رومنتيكا ®(دردشات دينية)

الأم

كنز فى كل بيت..إلا بيوت قليلة...كنز يتمناه من حرم منه..كنز به تدخل الجنة..كنز اضمن لك به السعادة والراحة والفرح والاطمئنان والنجاح ...كنز غفل عنه الكثير...واهمله الكثير..ولو اهتممنا به قليلا..لفزنا فى الدنيا والاخرة...كنز غالى ..كنز لا يعوض بكنوز الدنيا..كنز يبكى الكثير دما ليرجع لهم..كنز لو اضعناه لضعنا..كنز لو تركناه لتهنا..كنز لو اهملناه لفشلنا..كنز حنون ناعم دافئ عميق...كنز لو معنا لفزنا برضى الرب..
هل عرفتم ما هو الكنز
انه رضى الأم
(بقلمى)

💚💚💚💚💚💚

**انا بصلى وبصوم ومحافظة على الورد والاذكار والسنن واتين وخميس ومش بعمل اى معصية بس مخنوقة..كل امورى ملخبطة..بشوف كوابيس ..مش بقدر انام..مفيش بركة فى اى حاجة
=هل تطيعين امك
**لا دائما ما اعصيها
=خسرتى رضى ربك..كيف تريدين لله ان يرضيكى
قال صلى الله عليه وسلم(رضى الله من رضى الوالدين وسخط الله من سخط الوالدين)
(طاعة الرب من طاعة الوالدين ومعصية الرب من معصية الوالدين)

💚💚💚💚💚

انا بشاكل مع امى كل خمس ثوانى..امى مش بتفهمنى..دوما بنتشاكل..نتصالح خمس دقايق ونتخاصم خمس ساعات..كل مرة انزل للدرس واحنا متخانقين..

معلش ارضيها..بكلمة واحدة والله هتسمحك..بكلم واحدة والله هترضى عنك..تعالى على نفسك..تعرفى هى اجت على نفسها كام مرة..تعرفى هى استحملت اى عشانك..تعرفى هى فى مرضك بتعمل اى..تعرفى هى بتدعى فى صلاتها ليكى بإيه تعرفى بعد لمل تخرجى من البيت بتحس بإيه تعرفى انت لما بتزعليها بتحس بإيه تعرفى انتى لما تعصيها بتحس بإيه
*بكلمة واحدة بس والله والله هترضى*

💚💚💚💚💚

انا كنت زيكوا كدة..ماشاء الله..كل خمس دقايق..كل ثانية..مفيش اى توافق بنا..انا تفكير وهى تفكير..انا جيل وهى جيل تانى...
بس لما عرفت قلبها..لما عرفت قلب الام..حسيت قد ايه انا حقيرة..قد اى انا مش بحس..بجد قلبها الماس مش ذهب الماس..شوفى انتى لما تزعقلها وتشكليها وووو..واول ما تسمع انك مش بخير او اصابك اذى..بتنسى كل شئ..بتنسى كل حاجة..المهم بنتها..بنتها الى حملتها تسع شهور بكل حب وحنية..بنتها الى كانت ممكن تضحى بحايتها وانتى مجرد نطفة عشان..بنتها الى انت اول شئ حسيتى بيه ريحتها..اول ما الطفل يتولد عشان يطمن لازم يشم ريحة امه..لازم يحس بيها..تخيلى اما يصبك ازى بتتجنن..وانتى مش هاين تيجى على نفسك *وترضيها*

💚💚💚💚💚💚

ام بتكلم احد الشيوخ..بتقول انها غنية جداا..وللاسف اولادها الثلاثة طايشين عاصين متكبرين..فمنعت منهم المال وغضبت عليهم..فبتكلم الشيخ بتقولوا اى..شوف رحمة الام..شوف قلبها تقول:

يا شيخ..انى غاضبة على اولادى الثلاثة..اخاف ان امووت وأنا غاضبة عليهم..فيغضب عليهم الله عز وجل ويمنعهم من الجنة..اخاف ان يعذبوا بالنار..اولادى يتمنون لى الموت فى كل لحظة لاننى منعت عنهم المال..فأخاف عليهم من غضب الله

حتى بعد ما فعلوه بها..ما زالت رحمة الام تسرى فى عروقها..فلم تحزن من عصيانهم..بل تخاف عليهم من عضب ربها

💚💚💚💚💚💚

فى قلب اكثر من هذا رحمة..كيف نجرى على ان نغضب هذا القلب..هل قست قلوبنا لتلك الدرجة..اذهبى اختى حبيبتى وارضى امك..حتى يرض عنك ربك..اذهبى وقبلى رأسها خذى رضاها..ارسمى بسمة على وجهها.

قبل لما بخرج بقول لاماه(انت راضية عنى)فقط بطمئن..محدش عارف هرجع البيت ولا لاء..على الاقل لو مت اكون ضامنة رضى الله عز وجل فأضمن الجنة
💚💚💚💚

لو حصل اى حاجة بينك وبين والدتك..مهما غضبتى..واتعصبى..واديقتى..مهما حصل..اياكى تردى عليهل..اسكتى..متتكلميش..اياكى ترفعى صوتك عليها..اياكى تأذيها بكلمة..قلب الام جنة..جنة..فكيف لا تكسبى الجنة بكلمة

سيبيها لما تخلص خااالص..استنى خمس دقايق كدة..اهدى واستغفرى وحلى الموضوع بهدوء..مش هيحصل حاجة..المهم تخرجى من الموضوع وهى راضية..حتى لو انتى مش راضية عن الموضوع..يكفى انك ارضتيها فيرضى عنك الله فيرضيكى

💚💚💚💚💚💚💚

ابدءى من الوقتى...من الثانية دى..اول شئ فى حياتى رضى امى..ثم رضى امى ..ثم رضى امى

خلاص امك راضية عنك..هتلاقى حياتك دى كلها رضى فى رضى فى رضى..

انت ارضيتى امك..فرضى عنك ربنك..فأعطاكى ثم اعطاكى ثم اعطاكى حتى ترضى

💚💚💚💚💚💚💚

كمان تدين تدان..فى يوم من الايام هتكونى ام مهما مرت الايام

اختم قولى هذا بأكسبى هذا الكنز ولا تضيعيه فغيرك يتمناه لساعة بل لدقيقة بل للحظة
وانت بين يديكى وتضيعيه

ارضى امك ثم ارضى امك ثم ارضى امك

💚💚💚💚💚💚

كانت تلك الكلمة بقلمى .كل لما اتخيل انى فى يوم كنت بعصى امى قلبى يحترق والله يحترق..ودموعى تنهمر..كيف كان قلبى قاسى لتلك الدرجة لاعصى نبع الحنان

والسلام عليكم ورحمة الله وبركاته

لن تخسر شئ اذا ضغطت النجمة..لعلها تصل لاحد عاصى لامه فتهديه فتأخذ أجره

اتمنى رأيكم

بقلم (الداعية الصغيرة)

رومنتيكا