حظي العسر

part 22

#حظي_العسر

Part 22
كلهم رجعو القاهره وبداو يحضرو لفرح كنزي واسلام وزينه رجعت تشتغل تاني مع عمرو بس كانت علي طول مكتأبه

في يوم كانت راجعه مع عمرو من الشركه وهو سبقها وهي دخلت الفيلا لقت النور قاطع والدنيا ضلمه خافت وافتكرت يوم ياسر ما حاول يقتلها خافت وبدأت تنادي علي عمرو بخوف فجاه النور كله اشتغل وشافت تورته عليها صورتها وكلهم ملفوفين حوالين التورته

عمرو قرب منها: كل سنه وانت طيبه

‏زينه بدهشه: علي ايه انا انا حتي معرفش عيد ميلادي امتي

‏عمرو بص في عنيها: زي انهارده من ٦ شهور انتي دخلتي البيت دا وانا اعتبرته اليوم الي اتولدتي فيه كل سنه وانتي طيبه

‏زينه فضلت باصه لعنيه وقلبها بيدق جامد

‏اسلام قرب منهم: لا مش وقت تسبيل سيبولي انا الكلام دا دا حتي فرحي بكره يلا زينه تعالي قطعي التورته

زينه كانت فرحانه ومبسوطه اووووي وبدات تقطع التورته وتاكل كل واحد قطعه في فمه بسعاده لحد ما جت عند عمرو واتحرجت  وبصت في الارض

ناريمان بخبث: تعرفي يا زينه ان دي فكره عمرو هو الي اصر يعمل كدا عشان يفرحك

زينه بصت لعمرو بكسوف وعنيها اتعلقت بعنيه عمرو استغل انها سرحانه ومسك ايدها ومسكها الشوكه وخلاها تأكله بايدها زينه كانت مستسلمه وباصه لعنيه وقلبها بيدق جامد

كنزي: اووووو والعه يا عمرو

زينه اتحرجت وبصت في الارض

كنزي بضحك: طب يلا كل واحد يقدملها هديته

اسلام اداها علبه: افتحيها يا زينه

زينه فتحتها لقت فيها سلسله علي شكل كوكب

اسلام ابتسم: افتحيها

زينه حاولت تفتحها اتفتحت بقت عباره عن كذا صوره صوره ليها هي وكنزي وهم علي البحر بيضحكو وصوره ليها مع ناريمان في الفيلا في بورسعيد وصوره لوحدها وصوره معاهم كلهم وصوره وهي واقفه جمب عمرو وعمرو باصللها بحب

زينه مكنتش مصدقه نفسها من الفرحه لدرجه عيونها دمعت وبصت لاسلام

زينه: طب دا ازاي امتي الصور دي انا معرفش غير الصوره الي كلنا فيها

اسلام: انا بحب الصور اوي وصورت كل حد في العيله يجي مليوه صوره وانتي بقيتي من العيله عشان كدا كت بستغل كل لحظه في بورسعيد واصورها

زينه بصت لصورتها مع عمرو وبصت لاسلام

اسلام بضحك: احم لا دي بقي كانت لينا كلنا بس انا قصتها وعملتها كدا احم اصل يعني ليكي صوره مع كل حد في العيله لوحده الا هو فا قولت اعملها كدا