CON Lady (bisaya only)

Part 2

***Chapter Two***

Pagkahapon niana, sa COB building sila nag-klase. Sa likod nga bahin sa room, kita kayo sa iyang panan-aw ang mga klasmet na nagsige rag tabi samtang nagpaabot sa maestra. Thirty plus sila kabuok sa ila nga section, mas daghan ang babae kaysa sa lalaki.

“Good afternoon BSBM 4-2.” Kalit og kahilom ang tanan sa dihang miabot ang maestra nila sa history. “Pass your assignment.”

Nakugang si Patirica sa giyawit sa maestra, huna2x niya nga wala man siyay nahibaw-an nga assignment. Lingi lingi siya sa tapad og sa atubangan nagpasa sila tanan, siya ray wala. Wala raba jud siyay nahinumduman nga adunay gipahimo si mam.

“Are all papers in?” Giisa sa maestra iyang kamot na nagkupot sa papel. “If you did not pass your output, expect a grade of “inc.” (incomplete) at the end of this semester.”

Patay nas Patirica, saon nalang. Ingon ani ka pinikito ila skuylahan bisag naa lay osa nga dili mapasa, incomplete na dayon.

“There will be no extension of submission. I’m sorry” Gisamotan pa jud. Murag gidugsak iya dughan, dili tungod kay wala siya kapasa kun dili tungod kay wala man lay nag-inform niya bisag osa sa ilang klasmet.

Pangkahuman sa ila klase gikabiba dayon niya iyang bag og niduol sa maestra sa atubangan og..

“Ma’am?” makita na adunay gamay nga kulba sa iyang tingog.

“Yes?” daling tubag sa maestra.

“Can you give me a consideration? I wasn’t informed.” Samtang nagpakaluoy og namugnaw ang nawng.

“Like I said Miss Patiri, today is the deadline. Whether you pass it or you fail.” Seryoso    og nawng.

“Mam, please...” nangurog ang iya kamot.

“Okey, I will wait until 6 o’clock. This is your only option, take it or you fail.”

“But..—“

“No buts, do it now while you still have time.” Dayon nilakaw na ang walay kaluoy nilang maestra nga walay lingi lingi.

Wala nay nahimo si Patirica og nisurutoy na siyag dagan sa may rooftop sa CON haron didto maghimo sa assignment. Nisakay siya sa elevator hangtod 4th floor dayon nisaka sa taas. Gipug’ngan niya ang luha na dili mutulo. Alas 4 na og kinahanglan mahimo na dayon niya kini. Nanghimutang dayon siya sa sawg sa rooftop kay wala may lingkuranan, naka-indian seat siyag porma tapad sa tangki sa tubig. Mikuha siyag og 3 ka yellow nga papel nga kinahanglan mapuno niya sa answer sa sulod sa 2 ka oras. Gibalik balik niyag basa ang gihatag na question sa maestra og dili kayo niya masabtan ang pangutana gipun’an pa sa iyang sakit nga gibati. Kapait diay kung wala kay higala, karon lang niya nabati nga dili diay lalim. Pasagdaan lang ka, mura ra siyag wala ni-exist sa pan-aw sa iya mga klasmet or sa mga nakaila niya, wala man jud siya sultii sa assignmet. Wala na niya mapug’ngi og mitagaktak na iyang mga luha.