سامي كان مواصل مع لنا للصباح ما نام وكل جنونه الكان ماسك نفسه مع رحاب طلعه مع لنا وزي ما قال لرحاب ماف حد للشغف لو عايزه تستمتعي 🥰
لما وقت سفره قرب حتى قام واستحم لما طلع لقى لنا ناااايمه ما صحاها خلاها نايمه وجهز للسفر وطلع نزل تحت وحاسب وحول حساباته للشركه لو لنا صحت واستخدمت شي افطار او غداء او خدمه في الفندق .. طلع مستعجل و من الفندق للمطار طوالي ..
السواق لمن كان جاييه غشى جاد جابه معاه عشان يسوق عربية سامي يوديها للبيت و السواق يوصل سامي للمطار ..
كان قاصد ما يرجع لرحاب اولا لانه فعليا ما كان فاضي ليها 🙈 وتانيا عارف انه شغل حماسها ولمسها في حته حرجه لبنوته في عمرها حتكون عايزه تحكي و تقول احاسيسها و تعبر عن شعورها .. كسرها ليها عشان يشوقها اكتر 🤗😍..
وصل للامارات ومن الصباح طوالي نزل للاجتماعات 😪 وراء بعض شغل كتير
الصباح رحاب صحت بدري 😪 حزينه كان بصحيها يوميا بتلفون 😓 فتحت البيانات شافته خاتي حاله قبل نص ساعه كاتب فيها ..
((انه الجنون مجدداً😈
ربما ... 👆🏼
ربما .. كان من الخير ان نحب بعقل و رويه
ولكن من الممتع حقا ان نحب بجنون ❤))
لنا شافت الحاله و بقت تضحك بصوووووت متكيفه 🤣🤣🤣🤣 و تتذكر الحصل امس من ما دخلت بالباب حق الغرفه استلمها كيف .. بقت تراسله و تشاغل فيه 😝و تذكره بالحصل معاها
رحاب الكلام عجبها شديييد 😇 وقعدت تتذكر الحصل امبارح وفاتحه المكوه ومسهيه .. رباب جات داخله الا قالت ليها بتكوي ول بتعملي شنو انتي سارحه وين يا بت رحاب هييي ..
حتى ردت علي رباب ايوه ..
رباب قالت ليها ايوه شنو ؟ و انتبهت لرحاب رقبتها فيها شي لما اتلفتت تكوي ..قالت ليها ده شنو الفي رقبتك ده يا بت الضربك شنو كده 😨
رحاب بضحكه وعيون مغروده 🤤 ده ختم الجوده 😇
رباب اتغازت منها يا بت دي تكون حشره و بطلي الكلام الفارغ و السرحان وخلصي مكوه عايزه اجهز عمرو واكوي ليه
رحاب : العضتني ما حشره لكن 😍
: نمله تعمل ليك كده ول يمكن ضربه انتي نومك كعب تكوني ضربتي نفسك يا دبدوبه 🤣🤣
: دبدوبه ؟ انتو ناس ما عندكم تشبيه انا ايسكريم لو سمحتي 🥰
: طيب يا ايسكريم انجزي خلاص وبطلي تسرحي
و رحاب فكرت قالت اكيد سامي كان مشغول و كان برتب في هدومه و بقفل في البيت و يرتبه و مشغول يعني شنو لو ما رسل لي ول اتصل ..
رسلت ليه تاني تصبح عليه و تتحمدل ليه السلامه ..
رد ليها للعصر باختصار
بعد خلصو اول يوم شغل مفروض يتعشو في قروب كل مدراء الشركات رغم ارهاقه اجباري مشى معاهم 😪
رحاب هنا كانت منتظراه يتصل بالمساء برضو ما اتصل حاسه في شي غلط يا ربي زعل عشان سمعت كلامه و طلعت معاه للغرفه .. ول زعل لانه ما عملت الشي الكان عايزه 😪 وحققت رغبته
وبقت حاسه بفرااااغ بعد ما ملا راسها بافكار و كلام و احاسيس و مشاعر ما عرفتها ولا حصل اختبرتها وحاجات اصلا ما سمعت بيها 🥲 خلاها تحرق نفسها و حماسها مجننها 😈 بنوته صغيره و مشاعرها مرهفه بتتاثر باقل من الحصل بكتير وفجأه ينسحب منها 😭
