بقيت سيلا بالمكتب عم تمشي بتوتر بانتظار حسام يجي ليعطيها اخر الاخبار بالاخر مسكت موبايلها لتعمل مكالمة:
سيلا بنوع من الهدوء: الو
الحارس: اهلا انسة سيلا
سيلا بجدية: اهلا ، شو وصلت امي؟
الحارس: ايه والمدام هلا جوا ونحنا عم نراقب البيت متل ما امرتي.
سيلا بشك : أمير بالبيت؟
الحارس: اي بالبيت وما طلع عمكان لهلا.
سيلا بجدية : ما تشيل عيونك عنو راقبو منيح وازا طلع من البيت بعات شي شب وراه .
الحارس : امرك.
___
بتقفل سيلا الخط وبتقول يينها وبين حالا: رح توقع بايدي لك امير قريبا يا وسخ.
بيقاطع افكارها دخول حسام بهيبته المعتادة : صباح الخير سوسو.
سيلا بضحكة: والله منيح الي شرفت حسام بيك
حسام ضريها بخفة عكتفها : ما بكفي عريس جديد ومداوم كمان اي والله ظلم .
سيلا : اي حاجتك حزونة 😂، كيفا ريم ما عاد سألت عني؟
حسام بغمزة: على كيف كيفك بتسلم عليكي ومشتاقيتلك
سيلا بابتسامة : الله يسلما انا اكتر
وتابعت كلامها بجدية وهي بتتوجه للكرسي ورا المكتب:
وهلأ حسام شو عندك معلومات بترجاك احكيلي انو في شي جديد
حسام بغمزة : ولووووو اكيد في شي جديد وشي نار كمان
سيلا بحماس : اوه شكله الجيزة فتحتلك مخك المقفل هاد
حسام بنظرة جانبية : هلا هيك وليه ، طيب عقبالك ما يتفتح مخك.
سيلا : بعيد الشر عني ، وقلي شو عندك يلا بلا لعي.
حسام بانتصار حط ملف قدام سيلا وقال: جبتلك العصابة كلها
وسيلا مسكته بسرعة فتحت اول صفحة شافت صورة امير وكمان كم شب معه ، وشافت اسم لحد بس ما في صورة
سيلا باستغراب بتأشر على اسم شخص : مين هاد ليه ما في صورة ؟
حسام بهدوء: جابر راس الحية الكبيرة بس ما في الو صور لهلا ما حد قدر يتعرف عليه.
سيلا : العما ، تواصلتو مع الاحوال المدنية؟ الهويات والجوازات الاوراق الرسمية ؟؟!! لك مستحيل ما في الو صورة بهالدولة كلاا.
حسام بحذر شديد وجدية: لك سيلا هاد واصل ما في شي باسمو لا عنوان بيت ولا حساب بالبنك في حدا بيغطي عليه وعلى وساختو من فوق، يعني يمكن يكون عم يتفتل بيناتنا بس ما عارفين مين هو حتى هاد الاسم مو اسمو الحقيقي .
سيلا بحذر وتفكير وهي صافنة بصورة امير وبضحكة جانبية شريرة : اي عندي خطة بديله هلا، رح تخلينا نكمشو بس بدها وقت كتيرررر.
أنت تقرأ
حُب خارج عن القانون
Romanceلما يرجع يلتقي بحب حياتو بعد ٧ سنين ، لكن بظروف مختلفة تماما. هي ماكانت تحبو ابدا وهلا عم تكرهو بزيادة..لكن مشاعر غريبه لاول مره رح تحس فيها معو امير وسيلا قصة حب مليانة أكشن وحماس .بترجع سيلا للضيعة بعد ٧ سنين بس شو السبب الي بيخليها ترجع بعد كل ه...
