كرونيك زوجتي ( تونسية) حلمي&شيماء. The Moon

الجزء 44

شيماء: اسر لم فمك و اسكت خيرلك
حلمي: تكلم على روحك حد ما يحكم فيك ولدي راك
شيماء: انت شنو دخلك
حلمي: دخلني هذاكا ولدي
شيماء: لا مهوش ولدك هذاكا ولدي انا وحدي
حلمي: ولدك وحدك !! ههه من الحيط جا ويلا فزيت الصباح تلقى روحك حبلى واو
شيماء: والله لا تحشم ماو لكلو منك انت السبب في هالكارثة
اسر: يعني انا كارثة انا !! هك يا شيماء و الله طحت من عيني وجعتلي قلبي بكلامك
شيماء: اسر عينك الي تحكي بيها باش نجبدها من كثر الغزول
اسر: معقول تعمل هكا في ولدك نوارة عينك و تدخل للحبس 20 سنا و تخرج تلقى راجلك هالميزيان معرس بڨاوريا و عندو 6 صغار و مرتو تعذب فيا انا ولدك و....
شيماء: اسكت اسكت الله تلطف بيا عين ولدي كي عين اية زوز حرف ربي تستر
حلمي: اللطف عليك يا روحي فيا و لا فيك
شيماء: اكيد فيك مالا فيا تسخايل باش تعرس و تجيب صغار نجبدلك عينك
اسر: الله الله يا معلم هاي طلعت تغير عليك
حلمي: شدخلك انت نعرس ويلا نقعد تقليش غايرة
شيماء: راجلي شنو شدخلك
حلمي: راجلك !! كيفاه جت هاذي تو 6 سنين و نص و انا معرس اما مرتي مهيش معايا و تو جايا تعملي راجلي ههه ملا احوال
شيماء: علاش ما عرستش ويلا شفت غيري عادي تعرس بزوز نساء راو
حلمي: الله غالب مناش في مصر وكانش رام 4 فوق قلبك
شيماء: 4 على ڨبك
حلمي: مغيارة
شيماء:ممممم شقولك انا كان نعرس ويلا يكون عندي شكون في حياتي تو
اسر:ههه تكذب عليك عندها كان الناموس و لڨطاطس الي فلڨتلي بيهم ڨلبي و كل راجل يحكي معاها تجبد عليه سكين و في معرسة و براجلي و راجلي كان يسمع يڨتلك و بلا بلا بلا
حلمي:هههههههه
شيماء: نعلة الله عليك ما فهمتش شنو عاملة في حياتي باش ربي يبليني بيك
اسر: اكيد عاملة لباهي في حياتك
حلمي: انت نهار عرست بيا وليت متاعي انا وحدي كهو يعني غيري تنسا و جرب اجبد اسم كلب على فمك الا ما نقصلك لسانك
شيماء:اي اي اي شبيك بابا ماو لاباس شنو هاذي تقصلي لساني لربما لبلاد على قرن ذراعك
حلمي: شيماء انت جربت غشي مرة ننصحك ما تعاودهاش
شيماء: ههه ايي نتذكر و مليح زاد
حلمي: باهي هيا تو موش وقتو لكلام هذا
شيماء:وين باش نمشي معاك
حلمي: لدارنا و مغير ما تقول لا، خاطر كان ترفض تو تنجم تندم من بعد و انا وقتها معندي شنو نعملك خمم في اسر و انا برسمي منيش مستعد باش نخسرو
شيماء: نحب نروح تو لداري و كان فما حاجة تو نكلمك
حلمي: نعطيك نومرويا مالا
شيماء: لا خلي عليك نومروك مزال عندي ، هيا تو باي .جت ماشيا
حلمي:ستنا شبيك ماشيا وحدك
شيماء: شكون ماشي معايا
حلمي: ولدك فيسع ما نسيتو تقليش هذا لكل خاطرك شفتني انا
شيماء: هيهيهي ياسر ظامر ،و اسر ماو باش يبقى و هو حب هك
اسر: يا بنتي جدت عليك مزالشي
شيماء: باهي امشي قدامي .
روحت للدار ليلة كاملة و هي تخمم رقدت بالسيف و الصباح بكري جاها تلفون
شيماء: اية !! ربي تستر على الصباح
شيماء: الو
اية: صباح الفل
شيماء: شفما لاباس
اية: صار الا ما تصير حاجة باش نطلبك ههه
شيماء تنهدت: تفيه يا خرية و الله فجعتني تو فما عباد تطلب في هالوقت
اية: اي فما انا
شيماء: اية رد بالط تطلبني مرة اخرى
اية:هههه مالا خليني نبشرك انا هاني قدام لباب حل
شيماء: بجدك تحكي انت تو اكيد تفدلك
اية: منيش نفدلك امشي
شيماء: باهي هاني جاية علق
علقت عليها و هبطت شيماء دخلتها و قعدو في بيت النوم
شيماء: علاه بنيت عمي داهمة على الصباح
اية: شي فديت قلت لاسامة يوصلني بحذاك
شيماء: ممم جدت عليا هاذي
اية: باهي شنو قررت و شنو الفاليزات هاذم ياخي ماشيا ؟؟
شيماء: اي ماشيا و لازمني ما عنديش حتى حل
اية : و اسر باش تخليه
شيماء: وين باش نخليه ياخي شبيك هالصباح
انا باش نرجع نعيش مع حلمي
اية:ااااا صار هيا مبروك
شيماء: يبارك فيك برا عاد اجري خبرو راو يستنى
اية تتبهنس :شكون زادا؟
شيماء: حلمي الي بعثك
اية: اللطف ياخي شنو تقرب لجنات لعرافة
شيماء: توؤم روحي و تو قوم لم معايا و كلمو قلو يجي اما وين باش نسكن ؟؟
اية: ما تخافش على السكنة لحظة نكلمو و نقلو يجي .
شيماء: اوك
تو تعدات جمعة ملي نقلت و رجعت تسكن هيا و حلمي مع بعضهم في دار جديدة اما كل واحد في بيت وحدو. الدار مزيانة عجبتها برشا قريبة للبحر و تصميم عصري

نهار الاحد خرج من بيتو و دخل للكوجينة جبد دبوزة ما باردة و بعد تعدا لبيت اسر طل عليه يلقاه مزال راقد سكر و جا راجع لبيتو اما حب يشوفها مشالها يلقاها كيف كيف مزالت راقدة قعد بجنبها و يمسح على شعرها
حلمي: ههه حتى في النوم يشبهلك .قرب باسها من راسها و بعد من عينها خدودها وبعد
:

توحشتك توحشتك كي بعدت حسيت بنار في قلبي و ما لقيت ما نعمل حبيتك برشا و مزلت و باش نبقا يا حبيبي نوعدك نعمل لي نقدر عليه باش نخليك فرحانة انا نحبك يا روحي
قام من جنبها و هز الدبوزة و رجع لبيتو .
و هي بعد ما خرج حلت عينيها و تبسمت و تحملت المخدة
شيماء: و انا توحشتك برشا يا هامل اما ما فهمتش علاه فسدتها و ما كملتش بستني من فمي يعني ما كنتش باش تخسر حتى شي ففف زاد ازيان الصخطة شنو نعمل انا تو ظاهرلي بالرسمي باش نعملو نيقاب
صونا التلفون هزت
شيماء: اهلا بالناس الهمال
امينة: هاملة وحدك يا مرت خويا
شيماء: بلاهي يا اخت راجلي الهامل
امينة: هههه لكلنا هاملين حتى خويا
شيماء: هههه باهي شبيك ما جيتنيش
اميمة: تعاركت انا و سيف
يماء: علاه اما حاستك انت الغالطة
اميمة: بلاهي اسكتي تو الراجل انا نقلو دوش و هو عيط عليا
شيماء: اه يدوش ؟؟
اميمة: اي ريحتو ناتنة و الماكلة اعظم منها و زيد عندي مدة مريضة و نرد نرمالمون يفهم حالتي
شيماء:بري عدي غدوة انا متأكدة انت حبلة
اميمة:شنهي
شيماء:شنهي لي شنهي غدوة بري عدي و تو بري رضي راجلك و انا خليني نفز جيعانة باي .
هبطت للكوجينة عملت لفطور و فززت اسر قعدو ياكلو
اسر: ممم الفطور بنين و الله مت بالجوع
شيماء: كول بالشوي هذاكا لكل من السهران البرا و ما تاكلش قاعد تلعب مع اكا الكازي اسر:حرام عليك الساعة هو ما خلى ما شرالي من ماكلة اما هو الي ما كلاش و حتى كي روحنا لبلرح ما كلا شي
شيماء: برسمي تحكي
اسر: و االه كيف ما قتلك
شيماء: فز فز برا عيطلو
اسر: تعديتلو تو قلي ما عينيش ظاهرلي مريض
شيماء : كيفاش !! و شبيك ما قتليش يا اسر زح
مشات تزرب لبيتو تلقاه راقد و وجهو احمر مستلو راسو تلقا عندو السخانة
شيماء: حلمي حلمي
حلمي حل عينيه : نعم
شيماء: قوم خليني نهزك للطبيب
حلمي: طبيب علاش ؟
شيماء: ماكش تشوف في حالتك
حلمي: يمكن خذيت هوا كهو
شيماء: باهي فز اعمل دوش بالما البارد تنقص من السخانة شوي
حلمي: لا ما نحبش خلي بعد تو نحب نرقد
بقات تحاول فيه و هو رجع رقد مشات طيبتلو شربة سخونة و كاس تيزانة و حرابش عطتهلو كلا الشربة و شرب كاس التيزانة اما لحرابش محبش طاحتلو شوي السخانة ،و هي شدت جنبو نهار كامل .
مع نص الليل عاودت طلعتلو السخانة و هي تفجعت .
******************************