سامي رجع من ناس رحاب للمغرب الاولاد كانو مبسوطين شدييد .. شغل ليهم اغاني اجنبيه حافظنها ويغنو مع سامي بصوت عاااالي منفعلين و مبسوطين ويشاغل فيهم .. 😍😍 نفيسه لمن تضحك فيهم وتصفق ..حست سامي طفولي
دخلو البيت كان هادئ و مضلم وبارد ... نفيسه فتحت الاضواء و شالت هدوم الروضه الغيروها من سامي وهو دخل للصالون ومعاه الاولاد .. سألو من امهم 😓 نفيسه مشت دقت الباب مسافه حتى فتحت ليها سالي .. كانت نااايمه باين عليها قالت لنفيسه البيت كان هادي مشيتو وين و الغيارات دي شنو ..
نفيسه حكت ليها انه ودوهم للمول وما رضو يلعبو وبالصدفه رحاب اتصلت بسامي و اصرت يجو يتغدو معاهم وحكت ليها كل شي نفيسه عايزه تغير نفسيتها ما عارفه بكده بتزيد الطين بله
بعد ما الاولاد اتعشو و غسلو اسنانهم وغيرو للنوم سامي حكى ليهم قصه النوم .. بعد نامو مشى للصالون قفل الباب عليه و كان لازال متوتر بس حافظ هدوءه قدام الاولاد حضر غيار شورت و تي شيرت و جزمه جري غير لبس وشال السماعه و الجوال و طلع قال لنفيسه لو في فواكه ايي نوع حضري لي عصير طازج مركز خالي سكر و هو طالع برفع في شعره بالباندا لفاه كله لفوق .. سالي كانت طالعه من الغرفه وعينها وقعت عليه 🙄 ما اتكلم معاها طلع طوالي يتمشى في الشارع وبعدين ركض ومشغل اغاني حمااس بالسماعه مسافة نص ساعه جري متواصل ..
لحد ما رجع للبيت .. دخل التي شيرت مليااات عرق زي المبلول مويه وجسمه مسخن .. دخل للمطبخ لقى العصير شربه طوالي . . حتى اخد دش وغير واتعطر بقى قاعد يتفرج في الشاشه في الصالون فاتح نتفلكس بتفرج في فلم آكشن جيسون ستيثام 😍 مندمج .. الباب دق وتاني دق .. فتحه لقى سالي طبعا قالت ليه ممكن ادخل .. دخلت وقعدت سامي غالبه القعاد معاها معصب منها شديد بعد يد هايدي و لما وقعت وما رفعتها ولا اهتمت لبكاها .. اعتذرت ليه انها سألته و اتدخلت في خصوصياته وفعلا ما دخلها وما مفروض ..
سامي وقفها قال ليها دقيقه بس ده كلللله كوم وانك ترمي هايدي و تضرب يدها بسببك كوم تاني 👿 ما كان عندك احساس امومه البت ذنبها شنو ممكن اقبل منك ايي تصرف الا هاني وهايدي خط احمر اعملي حسابك
ولاحظي كل الهيلامانه دي عشان خاطرهم ومستحمل ايي شي عشانهم .. طباخه و شغاله ديل جايبهم عشان حضرتك تتفرغي كليا ليهم
: خلاص انا اعتذرت ماف داعي تهيج كده .. وديل اولادي اكيد ما حقصر منهم في شي والحصل ده غصب عني 😓
: زي هيجتك القبيل 🤨 ما بلحقك طبعا ياخي غصب عنك ؟😠 بس قلتها ليك انتبهي لما يكون الاولاد معانا انا وانتي ما مشكله قولي التقوليه ازعلي صرخي كسري
سالي قامت ومشت غرفتها سامي تابع فلمه رحاب اتصلت عليه اتصال في الليل سالته كيف بقى ما احسن من قبيل .. قال ليها تماام الحمد لله اتمشيت
رحاب قالت ليه وسالي كيف لقيتوها ... قال ليها خلاص اتفاهمنا ..
رحاب قالت لسامي عندي سؤال نفسي اسأله ليك و خايفه انك تفهمني غلط 😞.. لما نتزوج انت حتكون معاي يوم ويوم ول كل يوم 🙈
سامي ضحك 😀 قال لرحاب كل يوم طبعا بس في يوم بتأخر فيه لحد ما الاولاد ينومو 🤗 و التاني عادي كله حقنا اهااا مرضيه ول ما عاجبك
: لالالا والله مرضيه شديييد😍 وحتى لو يوم ويوم والله ماف مشكله انا وافقت اتزوجك وانت متزوج اتنيت ما وحده شفت المجازفات دي كيف ..
