رومنتيكا ®(دردشات دينية)

خطوبة

ضوابط الخطوبه الشرعيه...💙

ضوابط الخطوبة تتفقوا فيها مع بعض من الأول علشان ميكونش فيه مخالفات وعلشان محدش يكون متوقع حاجة ويلاقي دنيا تانية خالص غير اللى حاططها في دماغه يبقى الأفضل نحط النقط على الحروف من البداية.😌💚
..
مينفعش تقعدوا مع بعض من غير محرم 😌( لازم عزول لحد كتب الكتاب)
الخطوبة مش معمولة عشان تحبوا في بعض.. لأ معمولة عشان تتعرفوا على بعض صح وفي حدود شرعية وتعرفوا شخصياتكم متوافقة مع بعض ولا لأ ..حياتكم هتمشي إزاى
..
لو عندكم أسئلة تسألوها "بس يكون الكلام بيجيب بعضه كدا مش سؤال وجواب كأنه interview .. يكون الأسلوب مش فظ ولا منفر ولا فيه ميوعة وتساهل ... الاعتدال حلو😃"
..
غص البصر فرض في الخطوبة على فكرة 😌(فرض عليك وعليها)
مش معني إنكم اتخطبتوا يبقى تطلقوا البصر .. لأ لازم كل واحد يغض بصره عن التاني "أتأملوا السجاد بيكون حلو أحسن ما تاخدوا ذنوب ويكون ليها عواقب مش كويسة 😌"
ودي نقطة هتعرفوها طول الخطوبة يا تري هو بيغض بصره عامةً ولا لأ .. هيدخل يقعد في مكان يكشف منه البيت كله ولا هيقعد في مكان ميجرحش البيت!!
دي كلها ملاحظات بتاخدوها على بعض من غير كلام خالص
#و_غض_البصر_فرض😃
..
مينفعش تعبروا عن مشاعركم ..مش من حقك تقولها أى كلمة ولا من حقها تسمع أى حاجة من مشاعرك "حبيبي وحبيبتي وروحي وبيبي والكلام دا يتكنسل 🙊 "
حوشوها لحد كتب الكتاب عشان يبقى فيه مخزون كبير وتلاقوا حاجة تقولوها في الحلال 💙
الخطوبة مش هيا الحلال المنتظر والله 😂
..
تتكلموا في حاجة مباحة من الكلام ..تتفقوا على الشقة والالوان والديكورات ..والشغل والدراسة تتعرفوا اللى قدامكم بيتعامل ازاى مع الناس واسلوبه .. وحياتكم ماشية إزاى وهتمشوها إزاى بعد الزواج
..

#التليفون_للضرورة_وقدام_محرم عايز يكلمك في بيت يقدر يجي له😃

..في كمان حاجه لو انتِ لابسه
نقاب تفضلي بيه ماهو خلاص شافك قبل كده مره او اتنين بعد كده تقعدي *بحجابك الشرعي* عادي وكاااااااامل اكنك خارجه من البيت لان ده لسه مابقاش جوزك لسه مابقتيش حلال
كمان حاجه بلاش بقا الفيس وقرف الفيس وانت حبيبي وانتِ حببتي بلااااااش بالله عليكوا انتوا مش مخطوبين علشان تحبوا في بعض اهدوا كده ولما تتجوزوا اعملوا اللي انتوا عايزينه
ارجوكووووووا فرقوا بين خطيبك وجوزك
ممكن حد يقول ايه الضوابط القاسيه دي لما اجي اقعد معاه يبقى فيه محرم لما اجي اكلمه في الموبيل يبقا للضروري وكمان فيه محرم
كل ده ليه بقا
علشان ربنا عايز يحافظ عليكوا ويحميكوا من وساوس الشيطان وما ادراك من وساوس الشيطان💔

تتفقوا إزاى الخطوبة تمشي بالضوابط الشرعيه وتعدوا الإختبار دا على خير💚

#ماينفعش_تقعدوا_لوحدكم
#التليفون_للضرورة_وقدام محرم
#نصبر_عن_الحرام_عشان_نحس_بطعم_الحلال
مش أجمل فترة ولا حاجة دي فترة صعبة وكلها فتن واختبارات
ادعو ربنا يچنبكم الفتن ويرزقكم الحلال💙