سامي ركب عربيته وطلع ماشي للخرطوم وصل للبيت مدمر ارهاق كان العشاء اذن دخل غرفته فتح التكييف اعلا شي و شال غيار مريح دخل الحمام قلع ملابسه كلها آثار دم .. طبعا ما بقدر يستحم لكن اغتسل وشه و يدينه ورجلينه وغير شورت وتيشيرت طقمه قطني مريح و خت عطر رجالي هادي وبعدها رقد في سريره نعسان لكن ما قادر ينوم من التفكير في رحاب لبه ما بترد عليه و جعان . .
حاول يتصل برحاب ما بمسك معاه الخط 😒 آخر شي خت التلفون سايلنت و كفاه علي وشه و رقد يحاول ينوم .. ما فيه طاقه حتى يطلب دليفري 😓
ريماس اتصلت برحاب وقالت ليها حمد الله علي سلامه سامي و الحمد لله جات بسيطه
خلت رحاب 😲 مخلوعه وفاتحه خشمها وما قدرت ترد بس تقول ليها في شنو ؟ في شنو ؟ في شنو يا ريماس ؟ سامي ماله قولي ؟
ريماس لمن عرفت انه سامي ما مكلم رحاب حست انها جابت العيد قالت ليها في زول اتشاكل مع سامي و طعنه في ظهره لكن ما تخافي ما عميقه شديد يعني خيطوها ليه ولفوها بالشاش .. لدرجه طلعوه للبيت هو كويس والله
رحاب استاذنت ريماس تقفل .. فكت حظر المكالمات واتصلت عليه جرس طويييييل ماف رد
قامت من غير تفكير غيرت بلوزه واسكيرت .. لفت طرحتها وشالت مفتاح العربيه هديه قالت ليها ماشه وين ؟
ما ردت عليها لكن سألتها اذا سامي اتواصل معاها الليله
هديه قالت ليها الصباح بس وتاني ما دخل سأل .... ليه خير يا بتي ؟
رحاب قالت لهديه انا مارقه ضروري لمن ارجع بتصل عليك افتحي لي باب الغرفه ...
رحاب طلعت من غير ما تكلم زول من اهلها اصلا شغلت العربيه وطلعت بهدوء زول جاب خبرها ماف طوالي للخرطوم سايقه و زعلانه من نفسها انها من غير ما تفهم الحاصل حظرته وزعلت واخدت موقف 😭
ماشه برااااحه و فاتحه خدمة المواقع لحد ما وصلت لبيتهم في المنشيه وقفت بالعربيه قدام الباب و دقت بوري ..
جاد طلع شافها عرفها رحاب ابتسم و فتح ليها الباب دخلت للحديقه وقفت عربيتها جمب عربية سامي .
سلمت علي جاد وعلى منى وسالتهم سامي كيف وضعو .. طلعو ما عارفين بالموضوع ..
جاد قال ليها لاحظت للباشمهندس لمن رجع كان باين عليه مرهق شديد ..
جاد مشى مع رحاب وبقت تدق في الجرس ماف زول رد ..
قال لرحاب ماف شغالين البيت جوه فاضي بس الباشمهندس احسن افتح ليك الباب عندي مفتاح الفيلا
فتح لرحاب الباب ودخلت متحمسه و تفتش في الهول و المكتب و الجيم وتنادي فيه سامي مشت المطبخ تحت ماف .. طلعت ليه فوق مشت علي غرفة النوم دقت الباب براحه و فتحت الباب و دخلت وفتحت الضوء سامي كان بين نايم وصاحي بعد حس النور اتفتح اتلفت لقى رحاب جايه عليه ..
بقى مخلوع ما مصدق قام فز من السرير بسرعه وجا عليها وهي جاته مندفعه اترمت في حضنه و حضنها ضماها بحنان ورفق بعد استقرت زاد الضمه مووووت
😍😍😍😍
لسان حال رحاب يقول :-
حين التقيتك عاد قلبي نابضا
وجرى هواك بداخلي مجرى دمي
و شعرت حضنك دافئا ورأيتني
رغم الحياء اذوب فيه و ارتمي
❤❤❤
قل لي ايا رجلاً لأي قبيلةٍ
و لأي عصرٍ او لجنسٍ تنتمي
ولمن تعود اصول عينيك التي
اضحت قناديل الضياء بعالمي
