حُب خارج عن القانون

part 3

عند سيلا سكرت الخط مع امها وراحت لحتى تجهز اغراضها ولبسها وسلاحها وتتوجه للضيعة .

اما عند ام سيلا وام امير : كانو عم يجهزو غرفتين وحدة لسيلا ووحدة لامها لحتى يقعدو فيهن.

_____
امير اختنق وقرر يطلع برا البيت وبنفس الوقت بده يعرف اذا رح يتم مراقبتو او لا .

قرر يروح عدكان صغير قريب من بيتهم ، وبالفعل ضل الشب يراقبو ووراه لحد ما رجع البيت.

امير بينو وبني حالو بضحكة جانبية: اغبياء بالمراقبة حتى.

رجع امير عالبيت وقرر يروح عالملحق الي بيكون خلف البيت وهو مكون من غرفة وحمام ومطبخ صغير وتقريبا هاد مكان خاص بامير ، وقرر يقعد فيه هناك عشان ما يحتك بسيلا طول فترة تواجدها بالبيت
وهاد الملحق بيطل عالحديقة الي فيها الحيوانات الاليفة (البط والدجاج وفي حصان وحمار كمان وكلشي هنيك😂)

امير كانت غراضو هنيك جاهزة لانه بطبيعة الحال بيضل يتنقل كل ما يزهق من غرفتو بيروح عالملحق، وبقي فيه وطلب من امو تجيبلو الاكل هنيك لانه مشغول كان عم يضب كل اوراقو المهمة الي ممكن سيلا تشوفها لانه متوقع انها تفتش غرفتو بشي وقت هو ما يكون موجود فيه لهيك نقل كل وراقو وهويته وسلاحو للملحق وخباهم بماكن تحت البلاط بالحمام.

امنة بقلبها : ما بدو يشوف سيلا لساتو بحبها المقوص.

فاطمة :لك وين سرحتي

امنة بانتباه: ولا شي ولا شي بدي روح وديلو الاكل للبيك

فاطمة بضحكة: لك بيطلعلو يتدلل عهالجمال الي عندو الله يحميه.

امنة بتنهيدة: يارب يحميه ويهديه يارب.

____
بهالوقت بتوصل سيلا سمع امير صوت السيارات الي وصلت معها

امير بقلبو وهو متسطح عالكنبة: مغرورة بدها جاهة لحتى تدخل عالحارة .

سيلا نزلت من السيارة وصفنت وتشوش عقلها ومشاعرها بس شافت البيت وقالت بقلبها: صرلي شي ٧ سنين ما جيت هون من بعد هداك الموقف يالله شو زمان.

قاطع شرودها شوفة خالتها وامها وفرحتهم فيها وضلو يحضنو فيها لحد ما دخلو البيت وارتاحت سيلا وتركت غراضها بالغرفة ونزلت عالصالة.

تلفتت حواليها وقالت بقلبها: العما وينو هالمجرم.

قاطعتها خالتها بغمرة قوية: لك تعي تعي والله ما شبعت منك لسا

سيلا بحب بادلت خالتها الضمة: يالله شو اشتقتلك يا خالتو.

امنة بغمزة وحب: لك انا اكتر بس شو هالحلاوة هاي كل ما بتغيبي بترجعي احلى الله يحميكي.

فاطمة قاطعتهم بضحكة: اي خلص بكفي ترحيب خلونا نتعشى اكيد سيلا جوعانة.

سيلا: كتيررر غاطط على قلبي من الجوع