حُب خارج عن القانون

part 6

سيلا بشهقة: شووووووو عم تحكي جد .. عاصم بيك معقول !!

حسام بهدوء : لا مو عاصم في واحد جديد متعين من فترة عم يحكو اسمو ادم المجدلي

سيلا باهتمام: كيف يعني الي عم يتشغل تحت ايد جابر بكون رئيس المخابرات العامة .. وتابعت بتوتر: لك نحنا بناخد معلوماتنا من هنيك.

حسام بقلق: كرمال هيك شكيت انه شغلنا فيو حلقة ناقصة .. وتابع بتركيز: المعلومات الي بين ايدينا لو بتهمن ما كان عطونا اياها ..

سيلا باهتمام وتركيز: صحيح معك حق .. وتابعت باستفهام: طيب مين هاد ادم ما في صورة ولا في شي عنو؟

حسام بغرابة : لك هاد الي رح يجنني ما في الو اي شي بالدولة بحثت عنو وعن اسمو بس ما لقيت شي وحتى عم يحكو انو ما بيجي عالمركز الا نادرا .

سيلا سكتت شوي بعدين فكرت وقالت: معقول امير بيعرف مين هو؟

حسام بتعجب: امير ؟..وتابع بهدوء: اي ما تستبعدي طالما هو بالعصابة تبع جابر اكيد رح يكون بيعرف.

فكرت سيلا هي وحسام كتير وحكو كتير بالاخر سيلا قالت : حسام الحكي عالموبايل ما بفيد لازم نلتقي ونحكي لانه في اشيا ما بنقدر نحكيها هون .

حسام باهتمام : معك حق سيلا الاسبوع الجاي بس خلص شغلي هون رح بيجي عندك لنحكي اكتر .
وسكرو الخط وهنن عم يخططو ليوقعو ادم بالفخ عن طريق امير.
_______
طلعت سيلا من الغرفة وتوجهت لعند امها بالصالون وقالت بهدوء: ماما بدي احكي معك بشي

ام سيلا بتركيز:انشالله خير شو في؟

سيلا بابتسامة خفيفة: خير خير ماما .. وتابعت بهدوء: انا حبيت القعدة هون وحابة انه نضل هون لفترة اطول يعني بنستأجر بيت قريب من خالت..

قاطعتها ام امير باستنكار وفرحة : لا يا عيني ازا بدكم تبقو هون ما بتطلعو من بيتي ابدااا ابدااااا .

سيلا بفرحة داخلية كانت متوقعة رأي خالتها وكانت بدها تبقى عندهم لتقدر تراقب امير عن كثب اكتر .. قالت سيلا بهدوء: تمام خالتو حبيبتي.

ام سيلا بحب وفرح: واخيرا رح ضل عند اختي حبيبتي فترة اكتر نتسلا .

ضحكو كلهم وكان امير داخل من الباب ولابس بيجاما وشعرو مبعثر كالعادة .. قال ببرود : مسا الخير.. تابع وهو عم يراقب ضحكة سيلا عن كثب: شو سبب هالضحك كلو ضحكوني معكم..

قربت امو لعندو وقالت بهدوء: سيلا وامها بدهن يضلو عنا فترة اطول.

ضحك امير ضحكة جانبية لانه كان متوقع هاد الشي من الاول وقال بنشافة: اهلا وسهلا البيت بيتهن.

وتابع مشيتو وطلع لغرفتو فوق..

اما سيلا كان وجهها عم يصير الوان واشكال بس تشوف امير وتنحرج كتير منو .. كانت تكون قوية قدام الكل الا قدامو خجولة وضعيفة.
___
مرق اسبوع تاني وسيلا وامها عند امير وامو وكان اسبوع روتيني ما كانت سيلا تحتك بأمير كتير لكن مراقبتها لالو عم بتزيد حتى انها حفظت حركات ايدو و وشو بس يتوتر او يعصب وكانت دائما عم تلبس لبس وسيع وسبور لتقدر تخبي اسلحتها لانها كانت متوقعه يصير اي شي بأي لحظه ما عادت تركت السلاح ابدا ..