شيماء : ا ا كنت نحكي مع طفلة حبيبتي
علاش انتي ؟
حلمي :لا حبيت نسأل و بره خاتر كثرو
حبيباتك هاليامات موش هكا
شيماء :اي تنجم تقول قلقوك في حاجة
حلمي مشا جبد مريول و سروال من الخزانة و
كي جا داخل للدوش جاوبها
حلمي : ما كانوش يقلقوني مي تو ولو
دخل و خلاها واقفة استغربت شبيه على
اعصابو و بعد مشات للكوجينة عملت
مشكشك و بقت تاكل وحدها .
عند حلمي دخل للدوش و حل الما عليه و في
كل قطرة تهبط يتذكر كلام حذامي و تجي
بين عنيه التصاور اللي شافهم الشك بدا
يدخلو اما ما يحبش يتهور يمكن تطلع حذامي
تتبلا عليها ،خرج بعد ما عمل دوش و هبط
للكوجينة يلقاها تاكل و غاطسة تكا عالباب و
بقا يخزرلها و عقلو يقلو هي خاية قلبو
مصدق الي هي مستحيل تكون ،هزت راسها
على غفلة تلقاه
شيماء :شبيك واقف غادي ايجا كول
حلمي قربلها و نسى حكاية الصباح و محبش
يتذكرها و يفزد اللحظة .
بعد جمعة الامور مستقرة بيناتهم و حلمي
نحا كلام حذامي من مخو ،خرج هو الصباح
يزرب و هي كانت حاسة بوجيعة اما تحملت
ما قالتلوش خملت الدار و بعد طلبت اسلام
حكاتلو عالوجيعة و زادت كلمت اية جات
بحذاها قعدو يحكو
اية :يخي شبيك ما عادش إطل و غبرت ههه
يظهرلي ما عادش باش نراوك جراير البيباي
شيماء : هه اي هاذي عندك فيها الحق هي و
انتي فماش هكا ولا هكا
اية :شنو لهكا ويلا هكا
شيماء :نقصد ماكش ناويا تجبلنا ولي العهد
اية:تي بلاهي قيلني تو تعرفني انا متع صغار
حتى اسامة حكالي عالموضوع مي انا ما
حبيتش
شيماء :ههه خمم والله محلاها الامومة
اية:تو نخمم اما ما نوعدكش نقبل نخاف على
الطفل مني ههه
سمعت الباب يدق مشات حلت اية تلقاه طفل
في عمر حلمي
أنت تقرأ
كرونيك زوجتي ( تونسية) حلمي&شيماء. The Moon
Roman d'amourممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
