تاني يوم الصبح عند جابر:
جابر بعصبيه : عيد الي حكيتو من شوي
احمد بتوتر وخوف وهو عم يكذب : والله يا معلم متل ما عم ئلك كنت ماشي وراهم متل ما ئلتلي لكن في حدا غدرني وضربني وما وعيت ع حالي الا وكانو بالبيت
جابر بشك : مسدسك وموبايلك ومصاريك ما انسرق منهن شي؟
احمد: لا يا بيك
جابر بنفاذ صبر : اي خلص روح من وشي يعدمني ياك ما بتنفع بشي .. واشار بعصبيه لشب تاني وقال : عامر يا زفت يا عامر
ركض عامر لعندو بكل خوف : أأمرني يا بيك
جابر بحزم : من يوم ورايح بتصير انت مكان الي ما بيتسمى ..واشر على احمد بطرف ايدو وتابع الحديث بتهديد وقال: بتجيبلي كل صغيره وكبيره عن تحركات هالبنت وراقبها منيح وإلااا.. قاطعو عامر بسرعه وقال : حاضر يا بيك كلشي رح يكون متل ما بدك واحسن .
هز جابر راسو برضا وطالع موبايلو ل يتلفن ل أمير ..
—-
على الطرف التاني عند ابطالنا
امير عم يغسل وشو وانتبه للموبايل عم يرن راح ناح الصوت وشاف رقم جلال على الشاشه تنهد وقال : يا فتاح يا عليم .. مسك الموبايل ورد عليه بكل هدوء: صباح الخير معلم
جابر باستعجال : مو وقت السلام هلأ .. وتابع بصوت خافت: اسمعني شو بدي قلك منيح
امير بإنتباه : عم اسمعك
جابر: اليوم الساعه ٧ المسا رح تكون البضاعه في المينا وما بدي حد يكون معي غير انت لاني بوثق فيك
امير بضحكه جانبيه: تمام يا بيك وتابع بمكر : بدي اسألك سؤال؟
جابر : اسأل
امير بدهاء: في حد بيعرف بأنه البضاعه اليوم رح توصل غيرنا
جابر بتركيز : اي فيه احمد وعامر وكمان الشباب بس ما بدي اخدهن معي وما بيعرفو وين رح نستلم وتابع جابر بشك: ليه عم تسأل
امير بخباثه: لاني عم شك انه في جاسوس بينا
جابر سكت للحظات وتابع بهدوء وهو عم يبعد بخطواتو عن المكان الي في الشباب وراح لمكان فاضي وقال: ازا انت شاكك بالموضوع غالبا هو صحيح وتابع بعد لحظه صمت: شو لازم نعمل
امير بهدوء: في الوقت الحالي خلينا نعمل حالنا مو دريانين عن شي أخرتنا نلئطو
جابر برضا: انا معتمد عليك بهالموضوع
امير بإنتصار: وانا ما رح خيب املك
انقفل الخط وكل واحد راح بعالم تاني
جابر كان عم يطالع وجوه كل الشباب الي عنده وعم يتفحصهن من بعيد ليحاول يمسك الخاين ، اما امير راح يحاكي حسن ليحكيلو عن خطتو الجديده
—
اما عند سيلا فكان عندها اجتماع اونلاين "زوم" مع حسام وباقي الفريق وكانو يتناقشو بكتير مواضيع وبلشو يشوفو الارقام في موبايل احمد
حسام بقلق : شباب اسمعوني منيح لازم ما حد يعرف بموضوع السلاح لانه غالبا رح نكون مراقبين لهيك رح كلف سامي يحقق بهالموضوع بذات نفسو ورح اسمحلو ياخد تفويض وأكسس لكل الارشيف والبيانات
اردفت سيلا بتركيز : وانا بتفق مع حسام وتابعت حديثها وهي عم توجه كلامها ل سليم وقالت: سليم لقيت شي بخصوص الارقام
سليم بتمعن : بصراحه الارقام مو كلها مسجله بس لاقينا كم اسم رح ببعتلك اياهم واتس اب مع صورهم ومعلوماتهم
أنت تقرأ
حُب خارج عن القانون
Romanceلما يرجع يلتقي بحب حياتو بعد ٧ سنين ، لكن بظروف مختلفة تماما. هي ماكانت تحبو ابدا وهلا عم تكرهو بزيادة..لكن مشاعر غريبه لاول مره رح تحس فيها معو امير وسيلا قصة حب مليانة أكشن وحماس .بترجع سيلا للضيعة بعد ٧ سنين بس شو السبب الي بيخليها ترجع بعد كل ه...
