تاني يوم الصباح سيد اجز من الشغل وركب عربيته وللخرطوم عدييييل يسال عن سامي كيف ..
وصل قدام الشركه كانت مبنى زي الفيلا جميل ولافتتها ملفته ومدخلها منسق توحي بانها شركه هندسيه .. وقف اتمعن لقى قطع الزلط ست شاي
قطع واشترى شاي وقعد يدردش مع المره فتت ليه كل شي انه سامي صاحب الشركه زول ممتاز شديد وبتاع هظار و رغم الوضع الهو فيه ده لكن متواضع جدا ..
فعلا متزوج اتنين
سيد رجع لابوه بالاخبار وانه زول كويس حسب كلام الناس لكن برضو ما راضي يا ابوي يتزوج رحاب .. رحاب دي صغيرة لسه ما بت عرس ولو عرست تعرس راجل مرتين واكبر منها كتير وهي في سن زي دي ..
ابوه قال ليه انا ما صدقت زول طلب يد البت دي وطلع زول كويس انت عارفني البت مصيرها لبيتها ما عندنا دخول جامعات واختلاط مع الرجال ورحاب دي بالذات ما عايزها تقعد دخله و مرقه في بيت راجلها احسن ليها واكرم
امها زاتها من راي سيد رافضه سامي نهائيا بتعتبره اجنبي ما سوداني اصلا قال ابوه مصري 😒 الزول ده مصري ول امريكي ول ايطالي ول سوداني 😠
برضو ابوها موافق وسأل رحاب دخل ليها في غرفتها وسالها هل عندها قبول ليه ول ماف رحاب سكتت وضحكت ودنقرت وقالت لابوها علي كيفك انت يا ابوي .. حس بيها عايزاه ..
تمت ٣ يوم اتصل عليه ابو رحاب انه موافق بيه يجيب اهله خلاص .. سامي قال ليه بفرحه في اقرب فرصه ان شاء الله ..
سامي قفل من هنا .. اتصل علي ابوه طوالي وحكى ليه بزواجه وابوه شجعه لانه عارف مشاكله مع سلافه كيف .. وعارف وضعه مع سالي .. فرح ليه وقال ليه حدد لي يوم عايز تتقدم انا ح ابزل قصارى جهدي واحضر خطوبتك ان شاء الله ..
لما كلم امه زعلللللت شديييد وقالت ليه كل شي بتحل ايي مشكله وليها حل بس ما تعرس في سلافه ..
سامي : يا امي انا ما ح اقول ولا كلمه لاني لو فضلت من هنا لبكره بحكي ما حتقتنعي وما حتفهميني اسالي خالتو فهيمه و نازك و عوض حتعرفي لايي حد انا متأزم من الوضع و كنت صابر وبمشي بس الموضوع فات حده عايزاني ابقا كل شهر مع وحده وكل يوم بايت مع وحده ما عندي مانع تمام
ول عايزاني استقر واعيش حياه طبيعيه ويكون عندي اولاد ... امي انا وافقت ليك واتزوجت سلافه قبال اعرفها حتى وشوية الاعجاب الكان فيه انتهى خلاص وانتي كنتي عارفه رأيي و برضو رضيت اتزوج سالي و اهتم باولاد المرحوم ..
انا كمان من حقي اتزوج برغبه مني انا شخصيا .. وهي بت ناس وبت عايله ما جبت ليك وحده من الشارع وجدي بكون بعرفهم من شندي لو سالته . .
مجرد اني ح اجهز للخطوبه ح اتقدم ليها طوالي اذا حضرتي يا امي اكون شاكر ليك واذا لا برضو شاكر ليك 😪 و عاذر وضعك انه سلافه بت اختك ..
سامي رجع بحري وكان مبسوط جدا كل ما يتزكر رد ابو رحاب يتكيف ويتبسم براه وقلبه يفر من مكانه .. رغم انه رحاب صغيره وما قابلها ولا اتكلم معاها بس متحمس جدا ..
رجع لقا سلافه في بيت ابوها بعد بيتين من بيتهم في نفس الشارع .
دق باب نازك ودخل عليهم هي و زوجها سلمو عليه و فضلوه .. وقال لريماس نادي حبوبتك فهيمه
