CON Lady (bisaya only)

Part 5

***Chapter Five***

Pagka-sunod hapon...

Padulong na unta na mosakay sa elevator si Patirica sa dihang nakita niya na daghan pa ang nagpaabot na mga estudyante. Nag-inusara lang ang elevator sa CON building og nay lain pa. Natagnaan na niya na dili gihapon siya kasakay, dili na sila masulod. Nagdesisyon siyag mogamit og hadgan. Sa unang hagdan sa building adunay mga estudyante nga wala kaabot og biente. Sa second floor, mga ten kabuok. Sa 3rd floor pipila na lang ka mga studyante. Abli ang mga rooms sa CON, adunay mga nagklase sa sulod. Padayon siyag saka padulong sa 4th floor, sa dihang adunay nagdina-ganay nga 3 ka lalaki gikan sa taas. Hapit pa siya madam-agi kung wala siya kadali og lihay. Makita sa ilang nawng ang kahadlok. Nagbinirahay pa sa mga bag sa kinsay nag-una. Wala siyay idea kung naonsa tong 3 ka estudyante.

Nipadayon siya sa taas og nidiretso sa rooftop nga wala man siyay namatikdan nga kakaiba. Gitawag niya si Connie, pero wala kini nagpakita. Nilingkod una siya para huwaton si Connie. Gikuha niya iya celphone, og gitan-aw kung aduna bay nitext. Wala jud, pagkapait man lamang. Iya huna2x na mayo unta kung motext sa iya si Devin bisag “GM” lang. Gihatag niya iya number katong gihatod siya sa niaging adlaw para in-case adunay mga assignment na gipost sa fb ang maestra nila ma-inform siya kay walay internet sa ila. Gi-check nalang niya ang oras, alas kwatro na sa hapon. Ganina rang alas 3:00 nahuman ila klase pero alas 6:30 pa iyang ting-uli. Sakto pa pud kay alas 7 pa manirado ang tibuok skuylahan. Naandan na niya na hapiton si Connie kada hapon una mo-uli. Gipiyong una niya iyang mata samtang nagsandig sa sementadong bungbong.

Nakamata si Patirica sa taligsik, nakatagpilaw man diay siya. Pagtan-aw niya sa oras sa iyang celphone, alas 4:30 nas hapon. Wala gihapon nitunga si Connie. Nibarog na siya sa iyang gilingkuran og nagdesisyon na mo-uli. Mayo gani kay aduna siyay pirme dalang payong sa iyang bag. Alas singko nas siya naabot sa ila balay, 30 mins ang byahe sa jeep padulong sa ila. Baklayon lang og kadiyot ang ilang balay sulod sa subdivision, unahan sa highway. Pagkaabot niyas ila, naa sa kusina iyang ate nagluto para panihapon. Pirme mauna og uli ang iyang ate gikan sa trabaho.

            “Oh, nasayo man lage kag duha ka oras ron.? Pirme man ka alas 7 mauli.” Nakabantay dayon niya iyang ate bisag nagduko, naghiwa sa utanon.

            “Wala man gud mi klase sa among last subject. Adunay meeting amo maestra.” Pasangil ni Patirica para walay daghan pangutana pa.

            “Ahw sige, pag-ilis na ngadto. Dali ra mani akong giluto haron dungan ta manihapon.”

Nikatkat na dayon sa taas si Patirica para mag-ilis. Pag naa sa balay, binisaya ang tinabian nilang duha sa iyang maguwang pero pag naa na sila sa gawas sa balay o lain ang kastorya dili sila ka bisaya kay lain ang ila tinabian. Pero mayo nalang kay ka-antigo sila mogamit sa tinabian sa tao sa gawas.

Alas 7 palang sa dihang nahuman sila og kaon. Ang iya maguwang nagpabilin sa sala nagtan-aw og TV mao rang osa. Dili hilig og tan-aw og TV si Patirica mao nga nikatkat na dayon siya sa iya kwarto. Wala na siyay buluhaton pero dili pa pud siya pwede matulog nga busog. Wala sila tagaig assignment karon, wala pud siyay reviewhunon. Nihigda siyag kadiyot og naghuna huna kung onsay pwede makalingawan. Naisip niya na e-arrange nalang niya ang mga sulod sa iyang bag kay dugay na kaayo ning nagkagubot. Naay payong, osa ka notebook og ballpen, og puro na mga photocopy nga handouts na nagkatuad-tuali og ang dyaryo. Gikuha niya kini og gi-laen og butang para mai-file. Nakatipun-og tanan niyang nakulikta nga dyayo sa cabinet, bisag osa niini wala pa siyay nahinumduman nga gibasa. Ang uban gihinay hinay nag kaon sa ilaga. Naguilty siya kay nagkas-kas lang siyag bayad sa kwarta sa iyang ate niya dili niya basahon. Giuna niyag basa ang pinakabag-o nga gihatag pero mga-title lang pud ang iya gipansin...

            “Students pop goes 5 digits”...”COB scholarship program continues”... blah blah..

            “Student was attacked in CON by a ghost” na-curious siya. Unang na sulod iyang utok kay si Connnie. Gi-browse pud niya ang mga older issue ng THE GAZETTE. “Incident in CON” “Student fell on the stairs in CON” “Is Ghost in CON real?” “Why boys are being attacked by a ghost in CON” “five students saw a ghost in CON” “White lady in CON” . ..

Nibug-at og kalit iyang dughan. Napatulala siyag kadiyot. Si Connie kaya ang responsible aning panghitabo sa CON. Daghan na diaya ang kababalaghan na nahitabo sa CON, karon lang niya nahibaw-an kung wala niya basaha. Pero nganung nakig-amiga man kini niya kung dautan siya. Iyang gilibogan nganung kasagaran mga lalaki man ang biktima. Kinahanglan makausap niya si Connie bahin aning butanga. Dugay kaayo siya nakatulog pag human, dili mawala sa iya huna2x ang iyang mga nabasa.