رومنتيكا ®(دردشات دينية)

الى متى اختاه

اللي بيلبسوا بناطيل بالله عليكنّ اقرأوا البوست ده كويس !🥺💚

من دروس الشيخ حازم شومان !💚✨

_بتصلى وبتصومى وحافظة القرآن كله وبتقيمى الليل بس متبرجه ؟
_احذرى !

_أنتِ ف
اهمه وفاكره نفسك ماشيه فى طريق الجنه وأنتِ والله لن تقربيها ولا حتى تشمى ريحها إلا ان تتوبى !

إلى كل أُخت بتصلى وبتصوم وبتقرأ قرآن وفاكره إن لبسها محترم بقولها يا أُختى مفيش حاجه اسمها لبس محترم ولبس مش محترم !

عمرنا ما سمعنا أن امرأة أبو جهل لبست "بدى" ولا امرأة أبو جهل لبست "استرتش"ولا كانوا يرضوا اصلًا !

مفيش حاجه اسمها بنطلون واسع وبنطلون ضيق !
مفيش حاجه اسمها بنطلون وفوقه تونيك !
فيه حاجه اسمها الزى الشرعى الإسلامى كما وصفه الله ورسوله !💚🍃

أنا هكلمك النهارده ولو شديت عليكِ متزعليش لإنى خايف عليكِ !💚🍃

ده الرسول نفسه عليه الصلاه والسلام خايف عليكِ وقالك :
"يا معشر النساء تصدقن وأكثرن الاستغفار فإني رأيتكن أكثر أهل النار"!

_عايز أعرف منك إيه اللى السبب فى لبسك ده !
_مستنيه ايه علشان تلبسى اللبس الشرعى !
_مستنيه موت الفجأه يجى ياخدك !

أنتِ عارفه
لو نزلتى الشارع و100 واحد بصلك ب 100 سيئه بس مفيش مشكله !
لو نزلتى الجامعه وألف واحد بس من الألوف دى بصلك كل واحد بص ميه بصه بس 100000 سيئه !

ده غير لو شاب من الشباب المحترم اللى عينهم هيئه أرصاد جابك من فوقك لتحتك ربع ساعه يعنى كمان ألف بصه !

وقبل ما تنزلي ساعه قدام المرايا كمان بتتمكيجي فى ميزانك
، نزلتى واحده شافتك قالت أنا هطلع زيك فى ميزانك، شاب ملتزم شافك انتكس فى ميزانك !

شاب شافك شهوته ثارت راح عمل معصية سر فى ميزانك، واحده ملتزمه لما شافتك فتنت بنظر الناس ليكى خلعت الحجاب فى ميزانك !
_كل ده يجيله كام سيئه ؟

مليون سيئه على الأقل فى اليوم !
يعني بقيتي بتلعبي فى مليارات دلوقتى !
والعداد شغال إلا ان تتوبى !

طيب تعالي نشوف حكم رسول الله فيكِ ايه !

_من أهل النار ولا تقرب الجنه ولا تجد ريحها "1"
_ملعونه مطروده من رحمة الله"2"
_زانيه ولا يقبل منها صلاه"3"
_من صاحبات الكبائر التى تعادل القتل"4"
_جند من جنود الشيطان"5"
عمرك شفتى ذنب الرسول بيعظم خطورته قد كده ؟
_الكلام ده جبته منين ؟

_من كلام الرسول عليه الصلاة والسلام💚🌝
قال الرسول صلى الله عليه وسلم :
" صنفان من أهل النار لم أرهما، قوم معهم سياط كأذناب البقر يضربون بها الناس، ونساء كاسيات عاريات، مائلات مميلات، رؤوسهن كأسنمة البخت المائلة، لا يدخلن الجنة و لا يجدن ريحها، وإن ريحها يوجد في مسيرة كذا وكذا "!

والرسول حطك مع الظلمه اللى بيضربوا الناس بالكرابيج ليه علشان انتوا اللى  بتحطموا فى الأمة !
أعدائنا عرفوا إن الأُمة مش هتتدمر بالقنابل، بل بكأس وغانية !
ترضى إنك تبقى قنبله تنفجر فى الدين، ترضى إنك تبقى سكينه ينطعن بيها كبد الدين !

_ رضيتى !
"لعن الله النامصه والمتنمصه"!
"لعن الله الرَّجُلَة من النساء"!
اللعنه يعنى الطرد من رحمة الله

_ترضى كده؟
"أيما امرأة استعطرت فمرّت بقوم ليجدوا ريحها فهي زانية"!

يعنى حط التبرج مع بقيه الكبائر !

_مستنيه ايه بقي ؟
_مستنيه عقوبه ربنا فى الدنيا ؟
_ولا مستنيه سوء الخاتمه؟
_ولا مستنيه عقوبه ربنا فى القبر ؟
_ولا مستنيه عقوبه ربنا فى النار ؟

_كده كده هتتحجبى غصب عنك حجاب شرعى كامل وأنتِ داخله قبرك !
خمس أو ست لفات كفن ملفوفه فيهم !

وممكن تتحجبيه فى الدنيا لولا قدر الله أصبتى بحرق ولا حاجه هتبقى عايزه اى حاجه تدارى بيها الحرق ده !
_البسيه حُبًا قبل ما تلبسيه غصبًا !
_اللى كان بيبص عليكِ فى الدنيا لو بص عليكِ فى القبر هيترعب من منظرك !

_تعالي بقي نشوف يوم القيامه هيبقى موقفك ايه ؟
الرسول بيقول العنوهن فإنهن ملعونات "يعنى هتطردى من رحمة الله"!
_ازاى؟

يعنى فى عز الحر هتطردى من ظل عرش الرحمن، هتطردى من إنك تشربى من ايد النبى !
_وهتقابلى ربنا ازاى ؟

قال رسول الله :
"يحشر المرء على ما كان عليه من ثياب"!

_يعنى ثياب التبرج دى هتبعثى بيها
_اه
_طب ليه ؟
علشان تميزى وتتعرفى بالمعصيه اللى كنتِ بتعمليها فى الدنيا
" يُعرف المجرمون بسيماهم فيؤخذ بالنواصى والأقدام "
البنات اللي لحد دلوقتي لسه بتجادل وتكابر، انا كده كويسه، أنا أحسن من غيري، أنا بلبس تونكات أطول من غيري، يا أُختي كابرى فى أى حاجه إلا مصيرك !
بإيدك تحددى مصيرك ماتتردديش فى القرار !

_الحجاب يا جماعه عداد حسنات مفتوح !💚🍃
_والتبرج عداد سيئات مفتوح فاحذرى !

_أيُعقل تبيعى الجنه علشان حته قمااش؟

_افتكرى دائمًا :
" من يتق الله يجعل له الله مخرجًا ويرزقه من حيث لا يحتسب " و " من ترك شيئاً لله عوضه الله خيرًا منه "!💚🍃

_يلا يابنتى خُدى الخطوه وغيرى لبسك للأوسع دى الجنه غاليه ولا يدخلها إلا الغاليات، ولا تقبلى لنفسك إلا أن تكونى غاليه"!💚🕊️