مراهقة وأربعيني ( مكتملة)

البارت الخامس عشر

#مراهقة _و أربعيني
الكاتبة بنين

البارت الخامس عشر ..........................

اتجاهلني بعد وياي ثكل الدم
لا تنطي مجال اصعب وكابر هم
ضبط سوي روحك عود ما مهتم
والله تحبني حب بس الله بي يعلم
تراقب عن بعد كلبك عليه ايلوب
جرأة الـ بالكلب لو تنتقل للفم
جا كلمة احبك جزت ذاك الصوب
والاطرش سمعها واجه كلك تم
من اكعد اكبالك تلتفت ليغاد
مو يم القضيه وانته رب اليم
اسولف ويه غيرك احس بيك اتموت
فص عينك طلع ما اعرف اشدردم !
احجي ابصوت عالي شدردمت لتخاف
من المنضغط متوقع اشبع ذم
دايخ بيه دايخ هسه شموازيك
فضها وكول احبك شلك بهـالـهم
يعجبك شكلي صوتي ووكفتي وممشاي
وحافظني حفظ تندلني وين انشم
تره الدنيه كصيره والسنين اخفاف
من تتبده منك بعد ما تلتم

مياسم : بعد ما حللت رجعنا للبيت والبنات باركولي
مرت الايام وصرت بشهر الخامس.. سويت سونار وطلعت حامل بتؤم.. ماعرف الفرحة شلون كانت بس هم ماريد اطفال لأن موحمل اطفال اني.. ولا اريد بعد شي يربطني بغضب.. وهم خايفة ياخذوهم مني اذا ولدت.. ذبيت كل احمولي على ربي.. وكتلة مالي غيرك يالله لا ام.. ولا اب.. ولا اخو.. ولا رجل.. ولا اخت.. كلهم بايعيني ومايردوني.. دخيلك ياربي.. مالي غيرك انتة ارحم الراحمين.. نمت واني كلبي بيدي..

جنة ضايجين كلش والبنات كلن نطلع.. لان ضوجة وغضب اليوم هنا ماعندة شغل خلي يطلعنة.. كتلهن

اني ماعلية انتن كوللة لان اكيد مايسمع مني..
حنان : اني اكلة
مياسم : نزل من غرفتة وكاللة وافق بس كال..
غضب : مياسم ماتروح بس انتي واختج..
حنان : ياااا وليش ماتروح جا احنة هم مانروح
غضب : بلا حجي زايد كلت بس انتن وهية تضل هنا
حنان : لا بطلنة مانروح شنو تبقة هنا خطية نريدهة ويانة تتونس..

مياسم : وبعد إلحاح من البنات قبل اطلع وياهم.. بس اني عزت بخاطري ليش اني ماطلع حابسن صار شكددد بس للطبيب اطلع.. من وافق رحت ركض للغرفة بدلت دخل هوة علية وكال

غضب : تعاي اوكفي يمي
مياسم : تقربت عليه اشو هاذا طكاني راشدي خدي صار احمررر اني جفلت.. بس ماحجيت ولا سويت اي شي بس ضليت اباوع عليه

غضب : عبالج ما عرف سوالفج ولج ترحين لاخواتي وتكليلهن اطلع موووو.. وانتي تدرين بية ما اكدر اردلهن طلب لان احبهن.. هاذا الراشدي حتى بعد ماتعيديهة

مياسم : والله اني ماحجيت ولا كتلهن اطلع وياجن بس هنة لحن علية.. وكالن نطلع نتونس..

غضب : شوفي لج راح اطلعين بس...
مياسم : قاطعتة وكتلة .. لا بس ولاهم يحزنون.. ماطلع روحو تونسو..

غضب : لا اشو الة ترحين وغصب عنج
مياسم : ماروح غضب انتم روحو مابية حيل اطلع
غضب : من اكول ترحين يعني ترحين وبلا اييي جداااال سمعتي لو لاااا