مراهقة وأربعيني ( مكتملة)

تكملت البارت

#مراهقة _واربعيني
#الكاتبة _ بنين

حِنـٌي حنـٌي
اشويه ياعين الخشـــــف
خزرات المعاتب جونــــي
من كثر مالوع حتى اهلي
اصبحت جزعانه مـــــنـّي
رافكًــتني الونـٌه والحسرات
من بطن الحِمَلني
اوْهــذا عمــري
امكًـالب اوْيه الضيم
مامر الضحج مـّره اعله سني
اوْهذا حجي الناس اون من لوعتي
اوكًــالوا يـَغـَِــنـّي
فـَتـٌر إعيونـَك
تره اعيونك كًـصن بسنين عمري
إو ذوٌبـَني
آنه أحِب منهن نبـِل مغتــاض
خلهن يوجعــنـّي
ذابل وكَـاصي
العطش وياي جاهلبت رونــّـي؟!
انـسه حزنك لايحن حــــزنــي
اوْعلى اعناد الحزن يازين اغـَنـّي
حتــّه اصيحن ياحسرتي اتباعدي..
اوْيابسمتي الضاعت تـِدَنـّي ..
آخ مِنــٌي
وآخ من عمـري الخلَص
بس بالتمنـٌي
وسـِرِت بيها وصحِت عِنـٌي
أنـه ياروح هدوة ليل
موش اول هرش واسَن بسبـّاحي ولِونـٌي
آنه مثل الناس لِكزَنـي إبرمح بوكَ وجِفَنـٌي
ضيٌعَن دمٌي ولا جنهن الكاتل وأنكرنـٌي
يالتلجـٌيـن إعلـَه
شوف السود بس اكًـفن نســــني
ثكًـلن حمل البعد وآنه الرجيج اوْكلفني
ذو بي من نار الجفه اوْبدموعج اليجرن
تِهـَنـٌي
اوْعني خليني استجن يمعذبــــه
اشتردين مني؟
اوْهذا عمري
امكًـالب اويه الضيم مامر الضحج
مرٌه إعلَه سنـٌي
هذا حجي النـاس
اون من لوعتي اوكًالوا: يغنـّي
(عريان السيد خلف )

مياسم : منو انته
.. فتحي الباب لا أكسر عليج فتتححييييي
مياسم : كلبي طاح بلكاع من الخوف لو يذبحوني مايلكون قطرت دم بيه التليفون بيدي كوة لازمته من الخوف الصوت قوي وكأن يحجي بقوة بس هاذا رقم ابوي والصوت مو صوته ضليت مثل الصنم لابية افتح الباب ولا بيه اشرد من البيت ضليت اكرضم بشفتي ودموعي يهلن من الهبطة سديت التليفون بوجهَ

هسة شلون بيه وين اروح.... خل اخابر الدكتورة تجي تشوفلي منو الي بلباب اييي ماكو غيرها دكيت عليها ردت الووو..

مياسم : الووو
الدكتورة : هلا حبيبتي شلونج
مياسم : شلوني خيه لحكيلي فدوا اروحلج
الدكتورة : يااا ولج شبيج خوفتيني
مياسم : هاذا مدري منو على الباب يكول فتحي الباب لا اكسرة عليج
عليج الله تعاي ليه مالي غيرج

الدكتورة : منو هاذا لحظه هسة اطلع
مياسم : سمعتها فتحت الباب
الدكتورة : السلام عليكم
.. وعليكم السلام
الدكتورة : منو انتم ؟
.. ليش تسئلين
الدكتورة : وجوهكم غريبه علينه منو انتم هاذا بيتي الي ادكون بابه
.. هااا يعني مو بيت أم فضة
الدكتورة : غير تكلولي منو انتم
.. احنه أهلهة
الدكتورة : لعد اذا أهلهة تخابروها وتكلولها فتحي الباب لا اكسره عليج؟
ابو مياسم : بوية الله بلخير
انه ابو مياسم اجيت على بنيتي اشوفنها بس هاذا اخوها الهتلي يريد يخوفها ويسوي روحه غضب زوجها
الدكتورة : أهلاً وسهلاً بيكم نورتونا بس منو يكول انتم أهلها
مصطفى : يابه وعلي أهلهة انه اخوها الجبير وهاذا ابوها وهاذا اخوها الثاني وجينه نشوفها
الدكتورة : لحظه
الوو .. هااا ام فضة هاذا ابوج على الباب
مياسم : اي سمعت كلامهم انتي لاترحين بقي واكفه يمهم واني راح افتح الباب
الدكتورة : تمام
مياسم : فتحت الباب وأديه يرعشن كل ضني غضب وياهم .. بس من فتحته ماشفت غير ابوي واخواني
رحت ركض بحضن ابوي