حظي العسر

part 5

#حظي_العسر
Part 5
زينه: اوف بقي انا جعانه اوي والراجل المجنون دا واقف زي الحيطه في المطبخ ومفيش حد هنا هم جايبني هنا يموتوني بقي ولا ايه
وسمعت الباب بيخبط وراحت تفتح واتصدمت
ياسر : ايه يا مزه مالك مصدومه كدا ليه
زينه بخوف: انت مين انت كمان
ياسر: انا ياسر تقدري تقوليلي ياسو بس قوليلي جمالك دا ولا جمال عبد الناصر
زينه: جمال عبد الناصر مين
ياسر: اه لا دي طلعت رايحه منك بجد دا واحد متعرفهوش المهم انا سيف حكالي علي الي حصلك سيبك من عمرو مش هيساعدك ومش هتخش عليه النصبايه دي او حتي لو بجد فكك منه وتعالي معايا والله بصي هعيشك عيشه فللللل
زينه برعب: والله انا مش نصابه ومش عاوزه اروح في حته ممكن تمشي من هنا عشان عاوزه انام
ياسر زقها ودخل الأوضه وقفل الباب: يابنتي اسمعي الكلام انا الي هنفعك هنا

زينه كانت مرعوبه ومش عارفه تتصرف ازاي وياسر عمال يبصلها نظرات خبيثه

زينه: بقولك ايه ابعد عني واطلع بره بدال م والله اصوت والم عليك الناس
ياسر باستفزاز: ناس مين هو احنا في الشارع وبعدين الي برا دول صحابي احنا ستر وغطا علي بعض فكري يا حلوه واختاري مصلحتك ومصلحتك معايا انا
وخرج بره الأوضه
زينه فضلت تعيط وضمت ركبها لصدرها وحوطتها باديها عشان تحسس نفسها بالأمان: انا عملت ايه بس ياربي للغلب دا كله انا اكيد عملت حاجه وحشه في دنيتي عشان يحصلي كل دا اكيد

عمرو: ايه يابني كل دا بتشرب
ياسر: لا منا دخلت الحمام بعدها
عمرو: اه مهو بيت امك اصله اترزع هنا يا ياسر خلينا نشوف الي ورانا
سيف: بص يا عمرو الشحنه المرادي مليانه والغلطه بفوره انا مش مطمن
عمرو: حازم الناس في المطار كلهم تبعي وباشاره مني كلهم يروحو في داهيه انت قلبك بقي رهيف كدا ليه
سيف: عشان انت حاطط ايدك في المايه البارده الشحنه باسمي يا استاذ ولو اتمسكت اما هقضي الباقي من عمري في السجن ياما في الترب
ياسر: يبني متبقاش جبان بقي انا مظبط الخواجه كويس وهو عارف شغله هي أول شحنه يعني
سيف: لا مش اول شحنه بس كبيره اوي المرادي كل مره بيكون شويه الماظ حتتين اثار اي حاجه وخلاص لكن المرادي انا مش مطمن
عمرو: بص يا سيف احنا يا بابا ملناش دعوة الي جوا سلاح مخدرات الماظ جن بلا ازرق احنا زي شركه الشحن كدا او زي ليه مهي شركتي فعلا استيراد وتصدير بنخبي الشحنه مع البضاعه الي جايه للشركه ونوصلها لصحابها وناخد عمولتنا وخلصت
سيف: وعليك دا بايه شغلك في الشركه بيجبلك اكتر من كدا اكيد
عمرو: بص انا مليش في جو الروتين وبعدين لا طبعا دائما الممنوع فلوسه كتير ودي مافيا يابا مش شويه هواه يعني بيدفعو كويس اوي وهم السبب في نفوذي دا كله في لندن ومعارفي من الاخر سند اتسند عليه
ياسر: بس يا عمرو انت غير ابوك خالص ابوك طول عمره جمب الحيط
عمرو: ابويا عنده بيت وعيله يخاف عليهم لازم يمشي جمب الحيط اما انا معنديش حاجه اخاف عليها
سيف: عندك عمرك!!
عمرو: انت هتديني محاضره ياض
سيف: لا محاضره ولا يحزنون انا ماشي قبل م امك تيجي حاكم هي تطيق العما ولا تطقنيش
ياسر: خدني معاك ياعم سيف