#حظي_العسر
Part7
عمرو وصل المنطقه الي كانت ساكنه فيها زينه وبدا يسأل علي بيتها
صاحب البيت: بدور علي مين يا استاذ
عمرو: الاستاذ سيد مصطفي والد الانسه زينه
راضي: اه يا استاذ هو كان ساكن هنا فعلا بس عزلو
عمرو: عزلو ازاي طب امتي
راضي: يجيلهم خمس ايام كدا ولا حاجه
عمرو: طب متعرفش راحو فين
راضي: لا معرفش يا بيه والله بس اسال خطيب بنتهم هيقولك
عمرو بدهشه: خطيب بينتهم هم ليهم بنات غير انسه زينه
راضي: لا يا بيه ملهمش هو عدي دا خطيب بنتهم هتلاقيه علي القهوه الي في اخر الشارع قول عدي بس هيدلوك عليه
عمرو: ماشي متشكر لحضرتك ودا الكارت بتاعي لو في اي وقت عرفت عنهم حاجه ياريت تكلمني
عمرو وصل القهوه وسال علي عدي
عمرو: حضرتك الاستاذ عدي خطيب انسه زينه
عدي برعب وبلع ريقه: احم ايوه يا باشا كنت خطيبها لكن دلوقت حد الله بيني وبينها
عمرو: يعني انت متعرفش اهلها فين دلوقت
عدي: لا ياباشا البت دي مكنش مشيها مظبوط فانا رميتلهم الدبله بعد ما بنتهم طفشت حتي هم اتكسفو علي دمهم من سيرتهم في الحته وعزلو
عمرو: طفشت دا الكلام دا امتي
عدي خاف يقوله الحقيقه لانه فاكره ظابط : يعني يجيلها شهر كدا
عمرو بضيق: طب لو عرفتلهم عنوان اتصل بيا الكارت بتاعي اهو
عدي: اوامرك يباشا
في الفيلا
عمرو بزعيق: يعني ايه يا ماما هتفضل قاعده معانا بقولك خطيبها فسخ الخطوبه ورمي دبلتها لاهلها والهانم كانت هربانه من بيت اهلها والله اعلم كانت فين كل دا افرضي كانت بتعمل مصيبه خطيبها نفسه قال ان مشيها مش حلو يعني شوفي كانت فين هتقعدي واحده زي دي معانا في البيت مع كنزي
ناريمان: يا عمرو البت مش فاكره حاجه ومتعرفش حاجه عن الدنيا دلوقت ولنفرض ان الواد دا صادق هي دلوقت مش زي زمان لأنها مش فاكره لو رميناها كدا ونزلت الشارع لوحدها وهي ملهاش حد ولا تعرف حد احنا الي هناخد ذنبها هنكون رجعناها لاي حاجه وحشه تاني حتي لو كلام خطيبها دا صح ولو اني اشك يعني فهي دلوقت انسانه تانيه غير الي كانتها زمان لسه زي الطفل بتكون ذكريات جديده وشخصيه جديده وجايز لو كانت وحشه ف عشان كانت وسط ناس وحشين انما هي دلوقت وسطنا
عمرو: الظاهر ان دي مشكله في اسم زينه كلهم طبعهم زفت
ناريمان بغضب: احترم نفسك بقي يا عمرو وبطل تجيب سيره زينه بالشكل دا
عمرو بسخريه: قصدك انهي واحده فيهم زينه واحد ولا اتنين اصل الاتنين بتدافعي عنهم والاتنين هربو من بيت اهلهم والاتنين زفت
ناريمان بصتله بقرف وطلعت فوق لزينه
زينه كانت بتعيط وناريمان دخلتلها وطبطبت عليها وخدتها في حضنها: طب انتي بتعيطي ليه دلوقت انتي مش عاجبك يعني قعدتك معايا
زينه بعياط: انتو متعرفونيش مش عيلتي وعيلتي الحقيقه سابت بيتهم وبطلو يدورو علي بنتهم طب ليه انا حتي مش فاكره إذا كت اذيتهم في حاجه عشان يعملو فيا كدا ولالا
ناريمان: بصي يا بنتي محدش يعرف الحقيقه فين وصدقيني اي حاجه ربنا كاتبهالك فهي خير ومين قالك انهم مش بيدوروا عليكي الله اعلم بظروفهم ايه وعشان كدا مشيو ارمي حمولك علي ربنا يبنتي وصلي كدا وهو هيدلك عالصح
زينه: انا بحب حضرتك اوي بجد ربنا يخليكي يارب
ناريمان: انتي زي بنتي يا زينه وكمان علي اسمها وفيكي منها هي كمان كانت هاديه وكلامها قليل ودموعها قريبه زيك عشان كدا دخلتي قلبي من اول ما شوفتك
زينه باستغراب: طب وهي بنت حضرتك فين انا معرفش الا كنزي
ناريمان بحزن: الله يرحمها ادعيلها يابنتي هي محتاجه الدعي
زينه باسف: انا اسفه مكتش اعرف الله يرحمها يارب
ناريمان: اسيبك انا بقي ترتاحي
زينه: طب ممكن اطلب من حضرتك طلب
ناريمان: اطلبي الي عوزاه يا حبيبتي
عند عمرو في الشركه
سيف: الحمد لله ياباشا الشغل مشي زي الفل والشحنه كلها اتسلمت علي خير
عمرو بثقه: سيف انا مكتش خايف ولو بنسبه بسيطه انا عارف انا بعمل ايه كويس
سيف: طب انا عاوز اطلب منك طلب
عمرو: خير شوف عاوز ايه وانا معاك في اي فلوس
سيف: لا انا مش عاوز فلوس انا عاوز اتجوز اختك
عمرو:..........
#يتبع
حبيبه وليد
**************************************************
تفتكرو زينه هتطلب ايه من ناريمان هانم وتفتكرو رد فعل عمرو هيكون ايه علي طلب سيف تفاعل جامد بقي وانزل الجزء الجديد بسرعه ❤️❤️❤️🌸
أنت تقرأ
حظي العسر
Romanceهي فتاه جميله فاقده للهويه وهو شخص قوي يمتلك مستقبل غامض لا يعلم له ملامح كيف تنقذه من مستقبل مجهول وكيف يلتقيان كيف يعود بها الي عالمها
