مراهقة وأربعيني ( مكتملة)

البارت الرابع

مراهقة _ و _ أربعيني
# للكاتبه: بنين
البارت: الرابع

أني مرقد حزن يطوفوني مجروحين
على شباك جرحي هواي يبجون
أني عندي بخت يعثرله مرجع دين
أني دفتر محنه إليقره بيه يدوخ
أني شايل حنان يكفي دور أيتام
أني شايل كَلب للطعنه يفتح باب
أني متاني الكَبر يحضني حتى أرتاح
أني عندي فرح مثل ألله ماينشاف
أني بظهري سهم يذبح جبل حمرين
أني ويه الحزن عشرة معاميل
أني شايل خلك حتى أنتضرت المات
أني بكَلبي سوالف تذبح السجين
أني خيمت حزن بيه جروح تنام
أني أحلامي مشن كلهن سبايه وياك
من هل اللحظه أصيحن بيك آلله وياك
☆☆☆☆

مصطفى : أني آسف خويه ميوسه
مياسم : عادي حبيبي مصار شي
أجه باسني براسي وبعد هاي اليومين داومت وما شفت غضب أبدددد وخلصت السنه ونجحت ومرت سنتين وابد ماشفت غضب والحمد الله كملت السادس ومنتضره النتائج تطلع وأشوف معدلي
ام مياسم : مصطفى يمه الباب يندك كوم شوفه
مصطفى : ايي كايم
منوووو
....أني بويه
مصطفى : منو هاذا
فتحت الباب وشفت أعمامي كلهم وياهم ولدهم وب٢٠ زلمه معكَلين وياهم شيخ عشيرتنه
تفضلوو تفضلوو أهلا وسهلا
مياسم : سمعنه صوت زلم كام ابوي واخواني طلعو
أبومياسم : ياااهلا وكثر الهلا هلا بشيخنا تفضلو زارتنا البركه اهلا وسهلا
الشيخ : زاد فضلك يبو مصطفى
مصطفى : بسررعه حضرن ماي وسون جاي
ام مياسم : ولك يمه منو هذوله
مصطفى : يممه هذوله أعمامي وزلم وشيخ العشيره
ام مياسم : هااااا هلا بيهم يله يمه سون جاي بسرعه
مياسم : وصار الجاي واجه مصطفى أخذه
( خلي نروح للديوان ونشوف الحديث الي دا يدور بين الرياجيل)

الشيخ : آلله بالخير
الكل : آلله بالخير والعافيه
الشيخ : أبو مصطفى اليوم أحنه جايين نريد الصلح بينكم أنته واخوانك
أبوك جان خوش رجال ونعم منه والكل تحلف براسه وانتم ولده لازم تحطون أيد بأيد وتحفظون سمعت أبوكم وأنه اليوم جاي اريدكم تتصالحون وترجعون مثل كَبل وأكثر
ابو مياسم : وآلله ياشيخ انه بلنسبه ألي ماعندي أشكال وتراني مو أنه العايل هم الي عالو بيه وطردوني من بيت أبوي الله يرحمه
الشيخ :هسة أحنه مانريد نفتح دفاتر قديمه والراح راح هسة علينه بلحاضر
أبو غضب : وآلله يا خويه أنه اعتذر عن الي بدر مني
وأنه جاي أريد أعتذر منك عن الي جره
أبو مياسم : لاا يخوي انته أخوي الجبير مايصير تعتذر
وأنه لخاطر جيتكم وجيت الشيخ مسامحك
أبو غضب : يخوي أنه أريد النسب منكم
أبو مياسم : هااا
أبو غضب : ايي يخوي أنه اريد بنيتك المحروسه مياسم لأبني غضب
أبو مياسم : غضببب
غضب : انه أسفه وأعتذر عمي اعتذر عن الي سويته واعتبرني أبنك وسامحني
الشيخ : كووم غضب بوس راس عمك
غضب : كمت بست عمي براسه وأعتذرت منه
ابو مياسم : آلله يخليك بويه
أبو غضب : انه اطيك فتره تفكر وترد إلنه الجواب وأتمنه جوابكم يكون بلرضاء
أبو مياسم : يصير خير يخوي
مصطفى : طلعو الناس منه ودخلنه للبيت
أبو مياسم : ام مياسم.. ام مياسم...
أم مياسم : هااا أبو مياسم بشرر شكوو خو ماكو شي
أبو مياسم :ماكو إله الخير صيحي مياسم وتعالو
مياسم : رحنا كل أحنه للصاله وكعدنه ننتضر ابوي شيريد يحجي طبعن أختي سجى نخطبت وجان بعد شهرين يكون زواجهة
أبو مياسم : اجو أخواني وأعتذرو مني وطلبو الصلح
أم مياسم : كللللللوووووووشششش
مياسم : وكامت امي تهلهل واباوع لابوي فرحته ما يطيهة لاحد وامي هم فرحانه
أبو مياسم : وأحنه راح نرجع لبيت حجي جواد
بس مراح نرجع علمود نستقر لااا
أم مياسم : جاا إلمن راجعين؟
أبو مياسم : راجعين نحضر عرس مياسم وغضب
مياسم :أني هناا أكبر صدمه بحياااتي جنت مصدومه من جيت أعمامي وكلت أكيد عندهم مصلحه لو فد شي
ومن كَالي أبوي نحضر عرس مياسم وغضب ماستوعبت هاذا الشي ردت احجي قاطعني أبوي
أبو مياسم : قبل لا تحجين أنه طيت كلمه للناس وللشيخ ومستحيللل ارجع ببهة غلطت قبل ورفضت النسب من أخواني بس هسة لااا ما أغلط وأريد اعدل علاقتي بأخواني وهاذا احسن حل أنو تتزوجون أنتي وغضب واني مليت من الكطيعه أريد أرجع صلة الرحم بيني وبين أخواني وهاي هية الطريقه الوحيده الي ترجع صلة الرحم
مياسم : بس جدي آلله يرحمه وصاك تبتعد عنهم مو تكوم تناسبهم
أبو مياسم : نجبببي لج لاتحجين بشي أكبر منج سمعتي لو لااااا وابوي آلله يرحمه وصاني اطلع وابتعد عنهم وهاي أني طالع عنهم ومستقر بعيد عنهم بس بدون قطع صلة الرحم وهاي وصية جدج إلي وغصب عنج تتزوجين غضب آلرضيتي أو ما رضيتي
مياسم : سكتت طلع أبوي وأني رحت أركض لأختي سجى أشكيلهة همي
سجى : شبيج تبجين ولج
مياسم : حجيلتهة كل الي صار
سجى : حبيبتي أنتي مو جنتي معجبه بي وهو حلو وآلله مكنه وعنده خير من آلله ليش ماترضين
وأنتي حاولي وياه ممكن تتوفقون بحياتكم
مياسم : أني جنت مو يم أختي عيني مركزتهة علة الحرك الي بيدي وأتذكر من حركني غضب صح المكان رايح بس ابد ميروح من بالي
هية شافتني وكالت
سجى : حبيبتي ميوسه أتركي الماضي خلي يولي وأنتبهي للحاضر
مياسم : ماتدري الرعب الي عشته ما عاشته هية والي أيده بلنار مو مثل الي أيده بلماي
وهية خطيه ضلت تهدي بيه وتصبرني وتنصحني
هديت شويه بس بعدني خايفه لأن غضب أكره أنسان بلنسبه ألي على وجه الأرض
أبو اعز انسان بحياتي هوة وحجي جواد
وكعدت أقنع بنفسي واكول راح احصل اجر بأنو اربط صلة الرحم وأرضي ابوي وضليت اقنع نفسي بهيج شي وكلت أمري لربي العالمين بعدها جهزو أغراضهم ورجعنا لمنطقتنه القديمه واستقبلونه وراه بيوم رحنه للنجف زرنه جدي وجدتي الي ما شايفتهة ولا اعرف شكلهة ابدد
رجعنا من النجف وبلشو يحضرون للعرس وصار العقد وكالو بعد أسبوع الزواج علمود النسوان يجهزن العروس ويجهزن أرواحهن امي بلغتني بهاذا الكلام واني سكتت شعندي غير السكوت والدموع الي تشكي حالي ومر الأسبوع واني ما شفت غضب لان جنت ماطلع من غرفة البنات أخوات غضب حتى ما أحتك بغضب مريت بكل مراحل تنظيف البشره والجسم وجنت جسد بلا روح من كملت أم الصالون شفت نفسي بلأمرايه طالعه غير شي حلووه بس جان مالي نفس ابدد
أجه يوم الحنه ورتبني وجان مالي خلك وبس ابجي حتة ام الصالون ملت من كثر ما ابجي أباوع للنسوان الفرحانات ويركصن ويهلهلن مايدرن هاذا يوم موتي مو زواجي وأستمر هاذا الحاله لساعات مليت وتعبت من الكعده كملت الحفله مال الحنه وصعدت للغرفه بدلت ملابسي وكعدت ابجي وأندب حضي المصخم النايم بلطين أمي خطيه ما خلت شي ما اشترته ألي اشترتلي كلللشي بس اني مالي خلك تغيرت تغير جذري مو مياسم الي جانت وكحه الكاع مالتهة من وكاحتهة وجنت ضحوكيه كللش هسة صرت أم دميعه ماكو غير الدموع بوجهي جنت اتذكر أيامي ويا جدي حجي جواد اوووووووف ياجدي لو عايش ما صار بيه هيج ونغصبت على غضب ليش عفتني ورحت جدي ابوي فرط بيه علمود يرضي اخوانه أنته وصيته وكتله ابتعد بس هوة ما ألتزم بلوصيه وخلاني ضحيه آلله أعلم شنو مضموملي ويا غضب
ضليت احجي ويا جدي وادري بيه يسمعني وابجي اريد اموت
وثاني يوم صارت الزفه وجهزوني وطلعت من الصالون ويا غضب الي حتة ما باوعت بوجهة وبس ابجي وصلنه للبيت وعلت اصوات الهلاهل دخلوني للبيت وبلشت الحفله وبعدها أجت أم غضب وكالت
أم غضب : يله اصعدي لغرفتج راح يزفون العريس
مياسم : صعدني أمه وامي وصني ب١٠٠ وصيه
أم غضب : اريدج تسعدين ابني
مياسم : اسمع الكلام وابجي ما ارد عليهم
كعدوني ع الجربايه وامي كامت تبجي وتناشغ
أم مياسم : ديري بالج علة روحج يبهد امج اريد تصيرين سباعيه وترفعين روسنا ويكولون ونعم من تربيت ام مياسم
مياسم : باستني براسي وطلعت ضليت وحدي بلغرفه
شويه وسمعت هوسه وصوت رمي وهلاهل عرفت زفوه اخذتني الرجفه ودخلت بحالة رعب لان غضب اسمٌ على موسمى ضليت افكر بلمريض النفسي الي آلله بلاني بيه بنص تفكيري وسمعت الباب نفتح رفعت راسي وشفته وأكف أجاك الموت يا تارك الصلاه.....يتتبع