حُب خارج عن القانون

part 5

راحت سيلا ناح باب الملحق بحذر وكانت عم تحاول تفتح الباب لكن كان مقفل ، تركتو وهي معصبة لانه اكيد ما رح يكون غير نسخة وحدة ورح تكون بايد امير...
___
عند امير

حسن بجدية بعد ما جاب الاكل لامير : امير اسمعني منيح هلأ رح تطلع من هون تروح لعند جابر لازم ما يحس انك غايب عنو لا تنسى هو بيعتبرك ايدو اليمين بكلشي ..

امير بجدية وتعب:تمام رح اطلع من هون واتوجه لعندو .

طلع امير من المكتب بعد ساعة وبس اتأكد انه ما في حد عم يراقبو اتوجه لعند جابر..

وبعد نصف ساعة كان عم بيصف سيارتو قدام مخازن كبيرة عطرف المدينة مخازن فيها سجاد واثاث منزلي لكن بالحقيقة هي مركز للتجارة بالمخدرات والاسلحة.

نزل امير من السيارة توجه للحراس فتحولو المخزن ودخل امير شاف جابر وسلم عليه وقعد بتعب جمبو

جابر باستغراب ومكر : شو في شكلك تعبان .

امير بهدوء: لا عادي بس شويه ارهاق من البيت.

جابر بحنكة : حقك تتعب

رمقو امير بنظرة استفهام وتابع : ليش؟

جابر بهدوء ومكر: بنت خالتك الضابطة زايرة عندكن عم تعزبك صح

امير باستنكار حاول يخفي صدمتو :عم تراقب بيتي جابر بيك

جابر بضحكة خبيثة: الحذر واجب... وتابع بهدوء قاتل: ليش ما حكيت انه عندك قريبة بتشتغل بالشرطة.

امير بحزم وقف وقال : شوف جابر بيك بنت خالتي ما الك دخل فيها وبتمنى انك ما تأذيها او تقرب منها لمجرد انها بتشتغل بالشرطة .. خلي العلاقة بينا منيحة من هلأ.

جابر بضحكة جانبية اشر لامير انو يقعد: طيب ليش كل هلقد تنرفزت انت .. وتابع بكذب: لا تخاف ما رح نقرب ناحها ما بتهمنا الا اذا هي قربت ناحنا.

امير ضل ساكت وهز راسو بمعنى انه وافق على الكلام ..

وتابع مع جابر الحكي عن شحنة الاسلحة الي رح تيجي بعد بكرة ومكان التسليم وكل شي.

بعد هيك ترك امير جابر والرجال وطلع ..

وبعد ما راح امير  قرب واحد اسمو احمد لناح جابر وقال : شو رح نعمل بالبنت يا بيك .

جابر بمكر: رح نتسلا معها شوي بس مو هلأ .. وتابع بتنهيدة : كلشي بوقتو حلو

احمد ولمعو عيونو بالشر: تمام يا بيك .

(جابر): ابن حرام مصفى عمرو ٤٥ سنة تاجر اسلحة ومخدرات كبير بالبلد وملاحق من الشرطة من ٦ سنين وما كان حدا قادر يسمكو ، غير انه مغتصب بنات كتير وقاتل ناس كتير .. حد خطير وملعب.
________

وصل امير البيت ودخل قعد بالصالون بتعب كان شعرو مبعثر وقميصو الاسود عاطيه هيبة وجمال وهدوء ، كان عم ياخد نفس عميق ويفكر كيف بده يبعد سيلا عن طريقو لحتى ما تنأذى ، خبط ايدو بالطاولة وقال بهمس مسموع: هاي البنت غبية ورح تجنني وتخربلي كل مخططاتي.