.
طلع سامي من الدكتورة لقى رحاب صبرها نفد من الانتظار و تسال فيه .. في شنو يعني قلته للدكتوره عني .. سامي قال ليها منو القاليك الكلام عنك انتي موش احتمال عني ..
: عنك انت ومع دكتورة نساء و توليد ؟ انت بتغشني في شنو يا سامي قول قول ساي بس قول ايي شي بصدقك
سام بقت ملامحه حاده و قال ليها طبعا ما انتي مكذباني في كل شي بقوله 😑 يا زوله ما مشكله الموضوع ما بخصك ..
: زيارتنا الجايه بسالها قلت ليها شنو 😏
سام ما رد علي رحاب بقى سايق و ماشي ما في طريق البيت .. مشو مطعم راقي نزلو قعدو و بقو ساكتين بس .. سامي يقلب في المينيو عايز يطلب و رحاب مركزه فيهو هو و لتفاصيله ولكل حركه ولكل ثكنه بعملها حتى طريقة كلامه مع الويتر و طلبه للاكل .. لمن خلص حتى انتبة ليها عيونها اخدت جوله كافيه انه سام حس بيها وبعينه ليه واعجابها ابتسم
: ايوه ايوه تم الباقي و عض باسنانك على شفايفك 🤗🤗🤗 دي الحركه الاخيره و الضربه القاضيه
سامي بقى يضحك في كلامها يعني عارفه و حافظه حتى ردة فعلي
: حبيبي يا عمري انتي اهدي علينا انا ما عايز اركز معاك قاصد موش زعل لا انتي حامل و وضعك حرج ماف داعي تجي تقولي لي مغص و تقلصات و ما بستحمل وبستفرغ وكأنه معدتك دي قاصداني انا بالتحديد 🥲 وبالتالي ما ف داعي توصليني لاماكن ما عايز اوصلها لانه ما عندي ليها حل معاك .. افتش حلول خارجيه مثلا ؟
: عاين انا ما فهمت كلامك ده .. كيف حلول خارجيه 😅
: من الآخر رحاب انا باخد ادويه تخليني كده زي ما انتي شايفه ابرد من التلج 😇🥶😇🥶 مهما عملتي ول قلتي ما حتجاوب معاك
: سامي انت جادي 😰 للدرجه دي انا حمل تقيل عليك
ياخ جمله باخد ادويه دي متعقده منها عديييل منك ادويه شنو كمان ؟
: ادويه باخدها بوصفه طبيه بنسبة معينه شكلها ما جايبه نتيجه بحاول ازود النسبه شويه تاني 😇
: انت بتهظر معاي صاح ... انت كذاب ماف حبوب زي كده .. هي الناس بتاخد منشطات ما شفت زول مره قال مهبطات 🤗🤗🤗 انت كذاب
سامي قعد يضحك مع رحاب و قال ليها انتي بتصدقي و بتكذبي كل شي على هواك 🤗 لكن صاح كلامك الناس بتفتش منشطات عادتا بس ده ما بمنع انه في ناس مضطرين ياخدو مثبطات ولاحظي البستخدمها بلعب في عداد عمره لانها بتاثر على ضربات القلب و سيولة الدم وعلي حاجات تانيه 😉وده كلو عشان ترضي ده لو بترضي اصلا دايما زعلانه و هايجه
: سامي احلف 😰
: 😅😅😅 بهظر معاك ياخ اعمل ليك شنو شوكولاته و حايمه قدامي وانا ممنوع من السكر 🤣
اتعشو و اتونسو شرقي غربي عن كل شي حتى عن مشية المحامي لي لنا قبيل ☹
رحاب كانت عايزه تعتذر علي الحصل منها تاني انها ما فهمته ولا سمعته وسمعته كلام كعب
سام سكتها طوالي وقال ليها الليله المشؤمه دي عايز احزفها من حياتي تبع الليالي الاكتر سواد مرت علي ما عايز اتذكرها ولا اتذكر الحصل شنو فيها . . بحاول انساها .. ما كل ما نكون مبسوطين تعتذري وتعيدي وتزيدي .. خلاص ننساها ما تجيبي لي سيرتها
