بعد شهر
يخزرلها كيفاه تحكي في التلفون بالشوي و
عاطياتو بالظهر حسها هالمدة متقلقة و
متبدلة مي كل ما يسألها تقلو ما فما شي و
تعديها بضحكة و إلا تسكت حار شنو
حكايتها .
هي كملت حكت في التلفون و دارت تلقاه شاد
الباب و يغزرلها تربثت و توترت
حلمي:شكون الي تحكي معاه
شيماء: اا هاذي هاذي صاحبتي معرفة قديما
حلمي :اي ماو احكي بالقوي علاه كايني
قاعدة تسرق في حاجة
حطت تلفون على الطاولة و مشات تتطوي في
الحوايج و تحكي معاه
شيماء :عادي و انت هاك جيت بكري ياخي
ماك قتلي باش نجي مخر
حلمي دخل و قعد فوق الفرش : كملت بكري
بالزهر و انتي ياخي ما تحبنيش نروح ويلا
شنو ؟
شيماء تبسمت :لا اكيد يا روحي .وقفتو و
بدات تنحيلو في الشومير و الكرافات بعد ما
كملت وقفت على طراتش سقيها و باستو من
شفايفو و جات باش تبعد يخي هو لزها و
حط ايديه على حزامها
حلمي:هي كمل شبيك حبست
شيماء: شنو باش نكمل يا روحي خليني نمشي
نحط لعشا راك جيعان
حلمي: ههه يا بنتي لعشا مهوش هارب و انتي
تضيع عليا في الوقت خلينا في المهم
شيماء: كان ترا ليوم شصار
حلمي :اللهم طولك يا روح هاش صار تكلم
فيسع ما لقيت وقتاه تتذكر المواضيع كان تو
شيماء:اليوم
حلمي:هي شبيه اليوم
شيماء دزت ايديه و بقت تنڨز :الترجي الترجي
و مولدية الجزائر تعادلو و الزوز ترشحو و
الزبالك خرجت وررررررري
حلمي يعيط :يا شيماء فاش تعمل اهي راك
حبلا اهدا
كا عبرتوش ما مكلا و حلمي مسكين بقا باهت
ما لقا شيعمل بعد ما كملت شطحت و بطحت
تلفتتلو :شبيك ماكش فرحان
حلمي حط ايدو على جبينها :ياخي السخانة
هاي ما عندك
شيماء:اي ما عنديش علاش انتي
حلمي:غريبة ڨول عليا ماخذ صاحبي موش
طفلة
شيماء:نعععم انا صاحبك ؟معناها انا شيماء و
ما ادراك تقارني بصاحبك والله
صدمتي .بدات تحكي ما حبتش تسكت بدا
يقرب بشوي حتى وقف قدامها
حلمي :تو الحاجة الي تعجبك في الدار
شيماء ببهامة :انتي يا روحي
حلمي:استغفر الله نقصد بلاصة بلاصة تعجبك
في الدار
شيماء:ا ا كل شي يعجبني في الدار اما احسن
بلاصة هي بيت البانو مزينها
حلمي:ايا مالا نتكلو على ربي
شيماء:وين ؟
حلمي طبس هزها في حملتو و ماشي لبيت
لبانو :هذا موضوع يطول شرحو
Stp
******************************😂😅
(رمضانكم مبروك ❤❤)
أنت تقرأ
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...