بقات تسأل في روحها:ياخي شسمو و شبيني
ما سألتوش ناري عليك يا شيما وصلت بيك
باش تتخطب و مكبوب السعد ما تعرفش
اسمو ،و ما فهمتش علاه نافخ روحو ماو كيفو
كيف غيرو what this 😏 نمشي نرقد خير
و انا ملي شفت منظرو وليت نحكي وحدي .
مشات رقدت . طلع النهار و قامت لمت الدار و
عملت لفطور لبوها و مشى يخدم ،جاتها
امها : يا طفلة ياخي شتعمل في الكجينة
وحالتك حليلا علاه ما حضرتش روحك المرا
عدك بيها وصلت .شيما بإستغراب :نعم نحضر
روحي؟ و مرا!! شكون جاينا ياخي
تحكي على مبروكة و اية
بنتها .امها :لا ياخي ما فيبالك الي حماتك
جاية وباش تمشي معاها تشوف الصياغة .هي
ولت تضحك :هههه ياخي لمرا ريتها لبارح
ولت حماتي فيسع و فاش قام نمشي معاها
ماو امشي انت و توفا لحكاية .امها:يا ربي يا
محمد اش هالهايشة الي مربيتها شوف انتي
تو باش تمشي تبدل دبشك و شوفي في
لمرايا بلاهي تي هاني امك و مرات ما
نعرفكش وجهك كي سعدك فزي
تحركي .هي :اووو شبيك كلو الا وجهي انا
خير من انجولينا جولي اوكييي.امها: انت
جلال لحوانتي خير منك فزي منعولة وهي
بقت كي لبوطو .مشات نضفت روحها و بدلت
حوايجها و جات في الصالة بحذا امها و بقات
تستنا .امها:هي تو هاكي ابرك شوي اسمعي
هاني نبه عليك نمشوش احنا ندخلو و
انتي تبدي تمرجي فيا
عالمرواح .هي:تهنى امي بنتك راجل .امها: لا
من ناحيت راجل فهي راجل اما من ناحيت
تهنى قلبي موش مرتاحلك .دق الباب مشت
حلت تلقاها حماتها سعاد و معاها طفلة اخرى
في نفس عمر شيماء سلمت عليهم هي و امها
و بعد قصدو ربي وطول الثنيا و شيما تحكي
مع الطفلة الي طلع اسمها اميمة طفلة عاقلة
دابها داب روحها مزيانة كانت مخطوبة و
بطلت ،وصلو و خطارو الصياغة و بعد رجعو
لدار بقات اميمة و امها شوي و بعد
روحو .مشات هي طيبت العشا و بعد مشات
تكت .و تعدا كل شي صافا و شيما و اميمة
ولاو صحاب و كل يوم يحكيو ،جاء نهار
الخطبة الي عملوها في دارها هي و
تعدات عادية و وفات و روحو .وتعداو 12
يوم اخرين لكلهم سهريات و ليوم ماشين
للحمام فزو صباح بكري حضرو رواحهم و
جات بنات خلاتها و عمومتها و جاتها اميمة و
مشاو،وصلو عملو جو من شطيح و غناء
زادت حفلتها اية جارتهم و كي كملو روحو
و كل حد شد دارو .مشاتلها امها في الليل
تلقها تنظم في زهازها :اه كملت لميت دبشك
و نظمتو.هي:شنو امي ياخي تستنا فيا وقتاه
باش نمشي ياخي مقلقتك انت و لحاج و ماكمش
تاخذو في راحتكم . هزت امها الشلاكة و
رمتها عليها :يا قليلة لحيا شنو هالكلام .هي
تضحك : ههههه عادي امي قول بركا ما
تحشمش راني كي بنتك محسوب .امها قامت
وجات خارجة : اللهم صبرني على ما ابتليتني
هي : امي ...💥💥💥💥💥💥💥💥💥💥💥💥
أنت تقرأ
كرونيك زوجتي ( تونسية) حلمي&شيماء. The Moon
Romantizmممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...