لِـقلبك🌚🦋

بارت 7( ثانوى )

ده بخصوص كلام الوزير و إلغاء الاوبن بوك

أنا مش عارفه الراجل ده بيفكر أزاى يعنى قبل الامتحانات باسبوعين و يقول كده ؟! و بالنسبه لتالته ثانوى اللى قدامهم شهرين و ده مستقبلهم ازاى و ازاى و مش ازاى و يلا نثور و مش عارف ايه .. تيجوا نفكر بمنطقيه انا عارفه أن الوضع صعب علينا كلنا و لكن ده أمر واقعى لا مفر منه و ها لما نثور ايه اللى هيحصل مفيش حاجه حصلت ولا هتحصل فى الوضع ده مينفعش اقول لااا انا مش زى السمك و مش همشي ورا التيار و بلا بلا بلا .. دلوقتى كل واحد فينا فى أيده حاجه واحده شهرين او اسبوعين مش قليل على الأقل أنت ذاكرت كتير و اكيد فى حاجات من التكرار علقت معاه ابدا تانى و راجع تانى و حل لكن بدون الكتاب استمر على الحال .. هيبقي صعب فى الاول لأنك اتعودت انك تفتح الكتاب و كل حاجه فى الاول صعبه محدش ينسي و لكن التكرار يعلم الشطار
فى الوضع ده و هنا يبان الطالب الشاطر من المش شاطر .. الطالب اللى يقدر يستغل الوقت الباقي صح و الطالب اللى يضيع الوقت فى صياح و احباط .. مستقبلك اهم أبعد عن اى شخص محبط زى ده و ركز على مستقبلك ركز على حلمك و محدش يقولى و دفعه السنه اللى فاتت و مش عارف ايه و بلا بلا بلا كل ده هرى .. ربنا عادل مش ظالم و مش هيضيع تعبك لو انت تعبت صح و ذاكرت صح ... حط هدفك قدامك مش الكليه حط هدف انك هتقدر و خلى بالك أن الوقت قليل دى حقيقه و لكنك تقدر تستغل الوقت ده صح و فى المفيد .. حط هدف انك عاوز تطلع حاجه كويسه عشان لما بابا أو ماما يتكلموا عليك يتكلموا عليك و رأسهم مرفوعه و عينهم بتلمع بفخر و سعاده بسببك و أن تعبهم معاك مراحش على الفاضي .. حط هدف قدامك انك هتبقي شخص ناجح عشان نفسك .. عشان لما يضيع الوقت منك متندمش و تقول يارتنى كنت و كنت و مش عارف ايه .. على الأقل حتى لو حصل ظلم .. انت من جواك هتبقي مرتاح و عارف انك عملت اللى عليك و دائما افتكر أن النتيجه دى بتاعت ربنا مش بتاعتك
#حبه تحفيز كده
#ساره شريف