حُب خارج عن القانون

part 1

بتبلش قصتنا في شقة فاخرة في وسط مدينة عربية من مدن الشرق الاوسط:

فاطمة بتقرب من تخت بنتها وبتبلش تهز فيها لتفيقها وبصوت عالي: ماما سيلا يلا رح تتأخري.

سيلا بفزع بتفتح عيونها وبحركة سريعة بتسحب المسدس وبتوجهه عراس امها

فاطمة بفزع وصراخ: بدك تقتلينيييي لك ماما

سيلا استوعبت الموقف وقالت بهدوء وهي بترجع بالمسدس لتحت المخدة: ماما كم مرة قلتلك لا تقربي علي وتصحيني بهالطريقة.

فاطمة بنتورة: لك رح تقتليني بيوم من الايام انتي عهالحال بتهلوسي فيون لهلمجرمين .

سيلا بضحكة قامت وحضنت امها وقالت: بعيد الشر عنك ماما و(كملت كلامها بغمزة) بس بتعرفي طبيعة شغلنا بتخلينا فايقين حتى ونحن نايمين .

فاطمة بضحكة : طيب الله يحميكي يا بنتي عالفطور يلا.

فاطمة وقفت عند الباب بدها تطلع من الغرفه وسيلا قامت من التخت وقالت : ماما

التفت فاطمة لعندا: ايه حبيبي

سيلا بابتسامة: المسدس ما في طلق بس بحطو جمبي في حال صار شي لا سمح الله ، بس مع هيك لا تصحيني هاا.

فاطمة بضحكة: لك مجنونة انت والله طيب يلا يلا قوميييي بلا لعييي رح تتأخري عشغلك.

بيروحو الام وبنتا لحتى يفطرو . (وخليني انا عرفكن عليهن)

(سيلا) :ضابطة في القوات الخاصة عمرها ٢٥ سنة طبيعة عملها مختص بعمليات خاصة وقبض على مجرمين خطيرين، شخصية قوية جدا ما بتخاف من شي ظاهريا لكن داخليا عندها كتير مشاكل واضرابات ومخاوف واهم شي بتخاف من الحيوانات كتير ، سيلا جميلة وشعرها كستنائي بيوصل ل خصرها المنحوت لكن دايما بتخبيه وبتضل رافعتو على شكل كعكة ، طولها ١٦٦ سم، عيونها عسلية فيها لمعة، وجهها جدا طفولي لكن ملامحها حادة وشفافها مكتنزة ووردية، بشرتها حنطية ومحفورين خدودها بغمازات بتجنن . (شخصيتها جدية ، ولكن بطبيعة عملها بتنجبر تتقمس عدة شخصيات لتتمكن من القبض على المجرم).

فاطمة : ام سيلا عمرها ٥٠ سنة سيلا بنتها الوحيدة الي ما اجاها غيرها عهالدنيا بتحب بنتها كتير وبتخاف عليها وهي حنونة وطيبة.(ارملة ) والد سيلا توفى وهي صغيرة اثر جلطة دماغية . ومن وقتها ام سيلا قررت تنتقل من الضيعة للمدينة لتحافظ على حياه وتعليم لبنتها سيلا ، وبين فترة وفترة بتروح عالضيعة تزور اهلها وخواتها ولكن سيلا بطبيعة شغلا ما بتروح معها.

____
بيخلصو الفطور وبتقوم سيلا لتتجهز لتطلع على شغلا

فاطمة : ماما اليوم انا رايحة عالضيعة عند بيت خالتك أمنة .

سيلا بانتباه وهي عم تلبس برجلا : ايه ماما رح ابعتلك سيارة وحرس ياخدوكي ما بوديكي هنيك بدون حماية. وسلميلي ع خالتو كتير .