#الاخوات
للكاتبة ام مصطفى
البارت الاخير
بعد مجتمعنا يم اهلي وحدة تشكي للخ همها بقينا خمس ايام يم اهلي
كل وحدة زوجها كام يتصل عليها
داليا خابرني سعيد
تعالي يمعودة شسالفة سويتيها صدك هاي اول تبقين هالكد راح اجي اخذج
-اريد ابقى ارتاح ماارجع هسة
داليا انت عاقلة وفاهمة واكبر من هاي السوالف وذن بناتي زعطوطات ويغارن المهم
-ترة بعمري مو صغار
صح بعمرج بس اكو وحده تلكليها عقلها جبير وفاهمة مثلج
واكو لا والله لو بطول النخلة بس عقلها مال جهال
تدرين احمد الله واشكرة الف مرة وكعني بيج ثكيلة وفاهمة وطيبة
-مممم بس
-وحلوة واحبج والله اموت عليج هاي عبالك هسه مدري شناقصني ارجعي حبيبتي مكانج خالي
العصر اجيج حضري نفسج واني هم اليوم حجيت عليهم وقررت
اقسم البيت واخلص خل من يجن يجن يم اخوهن يكعدن
-اني مو هيج خل يجن هلة بيهن
اعرف اعرف بس اني اريد ارتاح
العصر اجي اخذج محضرلج مفاجأة هم
شنوو
اجي واكولج
يله مع السلامه
الله وياك
سديته منه وحسيت لازم ارجع المرة مالها غير بيتها وزوجها
كلت للبنات العصر يجي سعيد ياخذني
-تصالحتوا
اي والله وراح يقسم اللبيت ونخلص
اي عفية عليج
دنحجي
ودخل ايمن
كامت منسة فاتت للغرفة تركض
سلم ايمن وفات وراها
منسة
شفت ايمن وركضت للغرفة كمت بس ابجي
هسه يله ذكرتني هسه يلة اجيت
-كلت اخليج على راحتج
راحتي لو راحتك وي الجديده حبيبة القلب
ومالحب الا للحبيب الاول
-هي ضلت اول يمعود شفتها ونسيتني متكول شلون تحس وشحالها
-حقج والله بس لازم ترضين بالامر الواقع
هي بعد زوجتي لازم تتعودين
مااكدر ايمن
وماارجع اله بيت وحدي على الاقل لا عين التشوف ولا اذن الي تسمع
-شلون حجي هذا
-هذا الي عندي وغيرة ماكو
لو اطلكني وكلمن يروح بدربة هم ازوج اني
لزم ايدي حيل
هالكلمة كلتيها مره لخ اكص لسانج...
ليش حلال عليك وحرام علي
-منسة كتلج لا تستفزيني
ايمن هذا اخر كلامي لو بيت واعتقد هذا من حقي لو طلاك
طلع بسرعة وجان عصبي
صاحت داليا وراه مجاوبها وطلع
كمت ابجي
شصار
طلبت منه بيت لو يطلكني
مااكدر داليا مااكدر اعيش وياها نفس البيت اموت مااتحمل
حقج حبيبتي والله خل نشوف شيسوي
سلمى
عمار يتصل علي ومااجاوب ابد
اخر شي كام يدزلي مسجات
كال سلمى اني احبج ومااريد اخسرج
بس انت هواي هاملتني وتركيزج بس بشغلج الصدك سلمى اني رجال رومانسي واريد وحدة رومانسيات وياي تخلصها مو طب وديتول
-بس هذا شغلي تعبت لحد موصلت الة
اعرف بس اني محتاجج
وانت هاملتني
ابد مهاملتك وهذا مو مبرر للخيانه يعني اذا انت تهملني اني اخونك
اشش شهالحجي
لا اكلك شنو شعورك وتشوفني جايبتلي دكتور للبيت واخونك وياه
اكلج انجبي لج
جرب ترة نفس الاحساس نفس المشاعر شفت شلون انغثيت وبس حجي لعد لو تشوف اخونك شسوي
كافي سلمى
عمار اني تعبت وصلت مرحلة اكلك طلكني اوكي
-انجبي لج اطلكج شنو بابا احبج والله
هيج حب مااريد هاي تحبني وتخون لو ماتحبني شسوي
اسف
شيفيد الاسف
سلمى اني حاس بفراغ حتى مجني مزوج احتويني انت راسليني خابريني ورومانسيات
وشغلي
اتركي
مااكدر
لعد شوفي شلون تسوين المهم مااريد هالفراغ العايشة-احسك طفل وتبرر انت تخوني مو بسهولة انسى
روح عمار انت بطريق واني بطريق
سديته منه والله خوش يبرر لنفسة الخيانه
شيرين
يم خواتي
هنه بوادي واني بوادي
كاعدة بس اراسل
وهنة عبالهن اراسل بحيدر
بس اني بغير عالم صعدني فوك بكلامة المعسل تعسل
اخر شي كلي اطلكي واخذج
خامس يوم رجعت للبيت
بس بديت اسوي مشاكل واتعارك وياه
وهو خطية يخلي ويطلع
منسة
اجت عمتي وحاجتني حتى ارجع
بس اني ابد كتلها الة بيت وحدي وزعلت وطلعت
وره يومين اتصل كال اني احبج ومااريد اعوفج راح اشتري بيت حواسم تقبلين تكعدين بيه
كتله عادي
كال لعد اسبوع اجي اخذج ..
داليا اول مرجعت
كسم البيت
وخلصت شوية منهم على الاقل الشغل قل والبنات اصلا مايجني يم اخوهن وابوهن يروح يمهن بس الجهال عادي يجون يمي دائما
والمفاجاءة الي حاجني عليها
جانت احلى شي صارلي
سعيد سوالنا جوازات وحجز النا للعمرة
ورحت للعمرة احلى شي صار بحياتي كلها هي زيارة بيت الله
...
سلمى
بقيت اسبوعين يم اهلي
وعمار يروح ويرجع
لحد ما قسملي مايعيدها بس هو ابو طبع مايبدل طبعة
شسوي لازم ارجع المرة مالها غير بيتها
وهاي بين فترة وفترة الكفة يراسل وحده
ونتعارك ويعوفها وهكذا
بهاي الفترة حبلت
شيرين
يومية اعلكها واسوي مشكلة
لحد ما اخر شي كتله طلكني مااحبك مااريدك
ضل صافن بوجهي
صدك تحجين
اي والله مااحبك مااريدك كوه عايشة وياك
ضربني راشدي
كتلة طلكني اكرهك
كال باجر تجيج ورقة الطلاك
ابتسمت صدك عليك الله
هالكد فرحانه فهميني شعدج بس لا تخونيني ولج
اطيني موبايلج
لزمة بي رمز
افتحي الرمز
ماانطيه
ضربني كمت اصرخ اكرهك
امشي اطلعي بره مااريد اشوفج
اطيني جهالج
كل جهال ماالج
عفت البيت وطلعت
خابرني بالليل
شيرين شبيج فهميني صدك تحجين
اي اكرهك واحب غيرك وعدني يزوجني
جنت احجي بزودي مصدكة بيه
جان يكلي انت طالك
وسد الموبايل ورة يومين دزلي ورقة طلاك
دزيت عمي عليه علمود الجهال
لكاه ماخذ الجهال وعايف بغداد يكولون راح محافظات
عمي كلي شصار بينكم كتلة ماادري فجأة طلكني
كال ترو ماخذ الجهال وانهزم وبعد ميرجع
ضليت ابجي شبعت بجي
اتصلت على حبيبي عشتوا كتلة اكلكت جان يكول بس تخلص العدة ازوجج
وضلينا نفتح كامرات وادزلة صور مالتي بملابس داخلية
الى ان خلصت العدة
هالفترة كلها مشفت بعد جهالي
كل يوم اذكرهم وابجي
فكتلة اخطبني يلة
جان يكلي من كل عقلج اخذ وحدة ك...ة تعشك وتخابر براس رجلها شلون اامن بيج بعد
راسا اطلني بلوك كن كل البرامج
هنا فقدت ضربت على راسي احس
اسبوع اسبوعين ماكو اختفى
وجهالي وحيدر ماكو الى يومنا هذا
واتي اطلكت وهجمت بيتي بيدي
كمت ليل نهار ابجي على جهالي وعل حيدر
صرت هنا خدامة لمرت عبود .....منسة
زوجة ايمن من اول يوم حبلت
وايمن طار فرح
بس بدت المشاكل بينها وبين عمتي ويومية زعلانة
اجاني ايمن خل ارجعج يم امي ومرتي تكعد بهذا البيت
كتلة ابد والله
رجع ما رجع ضلن هي وعمتي يومية يتعاركن واني الحمد لله راسي بارد
حاليا عدها ٢ ولد صاروا
الى هنا انتهت قصتنا اتمنى تنال رضاكم
