سامي نزل في محل ايس كريم عايز يبرد من السخانه الفيه من بعد ما رعف بانفه رعاف غزير .. من سبب وقفته في مشروع انشائي تبع شركته الهندسيه وطبعا بكامل عتاده الجزمه التمبرلاند و الجينز التقيل وبلبس تيشيرتات كم طويل من حريقة الشمس والنضارات الفريمها ريبان رجالي ورافع شعره الطويل الجايط لفوق والسخانه باينه في وشه زي قرن الشطه الحمراء لانه لونه ابيض ابيض جد .. اشترى الايسكريم وقعد في الكراسي الجوه وبياكل عادي .. جو بنات ثانوي داخلين يضحكو ويتونسو حيويات و يهظرو ودي تلز دي و دي تضرب دي وقفو قدام الكاشير .. جات وراهم وحده رفيقتهم شكلها تمشي الهوينه زي السحاب الراحل .. جميله جمال طبيعي .. عينها جات في سامي نزلتها طوالي وانتبهت لزميلاتها .. والكارثه لمن قبلت عليهم و وقفت عشان تعزل الآيسكريم 🤩🤩🤩 ووووب مسكت سامي رجفه لما وقع الايسكريم في ملابسه وفي الارض 🤣🤣🤣 يا زووول يا زول قتلتني قتل وده جمال شنو البعمل كده .. صحبتها لفتتها ليه عشان جاري فيها نور طوييييل اتلفتت عاينت ليه و للايسكريم الواقع وبحاول ينضف الجزء الجاء في بنطلونه مع ارتباكه ولسه بعاين ليها ضحك معاها وعمل ايدينه فوضع استغراب مع رفع اكتاف 🤗 رحاب ابتسمت واتلفتت لصحباتها وقفو بالدور مسافه كل وحده شالت ايسكريمها خفو شويه .. جاء واحد عايز يشتري برضو عاين لرحاب واتكلم معاها شكله بعرفها .. شالت ايسكريمها و استأذنت عايزه تمشي مسكها من يدها و شكلو عايز منها شي وهي ما راضيه بتزح يدها
لاحظت للراجل القاعد في الكرسي قام وجايي عليهم و مسك يد الولد و بداء يتكلم معاه قدر ما الولد يحاول يتملص ول يفتك في يده ما قادر آخر شي سامي اداه دش كلام وقال ليه لو كانت اختك ما تمسكها بطريقه زي دي في مكان عام عيب عيب عليك .. خلي عندك ذرة رجوله تقول لي جارهم .. فك يده وصلح ليه قميصه باستهزاء و نفض ليه ياقته وكتفه وقال ليه يله اتطلب الله و الحركه دي تكون ليك درس .. دي كانت شكلها بت ناس ما بتقبل وبوضع زي ده .. البقبلو ظاهرين امشي امسكهم 😉 سامي مشى ركب عربيته وبقى مارق .. هي مااااا عربيه مارسيدس سوداء التظليل منه وفيها زي الستاير بتطلع اوتوماتيك ما بتشاف الراكب منو ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الولد وقف محتار في العربيه ول في يده البقت قطعه بنفسجيه من مسكة الزول ده يده زي الزرديه وباين عليه القوه طوله طول باين و بنيه جسمه العضليه ماكنه وشعره الجايط ودقنه وشنبه ديرتي و لونه الابيض المشمس متوحش و مع استايل لبسه المترب للمشروع مبيناه بلدوزر 🤣🤣🤣🤣🤣🤣 ماااا حاول حتى يسأله 😢
