عمرو: نعم ياختي مش فاكره ايه ليه ان شاء الله يعني ايه مش عارفه انتي مين احنا هنغني
اسلام: استني بس يا عمرو نفهم منها عشان انا شاكك في حاجه كدا
عمرو : شاكك في ايه يابو العريف بقولك ايه اسكت انت كدا شويه بقي انا عارف الاشكال دي كويس ( بص لزينه) انتي هتنطقي يابت انتي ولا والنعمه هتشوفي مني وش محدش شافه قبل كدا
زينه بتعب: طب انتو مين انتو تعرفو اسمي انا فين ايه الي جابني هنا قولولي يمكن افتكر اي حاجه
اسلام: انتي مش فاكره حاجه خالص حتي اسمك؟!
زينه حطت أيدها علي رأسها وبدات تعيط: والله ما فاكره انا مش عارفه انا مين طب انتو حد فيكو يقربلي
كنزي: لا محدش هنا يقربلك ومنعرفش حتي ايه الي حصل انتي كتي بتنزفي وعمرو جابك وابيه اسلام دكتور وهو الي صحاكي
اسلام بسخريه: اه ابيه اه انا ابيه اسلام الخمسيني
ناريمان: طب يا عمرو هي مكنش معاها بطاقه ولا حاجه
عمرو: ايوه صح ازاي مفكرتش في كدا وسعي كدا يا كنزي
زينه: بقولك ايه يا جدع انت ابعد عني انا هشوف لو معايا حاجه لوحدي
سيف: اله منتي زي الفل اهو اومال ايه دور العيانه الي عملاه من الصبح دا
زينه بصتله بقرف وبدات تدور في جيوبها ولقت كارنيه وعمرو خطفه منها
عمرو: زينه السيد علي طالبه بكليه طب اسنان الفرقه التالته اممم دانتي طلعتي دكتوره بقي
زينه: انا دكتوره طب ازاي انا مش فاكره حاجه خالص
اسلام: جماعه احنا لازم نوديها مستشفي تشوف متخصص نفسي وكمان دكتور مخ واعصاب عشان نعرف دا سببه عضوي ولا نفسي
عمرو: نفسي وعضوي مين يا دكتور هي كانت بنت اختي انا عملت الي عليا كويس اوي واديها بقت زي القرده اهي هي تصرف نفسها بقي وتشوف هتروح فين تفتكر متفتكرش دي حاجه ترجعلها هي
اسلام بضيق: يا عمرو الي بتقوله دا مينفعش وخلاص هي بقت مسؤوليه نرجعها لأهلها
عمرو: بقولك ايه عجباك اوي خدها انت اعد دور علي أهلها انا مش فاضي للهبل دا انا عندي شغل ( بص لزينه) بصي يا انسه انا كدا عداني العيب اوي يعني ولا حاسبتك علي الفلوس الي دفعتها عشان اخلص من مصيبتك ولا سالتك علي حاجه ومستضيفك في بيتي ومعالجك كمان ببلاش فا انتي يلا زي الشاطره كدا قومي وسيف هيوصلك لاقرب قسم وانا كدا ابقي جدع معاكي للاخر
ناريمان بحزم: طبعا ولا اكني سمعت حاجه من الكلام دا زينه هتفضل هنا لحد ما نلاقي أهلها
عمرو: زينه مين
ناريمان: متستعبطش منت لسه قاري اسمها حالا
عمرو بضيق: لا مهي مش من بقيت عيلتي عشان افتكر اسمها تعد فين يا ماما انتي بتهزري
ناريمان: لا مبهزرش واسلام عنده حق ( بصت لزينه وابتسمت) قومي يا بنتي معايا اوصلك لحد الحمام تغسلي وشك من الدم دا علي ما اجبلك هدوم من كنزي بنتي
زينه بتعب: حاضر انا مش عارفه اشكر حضرتك ازاي بس انا مش عاوزه اتعب حد معايا اكتر من كدا وزي ما قال الأستاذ هو كدا عداه العيب فعلا انا هسمع كلام حضرتك وهاخد الهدوم بس همشي وان شاء الله ربنا مش هيسيبني
أنت تقرأ
حظي العسر
Romanceهي فتاه جميله فاقده للهويه وهو شخص قوي يمتلك مستقبل غامض لا يعلم له ملامح كيف تنقذه من مستقبل مجهول وكيف يلتقيان كيف يعود بها الي عالمها
