CON Lady (bisaya only)

Part 1

***Chapter one***

Nakamata si Patirica sa sayo sa kadlawon sa banha sa alarm sa iya gubaon na celphone. Katulugon pa siya pero kinahanglan na niya mo bangon. Gikuha niya ang celphone og iya gidali og off haron dili mabulabog sa pagkatulog ang iya maguwang na babae sa pikas kwarto. Alas 4:00 na sa buntag sa lunes, oras na para mangandam kay klase na pud. Sugod na siya sa iya daily routine kada ting-klase, luto- ligo –kaon – then lakaw. Pero karon adlawa nagdesisyon siya na dili una maligo kay pagtuslod pa lang daan sa iyang kuko, nagkurog kurog na siya sa kabugnaw sa tubig. Kandingon mo lang.

Nanghinanok pa ang iya ate sa dihang mi-gawas siya sa balay. Wala na lang niya pukawa og mananghid kay basin og makulatahan siya, kahibaw naman pud bitaw to. Gi-check niya ang oras, alas 6:00 sa buntag sakto ra sa iya bana-bana nga dili siya malate sa 7:00 nga klase. Nipara siya’g jeep og nisakay, sakto osa nalang jud kuwang haron mapuno. Naghuot sa mga estudyante sa sulod sa jeep, mayo nalang kay wankig iya lawas og naka-lingkod siyag tarong. Lingi-lingi sa mga nakasakay og nahuwasan siya sa dihang wala siyay nakita nga klasmet sa sulod sa jeep, pasalamat sya sa Ginoo. Lainan lang jud siya sa pamati na nay makauban nga kaila sa jeep.

Kinsi minutos ang nilabay og niaabot na siya sa iskul. Fourth year college na si Patirica og bag-o lang nagsugod ang second semester. Buwan karon sa Nobyembre og karon lang pud buwana siya ni-biente. Wala silay hikay kay wala man pud silay bisita. Sila rang duha sa iyang ate ang nagselebrate sa iya adlaw nga natawhan. Dili nila kauban ang ilang pamilya, nagpalayo sila kanila tungod sa osa ka bug-at nga hinungdan. Mayo nalang kay kauban niya iya ate nga maoy nagpa-skuyla niya.

Samtang naglakaw na siya padong sa ilang building, gi-tarong una niya ang iyang buhok na murag gibagyo sa hangin ganina sa sulod sa jeep, layo pa ang iyang latason. Dako og wanang ang ilang skuylahan, buwag2x ang building kada college dili pareha sa uban nga university nga osa lang ka dako nga building. Sa iyang atubangan adunay mga babae nga hinay manglakaw, tibuok barkada pa jud ang nag’uban sa pathway nga 3 raman unta ang maigo sa dalan. Dili jud siya ka obertake kay sakto ang pagkaali sa lima ka babae nga paigwad igwad pa sa ilang sampot. Sa iyang pag-inutok kung onsaon pag-obertake, wala siya ka-matikod sa iya kasugat, “ayy, sory miss” og ningisi lang ang babae na naka-all white. Dili siya sigurado kung nursing student ba to or taga vetmed. Walay gisulti ang iya nakabangga og diritso rag lakaw. Nikunot iya agtang, huna2x niyag diin nilusot ang babae ganina nga naka-atang man sa agianan ang magbarkada sa atubangan. Ayaw siyag ingna kalit lang tog tunga sa iya atubangan, binuang!!. Gipasagdaan nalang niya, basin aduna toy super power ang babae.

            “Ate, this is for September to October issue of THE GAZETTE.” Gidawat ni Patirica ang gitunol na dyaryo sa mga taga student publication og iya gidasok sa iyang bag. Kausa sa duha ka buwan sila magrelease og bag-o. Gi-tuyo ni nila na itunol sa mga mangagi nga estudyante kay kasagaran tapulan mo-adto sa office sa taga-Gazette para mukuha og kopya.

Pagkaabot niya sa room, nidan’ag dayon sa iya panan’aw iya mga klasmet na nagyagaw. Tuo niyag siyay mauna sa room apan daghan na diay. Nakakita siyag blanko nga lingkuranan sa luyo nga bahin sa room, didto siya diretso bisag daghan pag bakante sa atubangan. Wala’y nitagad niya bisag osa, bisag “oy” man lang pero dili na siya mahibulong kung walay manumbaling kung naa siya. Giaangkon niya na talagsaon lang siya motabi kung kinahanglan. Dili pud siya kamao makig-huyhoy sa uban mao nga suplada ang tan-aw sa iya. Ganahan man unta siyag naay amiga apan dili jud siya ganahan motabi nila, mas maayo pagmag-inusara siya. Ambot og nganu, naandan na niya sukad pagkabata.

Niaabot ang alas onsi sa udto, as expected nakahimutang na siya sa iyang tambayanan sa building sa CON (College of Nusing) nga pila ka lakang gikan sa College of Business. Ang building adunay upat ka andana, mayo nalang kay adunay elevator hangtod 4th floor para dili siya maluyag katkat sa hagdan. Dayon, mosaka nalang siyag osa ka hagdan padulong sa rooftop. Ginadili ang pagsulod niining dapita, sa 4th floor pa lang adunay nakaplastar sa putting papel na gipapilit sa gi-ali nga board na “YOU ARE NOT ALLOWED UP TO THIS AREA”. Pero walay nagbantay og wala pud nakalock ang pultahan busa makasulod lang si Patirica. Dugay na siya nagbalik balik niining dapita pero sukad sukad og wala pay naka’matikod niya na mo-sulod siya dinhi. Kada pagpani-udto og vacant niya dire na siya mopadulong. Dire na lugar siya maghimo og assignments. Wala siyay pakialam sa iya klasmet og asa sila nahimutang, og samot napud iya klasmet ngadto niya. Pagkapait sa iyang kinabuhi.

.............