شيماء :لا ماكش باش تطلبو هزني للسبيطار
الي يخدم فيه اسلام و كلمو قلو الي احنا
جايين نومروه هانو في تلفوني
اية:باهي باهي اما عاوني بدلتلها دبشها و
ساندتها لين وقفت خرجو حبست تكسي و
عطتو لدريسا بعد مدة وصلو اول ما هبطتها
تلقا اسلام دخلها طول لبيت لعمليات و اية
قاعدة لبرا على اعصابها الفرمليات كل مرة
يدخلو و يخرجو بقات على كرسي و طلبت
اسامة صونا ما هزش عاودت شي ،تحل الباب
و خرج اسلام يمسح في وجهو
اية :ويني لاباس امان طمني
اسلام بغش :كيفاه تحبها تكون لاباس ياخي
شكون المتوحش يعمل هكا في مرا حبلة و
خاصة في وضعها هي، نرمالمون تعرفو
بخطورة لحكاية
اية :وضعها هي ؟ و خطورة ؟ يعيشك تنجم
تفهمني الموضوع
اسلام حكالها كل شي
اية : شنو حوالها تو و البيباي باش يعيش ويلا
لا
اسلام :البيباي لاباس و لد و ما يشكي من شي
اما هي مزالت مرحت الخطر بفضل ربي
قدرنا ننقذونا على شعرة كانت تموت و
المشكلة انوهي ما عادتش تجيب صغار من
جرت الاعتداء و الضرب
اية نزلو دموعها :سامحني نعمل تلفون لراجلها
و عايلتها لازمهم يعرفو و يخبرو لحاكم
اسلام :اسمعني شيماء قبل ما نبنجوها قالت
حد ما نحبو يعرف هي وين ، يعني نفرضو
كان سألوك قول ما نعرفش شي حتى تقوم هي
اية: اي وقتاه تنجم تقوم
اسلام :ما نعرش مي حالتها خطيرة قلبها
توقف مرتين
اية :اوك يعطيك الصحة نجم ندخللها
اسلام تنهد :لا ما تنجمش غدوة نشالله و تو برا
روح و كي تفيق تو نطلبك و نزيد نأكد حد ما
يعرف
اية : باهي تهنا و يعطيك الصحة .
روحت للدار تلقا كل شي عادي و شافت حلمي
قاعد في الصالة معاهم و وجهو مدخن و
ظاهر متغشش ما حبتش تحكي معاه حتى
تفهم الحكاية من شيماء ولت تعدت لبيتها .
في الصباح دخل اسلام اطمن عليها يلقا حالتها
استقرت خرجوها لبيت عادية و كلم اية
جت و دخلتلها و بقات تستنا حتى تفيق و
اسلام بحذاها ،بدات تحل في عينيها و تصكر
و كي تعودت على الضو حلتها
اية قربتلها بلهفة:شيماء عزيزتي لاباس
شيماء خزرت لكرشها بخوف و مسحت
عليها:ولدي ؟
اسلام تبسم :ما تخافش هو لاباس المهم انتي
شنو حاسة روحك
شيماء : نحب نخرج
اية :نعم !!تخرج ياخي فايقة بروحك فاش
تحكي
شيماء :اية نعرف فاش نحكي قتلك نحب
نخرج نحب نهرب نمشي لبعيد
و في الاخر ترشقت بالبكا
اية تحملتها :عيش اختي اهدا و احكيلي شنو
صار شكون عمل فيك هكا و علاش راجلك ما
قلتلوش لا على صغير لا على حالتك
اسلام عطاها كاس ماء و ستنوها حتى هدت
و بدت تحكي
شيماء :ما توقعتهاش منو كان احلى حاجة في
حياتي بعد بويا و امي تعرف شقلي هه قلي
انت خاينة و الطفل هذا موش ولدي ما
فهمتش باش يفكر كيفاش عطاه قلبو يعمل
فيا هكا و في ولدو ياخي لهدرجا انا رخيسة
عندو كنت نجم نخسر حياتي اما وفا كل شي
يزيني تعبت منو و من هالعيشة
اية :شنو باش تعمل توا و اتفكر انا معاك في
كل شيء
شيماء :انت باش تكلمو تقلو يجي
اية :نكلمو !! لباس في مخك بعد ليصار
اسلام :اي الطفلة عندها الحق
شيماء :تي نقص من الكلام و خلوني نكمل
اية :باهي
شيماء :يجي تقلو الي انا مزلت ما فقتش و
الصغير الله لا يقدر مات
اية :شنو و علاه هذا الكل
شيماء :نحبو يعرف الي لي يربطني بيه
معادش موجود و يبعدني
أنت تقرأ
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...