البارت الثالث عشر
بهاي الفترة منسة بدت تحضر لزواجها جانت كلش فرحانه ومتفاهمين هي وايمن وبدوا واحد يتعلق بالثاني
طبعا احنا البيت مثل القسمناه بس حايط ماكو بينا بيت عمو وحد واحنا وحد
وحتى المطبخ طبخنا وحد يعني عازلين كلمن وحدة عمو كال احسن انت جبيرة عمو تكدرين تدارين اخواتج ونور حتى هم تدير بالها ع بيتها
ومستقبلا منريد مشاكل منعرف شيصير
فبقينا نعتمد ع نفسنا بكلشي همة يم يردون ياخذون راحتهم خطية ...
منسة خطية هواي احتاجت شغلات وجانت عمة نور تروح وياها للسوك تجيبهن الها الحمد لله مجنة محتاجين راتب ابوي التقاعد زاد وفلوس المحل تجينه واحنه مو صرافين ع كد الاكل نصرف
فكلت لمنسة شنو تردين اشتري عندي فلوس
بيوم راحت هي وعمتي نور وعمو طبعا يداوم بدائرة كهرباء
اندك الباب فتحته
جان اشوف مهند وزوجته وشايل ابنه
طبعا مهند بهاي الفترة ازوج .
-اهلا وسهلا تفضلوا
رحبت بيها وفاتوا لبيت عمو دخلتهم
ورحت اسوي جاي ابيتنا
دزيت شيرين يمهم
وهاي اول مرة اشوف مهند من يوم الي خطبني
وديت الجاي ورحبت بزوجته
كل الهلا بيج عمري
هسة تجي عمة نور راحت وي اختي زواجها هاي الايام وتعرفين العروس تحتاج هواي شغلات
-اي صدك الله يوفقها
جان مهند يباوعلي ابد منزل عينة مني احس حتى زوجته انتبهت وضاجت
راسا كمت
-اترخص اني اخذوا راحتكم عيني
طلعت
بسرعة طلع وراي
صاح داليا
التفتت اله بتعجب
ها
شلونج لسة ممزوجة
-اي مثل مشوف
مضمومة الي
-شنوو
-مثل سمعتي
درت وجي منة ودخلت لبيتنا
بلة هذا مايستحي انوب مرته شكت شكد عيب منها هسه شتكول كامت وكومتة وراها
بعد مااروح منة لحد متجي عمة نور
صحت ع سلمى وشيرين يرحن يم البنية
البنات هنا كبرن سلمى وشيرين وحدة اول متوسط وسادس
اتصلت بعمة نور
عمة اجوي مهند وزوجته تعالي
-يي كال اجي والله حتى نسيت اكلج
يله راح نجي بس خلي دجاج ع الطباخ للغدة
اي اوكي
التهيت اركب لحد مااجتي عمة
ومنسة طبت تشوفني بالشغلات الي اشتريتهم
دك عليها ايمن فاتت جوه تخابرر
اسمع صوت صرخة
ركضت يمة شكو
يم بيت عمو
طبيت شكو
اشوف مرت مهند لازمة ابنها يصرخ وعمة تكلب بيه
شكو
وكع من الدرج
مهند يغلط
غبية قولة انت مال طلعة ابنج متعرفين تلزميه الله بلاني بوحدة ثولة والله لو صايرلة شي اطلكج
خطية البنية شصار بيها حتى كامت تبجي من الخجل ع كد مرزلها
عمة نور كلتله كافي قابل هي موكعته شبيك وياها
-يمعوده الف مرة محذرها واكلها ابنج لا يوكع انتبهي علي بس شسوي غبية حضي المصخم ورطني بيها
من شفته ضل هجي يحجي انسحبت لان البنية حيل انحرجت مني
ضليت اهز بيدي عووع هذا شبي عابت شلون هيج يصيح ع زوجته كدامنا شكد ماعندة ذوق
منسة طلعت ضايجة
ها شبيج انت الخ
-ايمن ميقبل اصبغ شعري على العرس
-اي لا تصبغي
بس عاجبني والله
منسة لا تسوين مشكلة ع شي تافه متسوة ترة.
لا ليش مايسوى هي الله عليج حلاة العروس بشعرها مصبوغ واميش
- حبيبتي حلاة العروس وهي فرحانة ومتفاهمة هي وزوجها هذن كولهن شكليات بعدين المن تصبغينه غير اله حتى يشوفج حلوه بعينة هو يكلج الاسود احلى عليج بعد شكو
-بس اني عاجبني اميش شعري
-عود بعدين اقنعي ورة الزواج
دروحي صالحي هسه فال محلو تتزاعلون
ضحكت اي والله صدك
اكلج شكو سمعت صياح قبل شوية واني اخابر
-اي ابن مهند وكع من الدرج ومهند كام يعيط ع زوجته
-يا ليش قابل هي موكعتة
شمدريني خطية اجمالة شبعها رزايل كبالنا
دك مبايلها
باوعت للموبايل ضحكت
هذا ايمن
دروحي صالحي يله
...
بالليل عمو صاح علي كال بابا داليا
تعالي سويلنا كهوة من ايدج الحلوة كهوتج مضبوطة
دخلت جانوا كلهم ملتمين بالحولي
جان مهند يكمز من يشوفني واتبسم بوجهي عود ع اساس فرح من شافني اني لبسته اني ماعندي اي مشاعر اتجهه لا قبل ولا هسة اصلا مااعرف شي اسمة حب ولا خالة ابالي هالشي
دخلت للترك عمتي جانت خالة الطباخ بالترك وخليت القهوة نصيتها كلش واكفة يمها
صوت ورة بسس بسس
التفتت
صار بوجهي
صايرة تخبلين
يحجي ويتلفتت
مشتاقلج هواي
اني هم كمت التفتت
عفية شداسوي عمو لا يسمعك بعدين انت مزوج عيب من زوجتك
-معليج بيها هي هاي شني الطرن
صايرة حلوة كبرانه وحليانة
-شكرا والتفتت اجيب الفناجين
ليش مثكلة علي
-واني شعندي وياك واثكل عليك عفية لا يجي عمو يشوفك تحجي وياي متخاف انت
-لا عليمن اخاف المهم احجي وياج
حجي شنو ماعندنا حجي مشترك ترة
اريد اعترفلج اني احبج ولا ناسيج
صدك تحجي يمعود لا يسمعك عمو روح عفية
جريت الفناجين والدلة وطلعت عفته وراي حطيتهن بيد عمة نور وطلعت اركض جنت كلش خايفة ومرتبكة... ...
من يومها مهند نقل دوامة لبغداد
وكام كل يومين ٣ يجي يمنا
يتحرش بية بالحجي يختار اوقات محد موجود بالبيت ويجي بس اني جنت افوت واسد بابنا واعوفة يفتر بالكراج
وبيوم عرس منسة
جنت حييل فرحانة بيها
منسة طلعت تجنن تجنن
عزمنا كل الاقارب وعمة نور عزمت اهلها
كلهم مهند هم جابهن واجة
وجان تلزمني مرت مهند
عندي حجي وياج
تفضلي حبي
-شعندج وي مهند
-شنو شعندي مثلا
-يكول احبها واريد اتزوجها متعة
-شنوو منو كلج هالحجي شكد ميستحي هذا
ضلت تبجي عفية لا تهجمين بيتي مهند انقل علمودج وعايفنا ويجي الاسبوع كلة هنا وادري بيج عندج شي وياه لوما ملهستة ميجي
-اكلج ماعندي شي ملهسته شنو لا هاي مينسكت عليها والله لكلها لعمة نور تسويلها حل
عفتها ورجعت يم منسة
شكد حقير يزوجني متعة يريد يضحك علي عبالة
ولا يستحي والله لوما عيب من عمة نور العب لعب بيهم
منسة كالت شبيج شرادت منج مرت مهند
-هيج شغلة
شغلتيش انكلبت خلقتتج
بعدين اكلج عود لا تشغلين بالج هسة...
اجت الزفة اخذوا منسة طلعت وراها جنت لا بسة فستان نيلي طويل
ومسوية تسريحة ومخلية مكياج
طلعت جان عمو ومهند واكفين بالباب
مهند يباوعلي
ومرته تباوع النا
سويت نفسي اصلا مشفته
جاي اصعد بالسيارة
وراي صوت غطي صدرج وضهرج طالعات
يحجي على كيف
التفت شفته
خزرته حيل وانت شعليك بكيفي وصعدت
وصلنا للفندق جانو حييل فرحانين ايمن ومنسة عين الله عليهم
من اشوف اختي فرحانة افرح وياهم
احسها بنتي مو اختي
...
رجعنا
من رجعتا لزمت عمة نور وحجيت الها
ضلت صافنه
صدك تحجين
اي والله عمة ولهنا وكافي اني معوزي استاذ مهند يشوه سمعتي شنو يزوجني متعة ميستحي شنو شكلوه بت شارع اني والله لو مااخوج لكولة لعمو محسن واخلي يعلمة
لا حبيبتي اني احلها ومن اليوم مااخلي يجي لهنا بعد ابد اني اصرف روحي يم خواتج هسه
خليت ورحت احس ارتاحيت من حجيت لعمة نور
بالليل
طبعا انام كلنة بغرفة وحدة اني وخواني
جنت حييل تعبانه تعرفون دوخت العرس والتعب
سبحت ولبست شي خفيف ونمت
حسيت احد نايم بصفي ويتلمس بية
صرخت بصوت
منوو انت
وللحكاية بقية ام مصطفى
