#الاخوات
للكاتبة ام مصطفى
البارت السابع عشر
وبعد مرور خمس سنوات
بدت قصة حياتنا احنة الاخوات الاربعة كل وحدة حياتها تختلف عن الثانية اربع اخوات كل وحدة تفكيرة يختلف عن الثانيه
راح ابدي بحياتي الزوجية اني داليا
تزوجت سعيد رجال بكد عمي متزوج وعندة اثنين بنات مزوجات وولد حق زواج وبنيه عمر عشر سنوات
اول يوم عرس حسيت بناتة ماطايقاتني ابد
وبدت كل جية تصير مشكلة وي اسراء وحوار بنات سعيد الي جان كل مرة ياينحاز الهن واني اطلع غلطانه ويعرف كلش زين هنه غلطانات
بهاي الاربع سنوات تحملت اشكال الوان واكول ميخالف
صار عندي بنية سميتها قمر
ابن زوجي ازوج وكعد بالبيت ويانةة
وكثرة المشاكل اكثر واكثر
منسة..
عمتي احلام زوجة ايمن لان بهاي الفترة سوة تحاليل وطلع كولشي مابي الصوج مني يعني ولو دكتورات كلها تكلي مابيج شي نظيفة بس مااعرف ليش مايصير عندي
واليوم هو جان عرس يمن
اصعب يوم بحياتي
اخذها لفندق واني كاعدة ابجي
اتصلت ع داليا اشكيلها لان هي بحسبة امنا
-داليا راح اتخبل راح اموت ولج نار مستعرة متطفى وج هسه باسها لزمها ضحك الها كلها احبج
ليش هيج ليش راح اموت والله
حبيبتي كافي هيج تفكرين راح تموتين صدك تحجين قهر هو ازوج بعد شيفيد وانت تعرفين ليش ازوج علمود الاطفال يعني لو عنده مجان ازوج ايمن يحبج
-اي هواي يحبني بدليل اول ماعمتي كلتلة ازوجك وافق حتى معارض
-منسة لاتنسين هو الوحيد لعمتي وزوجها متوفي من حقها تفرح بيه
-تفرح ع حساب حزني والامي
شنسوي احنه ايتام ومالنا احد يعني لو رفضتي وين ترحين يمعودة مرت عبودي حتى شيرين مقبلت تكعد وياهم
وشالت قبل لا يتزوج رغم البيت النا ورث بيه
-شنسوي بالورث خلي لعبودي مدام كل وحدة كاعدة ابيت لو بعناه وين يروح يمعودة بالعافية عليهم
..
اي والله بالعافية عليهم بس اكلج لو زعلتي وين ترحين
-لا وين اروح قبلج فكرت مجبورة اقبل واسكت بس والله راح اموت راح اطك
يله عمري هاي سلمى تخابر علي خل اشوف شتريد وارجع اخابرج
سلمى
الحمد الله كدرت اصير دكتورة اطفال باطنية واداوم مستشفى اطفال
وعندي ولد سميته يزن
عمار تغير علي حييل صح خلاني ادرس واكمل دراستي بس كوة علي جان الوضع معاجبة
وحتى امة جانت هواي تسمعني حجي بس اني جنت اسكت واطنش الى ان صارت مشكلة كولش جبيرة بحيث عمتي كالت متبقون اطلعون من البيت
وطلعنا اجرنا بيت
بيوم اكتشفت عمار عندة علاقة بوحدة وياه بالدوام
فتحت مبايلة وقريت كولشي
وصارت مشكلة بينا وصلنا للطلاك
ورحت لبيت عمي زعلانة
بس اجه واعتذر وعدني ميعادها
بس جذب الي يمشي بالطريق بعد مستحيل يعوفة
صح بنفس الوقت تركها
بس فترة ولكفته وي ثانية
وصارت حجته انت هاملتني وملتهية بشغلج ودراستج
وصلنا مرحلة نكره بعض
يومية عركة
واليوم اكتشفت من رحنا لهلي جايب صاحبته للبيت
قريت رسائل بينه وبينها مااعرفها منو هاي تخبلت دكيت لداليا اشكيلها همي
الو داليا تعاي الحكيلي
-شكو شبيج
وج عمار متاب وج هم لزمته وي وحدة وجمالة ذاك اليوم من اجتمعنا ابيتنا جايبها لهنا
كليلي شسوي هسه هو طلع ولسة ممحاجيته
-اووف شهالمصايب يربي شجاه عمار ليش انت شناقصج
-حجته هاملته واني والله ابد اجي تعبانة واطبخ وانضف والبس اله واتحضر ومدللتة ادلل بس هو ميفيد وياه بعد مشى بهذا الطريق
واني تعبت
قررت اخذ يزن واروح لبيتنا بعد ماارجعلة
-يمعودة وين ترحين اكعدي ابيتج احسن
لا تعوفين بيتج ينهجم بعدين وين ترحين يم لبنى مرت عبدالله متشوفيها من نجي شلون تضوج
-واني شعلي بيها بيت ابوي هذا مجاية يمها اروح واتحمل كلشي ولا هالذلة مااكدر نار مستعرة متطفى
-انت نار مستعرة ومنسة هم
ليش شبيها منسة
ليش متدرين اليوم عرس ايمن
-لا صدك ماادري
اي خطيه وبس تبجي ومقهورة
-اوف الله يساعدها
ليش احنا ماعندنا عود حض لان يتامى لان ماعندنا ضهر قوي
-اي الماعندة احد ينداس بهذا الوكت
لهذا اكلج ابقي ابيتج وحلي مشكلتج وي عمار احسن...
شيرين
صاروا عندي ولد وبنيه
حيدر جان موفر كولشي النا وجانت حياته عبارة عن شغل وبس
يجي للبيت ينام ويطلع وي أصدقائة والصبح يروح للدوام
كل سالفة بينه مشتركة جان حيل بارد واني عاطفية كلش اتمنى يغازلني يكلي كلمة حلوة
صح مماذيني وموفرلي كلشي وجان طيب واشطلب منه يسويه بس اني الصدك جنت ممرتاحة وياه وحيل اضوج مااحس نفسي مزوجة
مرة دخلت بكروب مختلط بالفيس
وجان اكو منشور شعر كلش حلو قريته
وعلقت روعة
وانطاني اعجاب لتعليقي انتبهت ولد هذا
بعدين كامت تطلع كل منشوراته يمي كل ماينشر بالكروب
منشورات حلوة عن المرأة والعلاقة الزوجية وتعاملها
بديت اعلق واحسنت
وكلش تعجبني منشوراتك
دخلي خاص وصرنه نحجي بصورة عامة
بعدين سئلني مزوجة
كتلة اي وعندي طفلين
وبدت تقوة علاقتنا شوية شوية
بس بديت احس بالذنب من حيدر
من جان يجي امسح كولشي
وبيوم كلي ميثم
اني حبيتج شيرين وتعلقت بيج شلون
فهميني
بساعتها سديت واتصلت على داليا
اريد اكللها بس اخاف تزعل علي ومتقبل على الي سويته
دكيت عليها ابجي
كلمة احبج اثرت بيه وهزتني حسيت بنفسي وصلت طريق غلط ومااعرف ليش متمسكة بيه مااكدر اعوفة
اتصلت بداليا ابجي
شكوو شيرين انت الثالثة شبيج تبجين
ماادري داليا مختنكة
ياستار خاف حسيتي بخواتج
ليش شبيهن خواتي
منسة اليوم عرس ايمن
وسلمى لكت رجلها يخونها وعلى فراشها
يبووي خرب حضنا اي والله
شبيج انت خوما متعاركة وي حيدر
لا وين حيدر لا يعارك ولا يحجي وجودة مثل عدمة بهذا البيت
-يمعودة احمدي الله واشكريه زوجج مؤدب ومن الشغل للبيت واشترالج بيت خطيه وكعدج وخير من الله
-اي هو شكايله اني
تدرين انت احسن وحده بينا اني مطمئنه عليج
-بس اني ممرتاحة داليا
-ليش
حيدر ابد مممحسسني بحبة واهتمامة لو بالدوام لو طالع لو نايم ماحاسة بوجوده
-- حبيبتي غير يركض على عيشتكم يمعودة ياحب يابطيخ ترة كولة تسفيط حجي هذا ينتهي ورة الزواج الرجال اليحب صدك يسعد زوجته ويوفر كولشي الها وميخليها محتاجة شي مو بس احبج واحبج ويخونها لو يزوج عليها
لو يخليها محتاجة لشي
شيرين طلعي هالافكار من راسج حيدر خوش ولد لا تخسريه
هااا اي واني شكايله
يلة مع سلامه
سديته منها
وميثم يدك علي
ويدز رسائل جاوبي شيرين اكلج احبج
اطلكي من زوجج واني ازوجج
وللحكاية بقية ام مصطفى
