حظي العسر

part 14

#حظي_العسر
Part 14

في اوضه المكتب
عمرو: انت عارف ايه بالظبط يا اسلام
اسلام: عارف ايه عن ايه بالظبط
عمرو: اصل مش هتيجي تطلب مني طلب زي دا كدا صدفه يعني او من غير سبب
اسلام بيحاول يتماسك عشان عمرو ميشكش فيه: انا معرفش حاجه انا بس خايف علي كنزي يا عمرو وانت وهي واحد انت عارف اد ايه هي ساذجه وممكن يضحك عليها بسهوله وانت ادري واحد بسيف اكيد مش هيعدي الي حصل علي خير
عمرو بتفكير: عندك حق برضو بس كنزي ممكن تزعل
اسلام: يا عمرو كنزي اختك وفلوسها فلوسك ابقي قولها انك عوزتها في الشغل بس بعد ما تحول الفلوس علي البنك وسبلها ياعم شويه فلوس في حسابها وخلاص
عمرو: مش عارف يا اسلام مش مقنعه اصل انا دون عن كل حاجه هاخد فلوسها للشغل دي معاها كام مليون عمي يعني
اسلام: عمي بالنسبالك يا عمرو بالنسبه لثروتك لكن هم كتير وكتير كمان
عمرو بسخرية: ااااه دانت جاي تقر عليا بقي
اسلام بجدية: عمرو انا مش بهزر دلوقت انا حقيقي خايف عليها من سيف يضحك عليها
عمرو بشر: عارف يا اسلام انا لو عرفت ان بينها وبين سيف دا حاجه انا هقتلها
اسلام بلع ريقه بتوتر: ليه يعني يا عمرو ما يمكن بيحبو بعض عادي
عمرو بعضب: وانا قولت لا يعني لا انا الي عارف مصلحتها فين يمكن انا عملت حاجات كتير وحشه في حياتي يا اسلام مش حاجات وحشه لا مصايب يمكن مبركعهاش انا عارف اني وحش بس صدقني سيف اوحش مني بكتير انا عمري ما كان ليا في الستات دي ابدا كت عارف ان دا كبيره مكتش استجرا اعملها سيف بقي عايش في البيوت المشبوهه عايش في الكباريهات مع ازايز الخمره ازاي ادي اختي لواحد زي ده كنزي دي يا اسلام هي الحاجه الحلوه الوحيده الي في حياتي مش هسمح لاي حد في الدنيا انه يعمل منها نسخه تانيه من زينه الله يرحمها
اسلام بحزن: ربنا يكتب لها الخير يا عمرو
عمرو بوجع: انا كت بحب زينه اوي يا اسلام كانت اختي الكبيره وامي وحبيبتي وكل دنيتي لما هربت من هنا بعد ما ابويا رفض يجوزها الي بتحبه الي لحد انهارده انا معرفش هو مين انا انهارت حسيت انها انانيه سابتني ومشيت كت حاسس بكره مش طبيعي ليها لما جت هنا بعد ما جوزها ضربها وكسرها انا كت عايز اجري عليها احضنها واطمنها بس الف حاجه منعتني وغصب عني قولتلها تطلع بره انا كت اصغر منها بس هي كانت بتحترمني بس يومها مفكرتش تسمعني واعدت تنادي علي ماما انا شدتها ورمتها بره وشتمتها عمري ما بقدر انسي نظره عنيها والكسره الي فيها كان فيها نظره معرفتش افهمها غير لما سمعت صوت ماما وهي بتصوت وجريت اشوف في ايه لقتها غرقانه في دمها ساعتها بس فهمت ان دي نظره واحده اخر امل ليها في الدنيا خذلها يمكن من وقتها وانا قلبي قسي بس انا برضو عندي مشاعر يا اسلام عندي قلب يعني مش زي ما ماما بتقول
اسلام حاول يفك الموقف شويه: طب وهي ناريمان هانم بتقول فيك الا كل خير يا عموري
عمرو بحزن: لا بتقول يا اسلام وبتقول كتير كمان هي فاكره اني مبقتش احس وبتتعمد تجرحني دايما بكلامها
اسلام بسخريه: لا وانت حسيس اوي يلا دانت اكتر بني ادم دبش شوفته عالكوكب انت ناسي البت الي لسه طالعه اوضتها معيطه بسببك دي
عمرو بغضب: وانت مالك بقي
اسلام بضحك: هو انا شاكك في حاجه كدا يا عمرو يعني بس مش متاكد بس بفكر اتاكد بطريقتي يعني
عمرو بعدم بفهم: حاجه ايه
اسلام: لما تكبر هقولك المهم تروح تشوف البت الي من ساعه ما جت هنا مسمعتش صوت ضحكتها الا علي طول بتعيط دانت مبهدلها يا جدع
عمرو بضيق: كفايا عليها انت يا اخويا تضحكها
اسلام: لا منا مش ابو هشيمه ياخويا عشان اضحكها امشي يلا وشوف هتعمل ايه في حوار البنك
عمرو: امشي منين يابني دا بيتنا انت الي طرقنا يلا علي بيتكو
اسلام: هو انا يعني عشان مليش لا قريب ولا حبيب ولا غريب بتكرشني
عمرو بضحك علي شكله: اطلع بره يعم تمثيلك عره
اسلام: شكرا علي ثقتك الغاليه يلا تيك كير يا بيبي
عمرو: طب والله انا عايش مع عيله خلل العيله كلها ضاربه