تو تعداو 5 ايام و بوها ما يحكيش معها و امها
قالتلها ما نرضاش عليك كان ما تقبلش و هي
كل ليلا تبكي للصباح خاطر والديها كبار في
العمر و هي الي تعاون فيهم اما كهو قرت
باش تقبل و تاخذ برايهم ..خرجت من
الكوجينة و مشات لاما الي قاعدة في الصالة
و بدات تحكي :امي انا هاني باش ناخذ
بخاطركم و نشوف الراجل و اذا كان تفاهمنا
تو نقبل .خزتلها امها و بدات تزغرت و الفرحة
باش تخرج من عنيها و بدات تحمل و
تبوس ،شيماء مسكينة بقات باهتا و بعد ولت
تسكت في امها الي كلت دنيا بالزغريت :امي
يا ناري شبيك اش صارلك ياخي ريتني
سياي عرست راو مزال مصار شي يمكن ما
نقبلش و انت ياخي مصدقت سمعت .امها
وقفت و جات خارجة و تحكي : تي اسكتي
انتي تعرفي خير مني تو تشوفي إلا ما تقبلي
و هاو وجهي ايا خليني نمشي تو نجيب شوي
حلو و قضيات من الحنوت و انت بري ارتاحي
و تلهي بروحك شوي و انت وجهك ولا كي
جارنا عزدين .و خرجت خلات بنتها فمها
محلول .
جا بوها في الليل و فرح كي سمع الي هيا
قبلت تشوف الطفل و كيف ما يقولو رجعت
المياه لمجاريها ،تعداو الايمات فيسع و هي
خايفة و متوترة و معينهاش باش تشوفو و
حاطا في بالها الي يا كبير في العمر يا معيوب
،و جا النهار الموعود و طاح الليل و دار سي
فريد منظمة و روايح الماكلة تشمها من راس
النهج ،مشت خولة لبيت بنتها باش تشوف
دخلت تلقاها قاعدة فوق الفرش و تطوي في
الدبش
خولة :يا نارك يا خولة اش باش يقولو عليك
الناس يا فضيحتي لعباد عدك بيهم دخلو و
بنتي الي بلاني بيها ربي باركة و شعرها كي
الحكاكة .تلفتت ليها شيماء:شبيك امي
اعصابك لا تتحرق عادي ماو باش يشوفني
علا طبيعتي انا نحبو يشوفني سامبل .امها :
نعم أحنانة فزي فزي البسي و امشطي شعرك
الي واقف في السما و اعملي شوي كحل في
عينيك و شوي حمير في كشختك خير ما نرد
عليك نجنك و وقتها خليه يشوفك سامبل اما
في السبيطار .شيماء تضحك : ههه باهي امي
أهدا برك خير ما تطلعلك طنسيون راك
لكسيبة و هاني باش نعمل اش قلت اسكت
بركا .قامت لبست روب في الابيض مزينة
بالورد و مشطت شعرها و ضفراتو و غسلت
وجها و كحلت و عملت حومير روز في فمها
و قعدت تستنا و في اللحظة هاذي تسمع كان
في الباب يدق و خرجت امها و مع بوها و
دخلوهم لصالة هذا لكل و هي في بيتها
خايفة و تتخيل فية شيوبا و اوب دخلت
عليها امها : هيا عيش بنتي الجماعة وصلو
من بكري و يستناو فيك .
هي :يستناو فيا علاه برا انتي تلها بيهم و
خليهم يتعشو و يقلبو خلايقهم .
امها : فز تحرك راك باش تجلطني تحرك
قدامي .خرجتها و دخلو للكجينة و خطتلها
الصنية متع الشروبو في ايديها و
قالتلها:شوف نحبك كي تبقا مع الراجل تكحي
معاه بحترام و طولة اللسان لا و كي يسهلوك
جاوبي ما تبقيش ساكتة .
هي :شو امي ثبتلي روحك نسكت ويلا نتكلم
اهاه راك تشوشلي في مخي اوك . ضربتها
امها علا راسها و دزتها باش تخرج :تحرك
تحرك اللهم اني لا اطلب رد القضاء بل اطلب
اللطف فيها . خرجو و دخلو للصالة و هي
عينها ما هزتهاش و ضيفتهم و ما رت في
وجه حد و امو بدات تشكر و تمجد اما هي
مشات بقت بحذا بوها و بداو يسئلو و هي
تجاوب ياخي قلتلها امو :شبيك بنتي حاشمة
هز راسك عاد خنشفوك .هي كانت حاشمة و
حالتها حليلا زادت كملت عليها امو ولت
تحكي في قلبها :يا ربي حققلي امنيتي و
خلي الارض تنشق و تبلعني .و هزت في
لحظة هاسوري ي راسها و تصدمت كي شافت ....
Stop
💥💥💥💥💥💥💥💥💥💥💥💥
أنت تقرأ
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
