كرونيك زوجتي ( تونسية) حلمي&شيماء. The Moon

الجزء 46

شيماء غطت وجها بإيديها: تفضحت
اية: راح الغالي راح
اسامة: الله الله تسمع ماو يا سيف
سيف:اي يا خويا نسمع
اسامة:بقيت باهت حتى انا تي تو بركا كان يتشكى اما السيد طلع يلعب من تحت لتحت
سعيدة:لمو افامكم و قولو مشالله تضربهوش بعين
شيماء: ياه شومي
اسامة: اا او حلمي الوو فرار ياخي شبيك ساكت و باهت
حلمي : من وقتاش عرفت
شيماء: امس
حلمي:علاش ما قتليش
شيماء: مهيش حاجة مهمة برشا
اسامة:يا جماعة مشو وقيت نروحو
اية: اي يا روحي ايا نبقوكم بخير
سعيدة: باهي تبقو بخير و ما تنسيش كلميني من بعد عيش بنتي
شيماء:اي تهنى اما علاش مروحين خليكم شوي
اميمة: لا هذاك هو و زيد انا كرشي توجع فيا نروح نرتاح
شيماء:على راحتكم
سعيدة: و انت يا حلمي ردبالك عليها عيش ولدي
حلمي: باهي يا امي
اية:حقا شيماء باش نهز معايا اسر و غدوة تو نبعثو
شيماء: علاش تهز فيه
اية:كك اسيا توحشتو
شيماء: نفهم فيك راو فاش تخمم
اية: نيتي صافية يا روحي و الله
شيماء:تقصد نيتك مڨعمزة
حلمي: تنجم تهزو يا اية
روحو الجماعة الكل و بقات كان هي و هو
حلمي: نجمو تو نحكيو
شيماء: ما عنا فاش باش نحكو
حلمي: لا عنا
شيماء: منين تحب تبدا
حلمي:مم مثلا علاش ما قتليش الي انت حبلة
شيماء: ما نحبش
حلمي:تقليش زادا كنت ناوية تسافر بيه و تربيه من غير ما تقلي
شيماء: ريت تفكيرك صطحي باارشا ههه
حلمي: باهي انا تفكيري صطحي و نخمم كان حد هكاكة تنجم انت تفهمني قصدك .
شيماء : باهي زعما انت شنو كنت باش تعمل تتصرف كيما المرة لخرى تتفكر ماو
حلمي: علاش تحكي هكا فهمني نحب نعرف خلينا نفركوها هالرمانة و نرتاحو
شيماء: ممم سألتشي روحك ياخي الطفل هذا الي في كرشي  منين زعما من الطبيب كلعادة و خنتك معاه  اه حل فمك تكلم عاد يا سيد الرجال
حلمي: شيماء انا اصلا متذكر شنو صار اخر مرة كي مرضت و منيش باش نشك فيك سامحني
شيماء: اا يعني شنو كان باش يصير كان ما تذكرتش و على شنو تحبني نسامحك على شكك فيا او على ضربك ليا ويلا لإغتصاب ويلا على ولدي الا كان باش يموت .
تحركت ليه و تحملتو و حطت راسها على كتفو و هي تبكي: تعرف قداه تعذبت قداه بكيت و تشويت جراير عمايلك وليت كالكابوس في حياتي تجيني كل ليلة لحلمتي و تفسدها ، ولدك كبر قدام عيني ربيتو انا وحدي كنت نحبك انت تكون معايا اما لا هذا ما صارش ،حبيت ننساك و نحيك من مخي برشا حبو عليا لكن انا نقول لا خاطرني نحب الراجل الي كان سبب وجيعتي .
دزتو و بدات تضرب فيه على كتافو: عرفتو عرفتو ماو شكونو الي عمل هذا لكل اه تكلم شبيك بلعت لسانك ؟
حلمي: صحيح صحيح انا غلط و غلطة كبيرة برشا اما لكلنا نغلطو صبحان الله راني تعذبت كيفك خاصة كي مشيت وقتها حسيت بالذنب في كل لي عملتو معاك اما تو سايي انت رجعت و ماكش باش تبعد عليا فهمتني
شيماء: علاش علاش
حلمي: شنو الي علاش
شيماء: علاش هذا لكل صار كان جيت انت وثقت فيا رانا ما تفرقناش و انت بعدت على ولدك
حلمي: هذاكا ربي شنو كتب و الي صار هذاكا درس ليا و انا تعلمت منو و عمري ما نعاود غلطتي
شيماء:راسي وجعني نحب نرتاح
حلمي: باهي عزيزتي وقت تحس روحك خذيت قرارك تنجم تقلي و انا منيش باش نقلقك
شيماء: باش تصبر
حلمي: اي نصبر عمري لكل و تو هيا اطلع ارتاح
هزها في حملتو طلعها للبيت رقدت في حملتو و هو يخزرلها
حلمي: نعرف انت تعبت معايا برشا و تو جا وقتي انا باش نعوضك يا روحي و باش نستنا وقتاش تسامحني بالدقيقة و الدرج .
تعداو الايامات و الامور ماشية لاباس اما ما عاودوش حكو في الموضوع .
نهار هوما قاعدين في دار بو حلمي و ملمومين الكل يحكو و يتفرجو
اية: اسامة
اسامة: وي عزيزتي
اية: ايجا نحكي معاك لحظة
اسامة: اوك
مشات اية و راجلها لبرا
اميمة: سيف
سيف: ممم يا روح سيف
اميمة: نحب ڨلاص
سيف: ڨلاص شنو نوعو
اميمة: جيبلي بيكسو بالفراز و بالفاني و حكة شكلاطة و زوز شيبس كهو
سعيدة: كهو !! ههه صار مزلت تحب على اكثر الطفل مسكين فلستو
سيف: ما يغلا عليها شي نعطيها عينيا و شوية فيها
شيماء: الله الله احترم يا سيد عباد قاعدة
سيف: علاش قلت حاجة حرام مرتي و نقلها في كلام حلو
شيماء: راعي مشاعرنا زح
اسر: زح !! هكا يا شيماء وليت تكفر زادا فسدتي انت يا طفلة
شيماء: هههه تفكلي في كلامي يا وحيد
البرا خلط اسامة على اية
اسامة:وي عزيزتي
اية: ننننننن
اسامة: شبيك تبكي عندك حاجة توجع فيك
اية: الله لا تربحك
اسامة: اللطف علاه الدعا يا بنت الناس
اية:انت السبب
اسامة:فاش نشالله خير
اية: ملي سمعت الي سيف و حلمي باش يجيهم صغار وليت تحب تجيب كيفهم
اسامة: اي شنو دخل هذا في بكاك
اية: هاني حبلة رتحت تو
اسامة :بجدك تحكي ههههه
اية: تضحك و تكشخ
اسامة تحملها: تي ارحك خليني نبوسك
دزاتو : ابعدني خيرلك انت فرحان
اسامة: مالا شنو تحبني نعمل نبكي هههه
اية: خاطرك ماكش انت باش تولدو
اسامة: ههه مالا نسيت كي دخلت معاك للعمليات كي ولدت اية شنو صار ليدي
اية:شبيها
اسامة:بلاهي نسيت كي خرجت بيها زرقة و قريب تتكسر من العض
اية:انا عمتلك هكاكة !
اسامة:لا الطبيبة
اية:هووو impossible حتى انا شكيت فيها تخزرلك من تحت لتحت الهاملة
اسامة:استغفر الله العلي العظيم
اية:شنو تقصد شيطان قدامك انا
اسامة:سامحني انا الغالط
اية:اكيد انت الغالط و ديما انت الغالط
اسامة:اي كلامك صحيح
اية:انا نقول طفل
اسامة:انا زادة نقول طفل
اية:شنو نسموه
اسامة:هو صحيح مزال بكري اما عندي اسم تحفون
اية:الي هو
اسامة:اسم "حمة" شقولك فيه تحفون
اية: احسبني ما قتلك شي و هيا ندخلو
اسامة:باهي هيا
اميمة:شبيك ساكت يا حلمي
حلمي:شي فادد
اميمة: علاش
حلمي:تتفكر رحاب لي قرت معايا و كانت تسكن لهنا
اميمة: اي نتفكرها ويني ياخي عندي مدة ما ريتهاش
حلمي:مسكينة امس ماتت
اميمة:بجدك تحكي اكيد تفدلك
حلمي:منيش نفدلك
اميمة:يا لطيف مسكينة ربي يرحمها و كيفاش ماتت
حلمي: بكورونا
سيف:ربي يرحمها
سعيدة :الله يرحمها هكا الطفلة شكنت نحبها
شيماء:انت زادة تعرفها
سعيدة:اي نعرفها و نعرف والديها تي كنت حاطة عيني عليها باش ناخذهالو
شيماء:نعم! لشكون تاخذهالو
سعيدة:تي لحلمي اما هو وقتها ما حبش هي كانت تحبو اما هو لا الله يرحمها
شيماء خزرت لحلمي: اي ربي يرحمها و ربي يصبرك
حلمي يحكي مع روحو :شبيها تخزرلي هكة قولش عليا قتلتلها خوها
سيف:هاو اسامة جا لحلوف
اسامة:حلوف وحدك
سعيدة:شبيكم بطيتو لاباس ماو
اية:لا لاباس
اسامة:اش من لاباس زغرتي يا سعيدة
حلمي:علاه عرسك
سيف:لا ظاهرلي خطبتو هههه
اسامة:هيهيهي ممسطكم
سعيدة: ما يهمكش فيكم قلي انا شفما
اسامة تحمل اية : على قريب باش يجيك حفيد جديد
سعيدة ولت تزغرت و باركولهم الجماعة و رجعو يحكو
شيماء قربت لوذن حلمي: كي نروحو عنا ما نحكيو
حلمي: نشالله خير
شيماء: لا من ناحية خير فهو خير
حلمي:لا ظاهر
سيف:بلاهي لا عاد احترمونا شوية عيب لي تعملو فيه
اسامة: عندك الحق يا خويا
شيماء:شنو عملنا
سيف : تتهامسو و قريب يبوسك و تقلي شنو عملنا
اية: اعملولنا احترام
حلمي:كي نفز انا نوريكم الاحترام على قاعدة
اميمة:شبيك حبي يفدلكو رام
شيماء:  سيف شد مرتك خيرلها
سيف:شعملتلك هاي ساكتة
شيماء:ما عادش تقلو حبي
اميمة:اهي اختو راني عادي
شيماء:لا يعني لا امورك
اية:حالتك مخطرة يا طفلة شبيك ياخي هذاكة حبنا لكل حلموش
شيماء ولت تدمع و تخزرلهم
اية :بجدك انت تو !!!
حلمي قربلها و باسها من راسها :هاذي حاجة و يتبكا عليها
شيماء:اي
حلمي: حد ما عاد يقلي حبي حتى اسمي تنسوه هاا باهي هكا
شيماء:اي باهي
اميمة:ناري عليك يا شيماء و الله ربي يعينك يا حب .. نقصد يا خويا
سعيدة: اش يهمكم فيها تلهو في رواحكم ملا شتل
امية:يكثر خيرك يا امي انا ولينا شتل .
شيماء:نحب نروح
سعيدة:يفدلكو معاك راهم اقعد
شيماء:نعرف اما انا خلاقي دايرة
حلمي :باهي عزيزتي ...ايا يا جماعة على خير .
روحو للدار وهي مشات طول دخلت للدوش
و بقت تحت الما البارد
شيماء:ايه و الله تو رتحت
شيماء:انا تو مشتهية حاجة زح كيفاش باش نقولهالو في وجهو نحشم و زيد متغششة منو على حكاية الطفلة اما موش مشكل غدوة تو نتعاركو  .
نشفت روحها و لبست و خرجت تلقاه متكي فوق الفرش و مغمض عينيه
شيماء:هاو رقد شنعملو هذا انا تو
حلمي:لا منيش راقد اش تحب
قربت و قعدت بحذاه و هو حل حنيه
شيماء:شوف انا مشتهية حاجة نحب نطلبها منك و انا اصلا منيش مصدقة الي انا باش نطلبها منك
حلمي يمسح في العرق:بب برا ساعة البس حاجة خاطر ظاهرلي فيك نسيت ما لبستش و بعد ايجا اطلب الي تحب
شيماء:لا عادي دوبياس انا مرتاحة فيهم
حلمي:اما انا منيش مرتاح بالكل  ،باهي شنو مشتهية تو نخرج نشرلك ميسالش
شيماء:اما الحاجة عنا منها في الدار
حلمي: ملا شتحب
شيماء:ماو الحاجة عندك انت
حلمي:و الله ما فهمتك
شيماء:باهي اقرب لهنا
قربلها قتلو حاجة في وذنو و بعدت تلقا وجهو احمر
حلمي: ياخي من وقتاش وليت تخمم هكة و الحشمة طارت
شيماء: من نهار الي عرفتك و تو فهمتني
حلمي:ياخي انت متأكدة ملي تقولي فيه
شيماء:اي و شوي اكهو
حلمي:مهوش خطر عليك
شيماء:لا و اخلط انا هاني داخلة
هيا دخلت للدوش و هو شرب كاس الماء الي بجنبو الكل
حلمي: هاذي بجدها تحكي نشالله ما نطلعش نتخيل راو واحد شايح
خلط عليها و سكر باب  الدوش.
بعد ربع ساعة جا اسر دق الباب اكثر من مرة ما حللو حد دخل يلقى البيت فارغة و حس الماء في الدوش مشا يدق في الباب لين خرجلو حلمي عامل منشفة من لوطة و يلهث
اسر:شبيك ياخي وجهك احمر و تلهث قولش عليك كنت تجري
حلمي:شحاجتك تو و علاش جاي برا و ارجع بعد تو انا ندوش
اسر:تسحت فيا يا حلمي
حلمي :اي و كان عجبك
اسر:باهي ريتش شيماء خاطر ما لقيتهاش
حلمي:لا ما ريتش و برا اخرج راك فددتني
جا حلمي يسكر في الباب مشا اسر و رجع: فيبالك انا ما نعرفش الي شيماء لداخل ههه فايق بيكم راو غيب قط العب يا فار
حلمي:مقل حياتك تفيه عليك ، سكر الباب وراك
اسر:اوك ركح جوك صاحبي
شيماء:حلميي
حلمي: هاني جيت عزيزتي ولدك هو الي قص علينا ، هي مالا وين كنا.
******************************