#الاخوات
للكاتبة ام مصطفى
البارت الرابع عشر
صرخت وكمزت
جان يسد حلكي شبيج راح تفضحيني اني مهند
-شسوي وخررررر الحكووولي وصرخت حيل
كام وكف والبنات كعدن واني اعيط
طبوا بيت عمو يركضون
شغل عمو الكلوب جان يشوف مهند واكف عبالة هم اجة على صريخي
-شكوو شبيج
الحكلي عمو هذا مهند جاي بالليل يتهجم علي
-شنووو
اي والله الحكلي لكيتة يمي بالفراش
ركض عمو لزم مهند
لك كلب وضربة
جان يكلة هي واعدتني
فتحت عيوني عزة
حقير لاتكذب
لتسوين نفسج فقيرة مو انت واعدتيني
عمو باوعلي
اليوم اذبحكم
ضرب مهند مرة لخ عمة نور ضلت تصرخ
مرت مهند جان تكول
شكد حقيرة كتلج عوفي رجلي عوفيه لزكتي فد لزكة الله لا يوفقج
هسة احسن
عطت بيها
اني شكو هو مجلبلي
ضل يصيح عمو كلب اطلع برة
يله برة
بعد ماشبعة بوكسات وضرب
عمة نور تفكك بيهم
ودفعت مهند وطلعته
اندارت علي ارتاحيتي
واني شعليه شبيكم
ركض مهند طلع ومرته وامة وياه اخذوا اغراضهم وطلعوا نص الليل
كام عمو محسن ورجع علي
اول شي لزمني وكفني
ضربني راشدي
وراشدي لاخ
عموو والقران هو تهجم علي والله جذاب جذاب اني ما عندي شي وروح ابوية وروح امي جذاب صدكني عمو
بعد باب الحوش متوصليه مع الاسف نزلتي من عيني
وطلع
ضليت بس ابجي
لا ياربي لا تدري بيه مظلومة شلون كلهم هجي تامروا علي
شيرين اجت يمي
داليا لا تبجين
اني دوم اشوفة يباوعلج مهند حيل اكرهه مااحبه
-الله لا يوفقة لا دنيا وآخرة حقييير
فوك ماهو جاي للغرفة ويتهجم علي يكول هي واعدتني
الله لا يوفقك الله ياخذ حقي منك واني يتيمة ومظلومة ومحرومه
ضليت للصبح ابجي اريد انام مااكدر كمت اخاف واتكمز
الصبح اجة عمو جايب حداد
كام وسوة سراكي وقفالة للبيت مالتنا
طب للغرفة
كال باعي حدج لباب الكليدور هذا ماتوصلين للكراج سمعتي
عمو والقران جذاب واني مظلومة اسئل عمة نور البارحة اشتكيت الها عليه ماكلتلك
جان ميباوع بوجهي عافني احجي وطلع
حييل انقهرت فقدت احترام وثقة عمي الي واني اصلا مامسوية شي ومالي ذنب بشي اصلا كرهت الزلم كلها والعرس همة...
ضليت اسبوع بس ابجي وكطعت الاكل والشرب وتمرضت والي قهرتني عمة نور ابد ماجت ولا شافتني ولا تعذرت وحسيتها حاجية شي لعمو يعني لو هي شاهدة الي مجان هيج موقف عمو وياي
.
تمرضت بحيث مااكدر اكوم كمت اكوم واوكع واخواني مكابليني هذا الي يسويلي كمادات وذاك الي فرجني ويبجون علي داليا هم راح تموتين مثل امي وابوي وتعوفينا عفية احنه نحبج لا تعوفينا
جنت اسمعهم وابجي بس مو بيدي والله
مهبوطة ومقهورة ومالي احد اشكيلة واحجيلة الي بكلبي
اتمنيت صدك اموت وأخلص
خابرت منسة
جاوبتها سلمى منسة تعاي داليا راح تموت مريضة
جنت اسمع وابجي ماالي قابلية حتى احجي خليها تجي محتاجة احجي لخيتي مالنا غير بعض لو شيصير محد يحل محل الام والاب والاخ والاخت ولا عم ولا عمة ولا خوال كلها هجي
عمي الي شكيتلة ومصدكني وصدك بالغريب هذا عميش
اجت منسة بسرعة بنفس اليوم وهي عروس جايبه عمتي وجاية
فاتت
شبيها داليا تصيح
ركضن البنات عليها
منسة الحكي داليا راح تموت
اسم الله عليها
اجت يمي اني شفتها وكمت حضنتها منسة تعالي محتاجتج وج ظلموني وج عمو ميباوع بوجهي
شكو كولي
بديت احجيلها
كامت شنووو شلوون
اي والله ومحد يصدكني وج حتى عمة نور تكلي ها ارتاحيتي وج فوكاها فوك ماااخوها متهجم علي واني بنفس اليوم اشتكيت الها
راسا كامت .
وراحت لبيت عمي
شوية ورجعت ترجف وتبجي
كافي نصير فقرة كافي نسكت شنو نورة تغشم روحها تذب بلاوي اخوها علينا
طب عمو وراها
منسة شنو هالحجي الحجيتي ولج
اي هو هذا الي سمعته
نورة جايبة اخوها هنا يبصبص علينا اني كم مرة يباوعلي واسكت
وداليا هم شكد جانت تشكيلي منه
وراحت وشكت لعمة نور ليش ماكلتلك هي تضمضم لاخوها عود شنو لان احنه يتامة وماالنة احد تذب بلاوي ع اختي
جنت مدنكة وبس ابجي
عمو باوعلي
شبيج عمو انت مريضة
باوعتلة وبجيت عمو انت ظلمتني واني الله شاهد ماعندي شي وهو الي تهجم علي يعني لو مواعدتة ليش اصرخ خو بسكوت اجيبه يمي
واني بنفس اليوم اشتكيت لعمة نور عليه
شسوي بعد
سكت
طبت نور
كلها لمي غراضج وروحي لهلج مااريد اشوفج بغد بالبيت-اني شسويت ليش محسن هاي مجازاتها
سئلتج وماجوبتيني ضليتي ساكته
طلع اخوج مسوي كل هاي السوالف وساكتتلة شنو جايبته يك..د ع بنات اخوي
-والله ماادري بنفس اليوم داليا حجتلي ومن صارت السالفة مصدكت وضليت ساكته
ليش محجيتي الصدك مو ذن يتامى وامانة يمنى امانة اخوي هنا الدنيا ظلمتهن انت فوكاها عليهن انت
-اسف غلطت ومنك السماح هذا راس
داليا ابوسة بس سامحني ومهند بعد باب البيت ميوصلة
وج بغداد اذا اشوفة بيها اعدمة مو باب البيت ..
عاد اجت عمة نور باستني وبجت
سامحيني حبيبتي بعد الشيطان شاطر
كومي اغسلج كومي
وللحكاية بقية ام مصطفى
