#الاخوات
للكاتبة ام مصطفى
البارت الثامن عشر
منسة
الصبح رجع ايمن ولازم بيدة نشوى ويضحك ومرتاح
راسا من الباب للغرفة فاتوا ولازم اني احضر الغدة الهم واستقبلهم احسن استقبال
جنت ابجي دم وكلبي يتكطع واني اسمع
ضحكهم بالغرفة
لو من طلعوا يسبحون واحد ورة الخ
وايمن طلع ويصيح عليها تعالي تغدي ننوش لا تستحين
كأنما اني مموجودة ولا الي وجود
حطيها بصفة واني اقدم الاكل الاهم
عمتي كاعدة يمهم
صاحت تعالي اكعدي ويانه
لا الف عافية اكلت بالمطبخ
رحت لغرفتي شبيج ياعين من دموع اصرخ وابجي من كل كلبي حركة متطلع من صدري متت والله مجاي اتحمل مااعرف اصنع نار مشتغله احس بكلبي
شوية ودخل ايمن علي
شافني باجية
-ليش تبجين ياعيني مو كلنا تعودي وبعدين انت تبقين زوجتي الاولى ومراح يتغير شي انت تعرفين ليش ازوجت
جنت مكتفية بالدمعة والسكوت
مرات الحجي ميجيب نتيجة او مايحتاج احجي
يعرف كولش زين ليش ابجي
بس للاسف مسوي نفسة عود ماكو شي وعادي ......
داليا
اليوم صبحت حوراء علينا بت زوجي
اول طبتها
تعاركت بنتي قمر وابنها
كامت وضربتها
جريت قمر
ادري ليش تضربيها هي طفلة هسه يتعاركون منا ويرجعون يلعبون سوه
-مالج دخل اختي وبكيفي اضربها
-ترة بنتي
-ادري بتج بس هم اختي بت ابوي
صاحت على عبير مرت محمد ابن زوجي
وكعدن يكصن
جانن كل جية يتفقن علي
اكعد اني اطبخ واركض الم ورة جهالهن
وهنة يسولفن
كملت غدة وخليته كبالهم سعيد كاعد هم
يسولف وي بته
ورة الغدة
صاحت عبير كلادتي ماكو مالت الذهب
محمد كلها مو الصبح شفتها
-يي مو شفتني خليتها بعلبتها
هسة بس العلبة ماكو
سعيد كلها دوري تره متروح ماكو غريب يمنا ترة
حوراء جان تكلي مساعة شفتج بغرفة عبير شعندج
-اني شوكت .
قبل شوية
ها اي طلعت الجهال منها وسديت الباب بس شتقصدين
لا اكول انت اخر وحدة فتي
-ترة اني يومية افوت للغرفة عادي الحمد لله ماكو يوم ضاع من عدنا شي
شمعنا اليوم يضيع .
-شتقصدين اني اخذته .
لا مو هيج بس اكولج..
ها بوية سمعت مرتك تبوكني
-لا مو هيج متقصد
لا تقصد بس انت تسدد الها اني بعد البيت مافوته الله يرحمج يمة متي وخليتينه ايتام واليسوة والمايسوة يتحكم بينا
باوعلي سعيد
اعتذري منها كليلها مااقصدج
على شنو اعتذر هي الي تهمتني بالاول
عبير صاحت اني اريد كلادتي شعدج بغرفتي ماكو غيرج اخذها
شسالفة اشفتيني حرامية
صار حجي بينا وسعيد كالعادة يصف وي الكل الا وياي
كمت وكفت كتلة وديني لهلي
باوعلي اكعدي شبيج
لا طلعت حرامية كافي تعبت ترة سنين واني متحملة
طلع محمد من الغرفة بيدة الكلادة كلها
مو هاي لكيتها بالكنتور تره .
-يا شوداها اني جنت خالتها على الميز .
كتلها دوري عدل يلة تتهمين الناس .خليت وفتت الغرفة .
اجة وراي
كتلة كلشي لا تحجي اتمنى يوم تصف وياي اني صح غلط انت وي بناتك ومرت ابنك
ترة الساكت عن الحق شيطان اخرس
-انت مو تعرفين طبعي مااريد مشاكل ومااكدر اكسر بيهن ذن يتامى
-واني ابوي وامي عدلين على الاقل عدها ابو الا اني لا اب ولا ام ثانيا يتهمني ابوكة وتسكت كافي سعيد مو لهاي الدرجة ....
سلمى
عمار رجع نص الليل يغني
اول مفات شافني ماكاعدة
-الدكتورة سلمى منتضرتني حبيبتي اسف تاخرت وي اصدقائي تعرفين سوالف وتنيك وخذانا الوقت
باوعتلة صفح
القلب ممصدكة
حبيبتي شطالعة ملكة جمال
-عمار وين جنت
-كتلج وي أصدقائي
-عمار من رحت لهلي منو جايبها للبيت
-منو شنو
-عمار منووو جايبها للبيت احجي
-يعني جايبن منو هذا كلج
وحدة من الجيران شايفتك وكلتلي
-جذابة هاي لو يتخيل الها .
-لا متخيل ومصورتك هم وشوفتني تصوير
-هاا
ضل يمتمت
-طلكني عمار تعبت من خيانتك حيل تعبت فوك تعبي انت متحس كلي شنو قصوري وياك فهمني لو هي صارت شارة
عمار توصل بيك تجيب الك .... ة للبيت وتنام وياها
لا هاي واكفة
الصبح كلشي ينتهي بينا سمعت اني بطريق وانت بطريق
راد يحجي طفيت الكلوب ونمت ...........
شيرين
ضليت الليل كلة مانايمة اتكلب
حيدر نام واني
كمت
فتحت الموبايل شفتة متصل
راسلته .
شسويت بية
شنو شسويت كتلج احبج
هالكلمة كلبت كياني
لان طالعة من كلبي احببببببج
بس اني مزوجة
اطلكي واخذج
وجهالي
اطيهم لابوهم ماعليهم شي
-لا صعبة كلش صعبة
لعد شلون
خلينا هيج احسن
بكيفج بس اني مااتحمل نحجي رسميات وكااصدقاء
بعد انت حبيبتي ومسموحلي كلشي احجي
-لا
مو بكيفج حبيبتي ولا بكيفي هذا حب ومشاعر واحاسيس لا ارادية
الله خلاها عدنا حتى نعيشها
افتحي كام
مااكدر
اطلعي لغير مكان ادري نايم الشفية يمج
اوكي
كمت للاستقبال
وفتحت كام
شهالجمال شهال الخدود عبالك تفاح
والشفايف الله
حسيت شي تحرك بجسمي الدم يمشي بعروكي سديته بسرعة
وركضت نمت ع فراشي واتذكر كلماتة وابتسم اويلي احلى شي هذا .....
داليا الصبح كلت لسعيد
رايحة لهلي
ليش شعندج
ضايجة
اوكفي اني اخذج
اخذني للبيت وطول الطريق يحاول يصالحني
كتلة عادي ترة تعودت على هالشي دومك مطيح حضي كدام الكل
وصلت لبيتنا
دخلت يم عمة نور وسلمت اجت مرت عبودي كعدت هم يمنا
طبت سلمى بيدها يزن وتبجي
شكو سلمى
كافي داليا وصلنا لطريق مسدود تعبت
تعبت من الخيانه لعبت نفسي منه والله
بعد هاي هي اطلك
كولي يا الله شبيج
كايلة بس هو كايل ميخاف الله ماشي بدرب الحرام واني مااكدر اتحمل هالشي
لهناك وفاتت منسة جايبة جنطتها وجاية
سبحان الله التقينا بدون موعد
ها ولج شكو جايبة جنطتج
راح اموت داليا مااتحمل اشوفها كبالي واشوفة يدخل عليها الغرفة
خلي يطلكني لو ياخذلي بيت وحدي
اني مااعندي تحمل وكل واحد وطاقتة
يبووي هاي شجاجن يمعودات
سلمى هم زعلانه
شنسوي حضنا هذا
اكلجن نخابر الخبلة شيرين تجي
خابرتها
جان تكول اي والله اجي لعبت نفسي من البيت وتعبت من برود حيدر وياي
وللحكاية بقية ام مصطفى
