سامي كان مواصل للصباح شغل في المكتب حاسي بارهاق شديد .. اصلا تعب السفر لسه ما طلع منه ما ارتاح من ما جاء زي الناس .
طلع من المكتب لغرفته غير ملابس رياضه و نزل للجيم اتمشى نص ساعه آخر ٥ دقايق فيها كانت ركض و بسمع في اغاني و متعمق في التفكير شويه عن رحاب و شويه عن الشغل و شويه اتذكر كلام لنا القى لي زول زيك ومشكلتها مع زوجها
خلص رياضه بعدها دخل ساونا دقايق رخى عضلاته و جسمه و طلع اخد شور و غير بدله فل سوت ونزل لقى منى زوجه جاد محضر ليه فطور ذوقيا منها يعني ما مكلفها بشي .. فول و طعميه بيت و جبنه و شاي و عصير لفته حلوه منها ومن جاد .. سام فطر بسرعه وشرب العصير
مرق مشى للشغل دخلته سلم عليهم و دخل مكتبه منع السكرتيره تحول ايي مكالمه او تقطع اتصاله باجتماعه مع محمد الفي الامارات .. استمر ساعتين بتناقشو ..
بعد خلص اول شي دق تلفون علي هديه وشاف صلاح و سأل من رحاب قالت ليه هديه مشت للمدرسه لكن سابت ليك رساله قالت ليك اغشاها بعدين بعد تخلص مدرسه الساعه ٢ بتنتظرك عايزاك ضروري 😻 .. سام اتحمس لمن قلبه خفق وابتسم براه ..
سامي في مكتبه بعد وصية رحاب دي .. عايز يركز قال يتخلص من مشكلته مع امه كان لا بد يتصل بامه و يتحمل شكلته 🤣🤣🤣
وده الحصل دق علي امه .. طبعا لمن شافت رقمه قلبا رفرف فرحه لمن ردت وسمعت صوته ما كان منها الا انها تبكييي وهو يحنس فيها
لنا في بيتها مع راجلها صحى من النوم راسه داير يتكسر صداع من اثر ضربة امبارح بالفازا ومعصب و يكورك فيها كيف حرامي يدخل للبيت ؟ وانتي عارفه وساكته ؟ الزول ده عامل نفسه سيد بيت داخل غرفة نومي انتي بتغشي فيني ؟ ده زول من معارفك حرامي شنو اليدخل شقه و ناسها فيها 😡.. و يضربني و انتي ما يعمل ليك شي ؟ ولا يسرق منك شي ؟ ما مصدق وانا جايي من امريكا لاني سامع لي سمعه عنك 😏 ومن ما جيت وانتي بتتهربي مني ما عارف ليه وعملت ليك شنو ؟ معقوله ١٠ يوم انتي معذوره ما بتقدري تكوني معاي .. خلي ده كلو معقوله جمبي ما بتجي ولا بالغلط 😡
لنا انتي ما كنتي كده و ده ما طبعك معاي انتي اتغيرتي .. انتي بت مهووسه ما ممكن تبقي بالبرود ده
لنا هنا انفعلت وفقدت المنطق قعدت تكورك فيه كيييف يصحيها من النوم علي الكلام الفارغ ده و سمعت شنو جايي تتحقق منه 😤 انت الفيك جايي تمسحه فيني فارس انا صبرت ليك لحد هسه عشان العشره و الاهل و العيش و الملح انت نسيت انا شفتك في وضع كيف ؟ وجايي فاتح نفسك تسألني انت لو حاسب نفسك راجل علي غلطان انت واحد ................
ولو عرفتا ما اعرف انا عايزه قدامي راجل يملا عيني ويلبي رغباتي طلقني ياخ
فارس بكل قوته بقى يضرب في لنا كفوف و بالحزام ويقول ليعا اطلقك اطلقك قلتي لي وهي بتصرخ زي المجنونه و تبكي وهو بضرب فيها بكل قوته وينبز فيها وقال ليها وتتبجحي كمان يا ........
لنا من الضرب جرت الغرفه التانيه وهو ساكيها طلعت منها رجعت غرفة النوم بسرعه وقفلت الباب عليها 😭😭😭😭 وتكورك وتبكي بهستيريا شالت تلفونها واتصلت بسام اول ما رد وتاني مشغول الا بعد كم اتصال رد عليها اتصدم بصوتها بتصرخ و بتبكي و خايفه فارس يكسر الباب
بتقوليه ضربني بالحزام و داير يخنقني بيه وشاكك فيني يا سامي انا خلاص انتهيت وما حيخليني زي المجنون بضرب فيني
سام قال ليها بس مسافة السكه الليله بطلع ليك ........
🤬🤬🤬🤬🤬👹👹👹 وبالفعل سامي ركب عربيته و مشى لشقه لنا ونزل و طلع السلم جرييي دق الباب بيده و دق الجرس ما وقف اول ما فتح ليه فارس .. سامي وقع فيه ضرب و نبز و ضرب و نبز سيئ جدا 🙉💢🙉💢🙉👹👹🤬🤬🤬👿
لنا طلعت من غرفتها تعاين ليه اتشفت حق ضربها الضربه ليها كله ..
سام ماخلى ليه جمبه يقعد عليها وشه كله بقى يتف دم و نخرته رعفت و يكورك ولسه بضرب فيه ويقيقبه من هدومه ويرزعه بالحيطه وتاني يشيله ويرزعه .. الا حجزته لنا قالت ليه ما تضيع نفسك في رمه زي ده يقوم يموت في يدك و تتحاسب علي زول ما راجل اصلا ولا انسان وماسكاه و تهدي في سامي
كفوف يدينه و بدلته و القميص بقى فيه آثار دم من ضرب فارس .. لنا مسكته من يده جرته عديل و دته للمغسله يغسل يدينه و يهداء لمن طلعت تجيب ليه بشكير لقت فارس قام ماف في الصاله دخلت غرفة النوم شالت البشكير و جايه ... و سام طالع من جمب المغسله جايي على الصاله ..
ما شافت الا فارس جايي جاري عليه و
لنا تصرخ سامي انتبه وراك قبل ما يتلفت حس بطعنه في ضهره لما عاين يلقى فارس طعنه بسكين سامي ما مصدق انه طعنه اصلا ما وجعته شديد بقى متشكك 🤨..
لنا الشافته و بقت تصرخ و تلز في فارس من سامي لانه عايز تاني يطعنه حس الاولى ما كفته 😡 لمن لنا بتدافع و بتلز فيه طعنها هي في بطنها كل الكلام ده خلال جزء من الثانيه 🥺
طعن لنا في بطنها قميص النوم حقها اتجلبط دم وحيلها مات في لحظتها كانه روحها بتنسحب منها دابت زي التلج بين يدين فارس و وقعت في الارض ..
