لِـقلبك🌚🦋

بارت5(الغيره)

مساء الخير أو صباح الخير انت وتوقيتك فى قراءه البارت (الجمله المعتادة 😂😂😂)
بناءا وكالعادة على طلب بنوته
نبدأ بقى

انواع الغيره

الغيره أنواع كتيره وفى فرق كبير جدا بين الغيره والتملك والهوس
فى غيره بين الاخوات
غيره بين الاصحاب
غيره من الناس عمتا
والأشهر الغيره على الحبيب
وهنأخد كل نوع على حده
بس فى الاول أنا ليه بغير
مع أختلاف انواع الغيره بيكون سببها وهنأخد اول نوع وهو الغيره بين الاخوات

الغيره بين الاخوات

أ

نا بغير من أختى أو بغير من أخويا ببقى بقول أنا ليه مش بعمل زى أختى أنا ليه مش بخرج زى أخويا أنا ليه مش بيهتموا بيا زى أختى أو أخويا وكل الاسئله دى بدور فى رأس
طب ليه أنا بغير من أختى أو أخويا
ركزى معايا كده
أنا بصلى أو بسجد لربى

لما انا يبقى قلبى مش مليان بحب ربى أكيد هغير هحقد ده من وجهه رأيى واى حد عنده سبب تانى الكومنتات ليكم بس محدش يذكر التمييز بين الاخوات عشان ده ليه موضوع تانى لوحده

الغيره بين الاصحاب

يبقى قاعده عادى وفجأه أقعد أبص للبس بنت وأقول انا ليه معنديش لبس زيها ابص على موبايلها وأقعد اقول أنا ليه معيش موبايل زيها وممكن الأمر يوصل لانى أحقد عليها واقول يارب اللبس ده يروح من عندها ويبقى بتاعى يارب الموبايل ده يروح من عندها ويبقى بتاعى
طبعا هنا السبب بعدى عن ربنا زى ماقولت فوق وبرضو القناعه أنا ليه ميبقاش عندى قناعه أن مثلا احنا ظروفنا الماديه مش سامحه بده فخلاص لازم اتحلى بالصبر وربنا هيعوضنى أكيد ف أتحلى بالقناعه وأرضى بالربنا كاتبهولى غيرى مش طايل ربع اللى أنا فيه

الغيره من الناس

أنا ليه مش عايشه فى ڤيلا زى فلان أنا ليه مش عايشه في قصر زى علان انا ليه مش عندى عربيه غاليه زى بتنجان وووو...... ومقارنات إلى ما لانهايه
والموضوع برضو بيرجع للقناعه أرضى باللى فى ايدك بدل ما يزول منك ومش هطول لاسما ولا أرض

الغيره على الاحباء

الاحباء هنا مش القصد بيها الحبيب بس لا صديق ام اب اخوات بتبقى فيه غيره عليهم

وصلنا لأخطر وأجمل غيره
خلوا بالكم أنا قولت فى الاول الغيره بين الاخوات والاصحاب والغيره من الناس بس هنا الغيره على الحبيب ومش منه
انا ليه بغير على اللى بحبهم عشان انا عارفه أن الشخص ده ملكى ودى حاجه طبيعيه جدا انى اغير على اللى بحبهم ولكن اللى مش طبيعى انى اخنق الشخص ده واتحكم فيه مثلا انا بحبك انت بتاعى انا متكلمش حد غيرى متصاحبش حد غيرى وممكن افرض عليه انو بقعد فى البيت وأوقات بتوصل لانى احبس الشخص ده فى مكان ما بس كده احنا دخلنا على الهوس حب التملك مش الغيره
ومعتقدش أن غيرتى على الناس اللى بحبهم ليها سبب غير انى بحبهم أما انى احبسهم واخنقهم دى مش غيره ابدا ده كده هوس وحب تملك

وبس كده

تفاعل بقى وفرحونى وشير للكتاب ومنشن عشان اكمل ولا مش عاجبكم الكتاب ارائكم

#بقلمى ساره شريف