كانت تنشر في الدبش فوق السطح و بعد
هبطت باش تكمل تسيق خاطر معادش بكري
على العشا و بوها قريب يروح
"ستوب" هاذي شيماء عمرها 23 سنا تحب
والديها برشا طفلة باهية موش كان شكلا لا
قلبها نقي و ما تاخذش في خاطرها .ديما
فرحانة و تضحك طفلة فدلاكة و صاحبت جو
مزيانة حلاوتها في عنيها الي لونهم يولي
عسلي في الشمس و الي كي تضحك
يتصكرو ستيلها حلو طويلة و ضعيفا اما
عندها اللازم في اللازم ماهي بيضا و ماهي سمرا في الوسط
.
بوها فريد راجل طيب برشا يخاف ربي يحب
مرتو خولة ،راجل فدلاك زادا اما وقت الجد
يولي صعيب شوية
امها خولة مرا طيبة و حاذقة و جيرانها لكل
يحبوها،هي تحب راجلها و بنتها و ديما تلوج
على مصلحة بنتها ،المختصر هما عايلة على
قدهم و ما يحبوش المشاكل و ناس زواولا
دارهم ملك صحيح صغيرة و دار عربي اما ديما نظيفة و منظما و
زيد هذيكا لكسيبا .بوها يخدم في المرما و
امها في دار و هي زادا برغم مستواها الباهي
لوجت على خدمة بعد ما كملت قرايتها و
شي ما حبوش يقبلوها خاتر ما عندهاش
لكتاف كيف لي اقل منها في المستوى و دخلو
يخدمو و هي لا الله غالب بلاد عبادها
اخيابو ."نكملو" شافتها امها حالتها حليلا
بلما قلبها وجعها خاطر بنتها تاعبة و هي لي
تقضي و تسيق و طيب و اندادها عرسو و
جابو صغار بقات تدعيلها خاطر الراجل الي
يجي ترفضو و نحت فكرة العرس من راسها
و هي و بوها ديما يحاولو يقنعوها و شي
مي المرة هاذي باش يضغطو عليها باش
تقبل .
نادتها : يا شيماء بنيتي فاش قام تسيق
وحدك علاه ما ناديتنيش راني عاونتك و زيد
عندي موضوع باش نقلك عليه .
جاوبتها شيماء : يا امي ياخي ريتني نتوجع
ويلا جيتك نبكي هاني لاباس و شنوا
هالموضوع نشالله خير؟ 🤔
امها :باهي بنيتي على راحتك اما بخصوص
لموضوع مفما كان الخير اما تو نقلك من بعد
زيد يبدا بوك حاضر .
هي : والله شامتها قارصا اما يمكن انا غالطة،
ايا باهي برا تو انتي ارتاح مدام انا كملت
تسييق و نطيب لعشا.
امها : باهي بنيتي
..
طاح الليل و بوها جا حطت لعشا و كي كملو
مشت هي تلم في الطاولة و امها و بوها بقا
و يحكيو كيفاه باش يعملو و هي جابت التاي
و بوها بدا يحكي : اسمعني عيش بنتي ليوم
حكا معايا صاحبي محمد و قالي الي الجمعة
الجاية جاي باش يشوفك هو و مرتو و ولدو .
هي : يشوفوني و علاه فاش قام يشوفو
فيا ؟
بوها : باش ياخذك لولدو كان كتب .
هي :بابا مانا تفاهمنا و قتلك موضوع العرس
لا و زيد ما نحبش نعرس توا
بوها : هاذي اخر كلمة عندي الطفل باش
يجي و باش تقبل هاني قتلك. 😠 و هز
روحو و مشا يرقد ،خزرت لامها و قالت :
امي شنو الحكاية بسيف ياخي باش
تعرسولي 😢
امها: هذا حال الدنيا و انتي كبرت و بوك
يلوجلك على مصلحتك عيش بنتي شوف
الراجل انتي ساعة .
هي :اي و كي يطلع فرخ و مامنوش فايدة ،يا
امي انا نحب نبقا معاكم فوك عليا من
العرس .
امها : لا ما تخافش الطفل بوك يعرفو و زيد
قالي الي هو كان معرس اما مكملوش مع
بعضهم هو راجل باهي لاباس عليه و باش يهنيك .
شيماء: نعم !!! معرس هه هذاكا إلي مزال و
شنو يهمني في فلوسو اصلا
امها قامت و قالت : انا هاني قتلك و خمم
هذا في مصلحتك اما لازمك تقبل .و خليتها
و مشت .بقت هي تبكي خاطر تعرف الي
والديها يحبو يبعدوها من هنا و يأمنولها
مستقبل باهي مي هي ما تحبش تخليهم
وحدهم
Stop
💥💥💥💥💥💥💥💥💥💥💥💥
أنت تقرأ
كرونيك زوجتي ( تونسية) حلمي&شيماء. The Moon
Любовные романыممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
