#حظي_العسر
Part15
في المستشفى
عمرو وزينه وكنزي وناريمان واقفين قصاد اوضه العمليات وعمرو شاف الدكتور خارج جري عليه
عمرو بلهفه: خير يا دكتور طمني
الدكتور: اطمن يا استاذ عمرو الحمدلله ربنا سترها هو بس عنده شويه كسور وفقد الوعي من الخبطه في الدريكسيون وستر ربنا ان صاحب العربيه التانيه نزل يطمن عليه وجابه المستشفي بسرعه قبل ما يفقد دم كتير
عمرو: طب انا ممكن اشوفه
الدكتور: اكيد هو دلوقت هيتنقل اوضه عاديه وتقدرو تشوفوه
عمرو: متشكر يا دكتور ونزل تحت في الاستقبال لقي الراجل الي ودي اسلام المستشفي
حسام: ايه يا بيه خير هو كويس
عمرو بابتسامه: اطمن لولاك بعد ربنا سبحانه وتعالي كانت حالته بقت وحشه انا مش عارف اشكرك ازاي بس
حسام: ربنا يخليك يا باشا ربنا يطمنكو عليه بالاذن انا بقي
عمرو طلع مبلغ من جيبه: طب ممكن تقبل دول مني
حسام: لالا والله ابدا انت كدا بتشتمني
عمرو: لا والله ابدا لازم تاخدهم ودا كمان الكارت بتاعي لو عوزت اي حاجه ابقي كلمني
حسام: متشكر اوي يا بيه ربنا يخليك يارب وخد منه الفلوس والكارت ومشي
وعمرو طلع لاسلام الاوضه
عمرو: ايه يا سولم كدا تخضنا عليك
كانت كنزي اعده جمب اسلام بتعيط وماسكه ايده: حمدلله علي سلامتك يا ابيه انت مش متخيل احنا كنا خايفين علي حضرتك ازاي
ناريمان وهي بتغمز لاسلام: لا يا خويا محدش كان خايف عليك اد البت كنزي كانت مموته نفسها عياط
اسلام بحزن: ليه يا كنزي تفولي عليا بس انا كويس اهو
كنزي بخجل: انا كت قلقانه عليك يا ابيه حضرتك اخويا الكبير
عمرو ضربها علي راسها: ليه بقي يا اختي وانا كرنبه ولا ايه منا اخوكي الكبير
كنزي مسحت دموعها وبصت لاسلام: ايوه بس ابيه اسلام حاجه تانيه خالص
اسلام بصلها وحس انه كويس لا عمره مكان كويس زي دلوقت وفجاه تليفونها رن ووشها اتوتر فا فهم انه سيف سحب ايده من ايدها وبص الناحيه التانيه وقالها: قومي يا كنزي ردي بره عشان الصوت انا مش عاوز ازعاج
زينه: الف حمدالله على سلامتك يا دكتور اسلام
اسلام: الله يسلمك يا دكتوره
عمرو: جرا ايه يا دكتره منك ليها انا خريج هندسه علي فكره ومحدش بيقولي يا بشمهندس
اسلام: عمرو بما اني تعبان ممكن اطلب منك طلب وتنفذه
عمرو بسخريه: ايوه استغلالي يعني
اسلام: حاجه زي كدا
عمرو: اتفضل ارغي
اسلام: عاوزك تنقل ملف زينه القاهره وتخليها تبدأ مذاكره كفايه لحد اوي الي ضاع منها الكام شهر الي فاتو دول انت كدا بضيع مستقبلها عشان لما تلاقي أهلها يدعولك ميدعوش عليك
عمرو ضرب كف علي كف: انت تعبان انت دانت راديو ايه يا بني كل دا طيب يا خويا يا حنين بكره هروح أسأل كدا علي الإجراءات
ناريمان بضحك: اجراءات ايه انت رايح تجيب عربيه من الجمرك انت هتروح تسحب ورقها من كليه تحطه في كليه وخلصت يعني
عمرو بص لزينه: انا معتش بتبهدل في البيت دا غير بسببك
زينه بخجل: انا اسفه
عمرو بصلها كانت مرتبكه وخدوها محمره وبتفرك في أيدها
أنت تقرأ
حظي العسر
Romanceهي فتاه جميله فاقده للهويه وهو شخص قوي يمتلك مستقبل غامض لا يعلم له ملامح كيف تنقذه من مستقبل مجهول وكيف يلتقيان كيف يعود بها الي عالمها
